शहाद्याकडून धुळे जात असताना सावळदा गावाजवळ, नुराणी पेट्रोल पंपाजवळ एका चालत्या आयशर ट्रकला (क्र. एमएच १८ एए १८५०) वायरच्या स्पार्किंगमुळे आग लागल्याची घटना घडली. प्रसंगावधान राखत चालक व सहचालकाने तात्काळ गाडीतून सुरक्षित ठिकाणी धाव घेत आपले जीव वाचवले. हा ट्रक जुने टायर घेऊन जात होता. चालत्या ट्रकमधून अचानक धूर निघत असल्याचे लक्षात येताच, काही कळण्याच्या आतच समोरील केबिनमध्ये आग लागली. यामुळे चालकाने गाडीचा वेग कमी करून खाली उडी घेतली. चालकाला पाहून सोबत असलेल्या सहचालकानेही गाडीतून उडी घेतली. मात्र, काही वेळातच आगीचा भडका अधिकच वाढला आणि पाहता पाहता संपूर्ण ट्रकला आग लागून तो पूर्णतः जळून खाक झाला. या घटनेत कोणतीही जीवितहानी झाली नसली तरी, महामार्गावरील वाहतूक ठप्प झाली होती. वाहतूक सुरळीत करण्यासाठी पोलिसांना दोन तासांचा कालावधी लागला. ट्रकला आग लागल्याची माहिती मिळताच शहादा पोलिसांनी घटनास्थळी धाव घेतली, परंतु आग विझवण्यासाठी तात्काळ कोणतीही यंत्रणा उपलब्ध नव्हती. काही तासांनी अग्निशमन दलाची गाडी बोलवण्यात आली, मात्र तोपर्यंत ट्रक अर्धा जळून खाक झाला होता. अखेरीस, शहादा नगरपालिकेच्या अग्निशामक दलाने आगीवर नियंत्रण मिळविण्यात यश मिळवले.

सुमन नागनाथ अलमलकर

Local News Reporter शिरूर-अनंतपाळ, लातूर, महाराष्ट्र•

3 hrs ago

शहाद्याकडून धुळे जात असताना सावळदा गावाजवळ, नुराणी पेट्रोल पंपाजवळ एका चालत्या आयशर ट्रकला (क्र. एमएच १८ एए १८५०) वायरच्या स्पार्किंगमुळे आग लागल्याची घटना घडली. प्रसंगावधान राखत चालक व सहचालकाने तात्काळ गाडीतून सुरक्षित ठिकाणी धाव घेत आपले जीव वाचवले. हा ट्रक जुने टायर घेऊन जात होता. चालत्या ट्रकमधून अचानक धूर निघत असल्याचे लक्षात येताच, काही कळण्याच्या आतच समोरील केबिनमध्ये आग लागली. यामुळे चालकाने गाडीचा वेग कमी करून खाली उडी घेतली. चालकाला पाहून सोबत असलेल्या सहचालकानेही गाडीतून उडी घेतली. मात्र, काही वेळातच आगीचा भडका अधिकच वाढला आणि पाहता पाहता संपूर्ण ट्रकला आग लागून तो पूर्णतः जळून खाक झाला. या घटनेत कोणतीही जीवितहानी झाली नसली तरी, महामार्गावरील वाहतूक ठप्प झाली होती. वाहतूक सुरळीत करण्यासाठी पोलिसांना दोन तासांचा कालावधी लागला. ट्रकला आग लागल्याची माहिती मिळताच शहादा पोलिसांनी घटनास्थळी धाव घेतली, परंतु आग विझवण्यासाठी तात्काळ कोणतीही यंत्रणा उपलब्ध नव्हती. काही तासांनी अग्निशमन दलाची गाडी बोलवण्यात आली, मात्र तोपर्यंत ट्रक अर्धा जळून खाक झाला होता. अखेरीस, शहादा नगरपालिकेच्या अग्निशामक दलाने आगीवर नियंत्रण मिळविण्यात यश मिळवले.