নলবাৰী জিলাৰ বৰক্ষেত্ৰী অঞ্চলৰ মুকালমুৱাৰ ২ নং জয়সাগৰ গাঁৱৰ এজন যুৱক সন্ধানহীন হৈছে।

গুৱাহাটীৰ ভাইৰেল চোৰ আব্বাছ আলী বৰ্তমান কলগাছিয়াত উপস্থিত হৈছে। জুবিনৰ গীত গাই তেওঁ ভাইৰেল হৈছিল। পোষ্টটো অনুসৰি, আব্বাছ আলীৰ হেনো কোটি টকীয়া সম্পত্তি আছে, কিন্তু আচলতে তেওঁ কলগাছিয়াত কেৱল তিৰপালেৰে সজা এটা জুপুৰিত থাকে, য'ত শুবলৈও ঠাই নাই। কেমেৰাৰ সন্মুখত নিজৰ কাণত ধৰি আব্বাছ আলীয়ে এইবুলি প্ৰতিশ্ৰুতি দিছে যে তেওঁ জীৱনত আৰু চুৰ নকৰে। তেওঁ নিচাযুক্ত দ্ৰব্য সেৱন কৰি মানসিক ভাৰসাম্য হেৰুৱাই এই অৱস্থাত পৰিছে বুলি কোৱা হৈছে। কলগাছিয়াৰ তালেব আলীৰ পুত্ৰ আব্বাছ আলী নামৰ এই ব্যক্তিজনৰ এনে কাণ্ডই ৰাইজক আমোদ দিছে।

বাক্সাৰ কয়েমাৰীত প্ৰশাসনে বেদখলকাৰীৰ ঘৰত বুলডজাৰ চলাই উচ্ছেদ অভিযান চলালে। এই অভিযানৰ ফলত বহু বছৰৰ আইনী যুঁজৰ অন্তত ৪ কঠা ভূমি বেদখলমুক্ত কৰা হ'ল। এই কাৰ্যসূচীৰ পিছত ভুক্তভোগীসকলে অৱশেষত ন্যায় লাভ কৰিলে, যাৰ বাবে এই ভূমি বহু বছৰ ধৰি বেদখলত আছিল।

বাক্সা জিলাৰ অন্তৰ্গত মায়ংপাৰা এম ই স্কুলত 'প্ৰধানমন্ত্ৰী সম্প্ৰীতি পোচন ভোজন' কাৰ্যসূচী অনুষ্ঠিত কৰা হৈছে।

বাক্সা জিলাৰ লক্ষ্মীপুৰ এ ব্ল'কত অৱস্থিত লক্ষ্মীপুৰ হাইস্কুলত বিটিচিৰ ই এম আগাষ্টুছ টিগ্গাৰে এক বিজ্ঞানাগাৰ উদ্বোধন কৰে।

কলগাছিয়া চাৰিআলি চকত থকা মোছলেম উদ্দিনৰ "ইয়াছিন ডিজিটেল ষ্টোৰ" নামৰ এখন মোবাইল ফোনৰ দোকানত যোৱা নিশাত এক চুৰি কাণ্ড সংঘটিত হৈছে। নিশাৰ অন্ধকাৰত চোৰে দোকানখনৰ তলা ভাঙি কেইবাটাও মোবাইল ফোন আৰু নগদ ধন লুটি লৈ যায়। কলগাছিয়া চাৰিআলি চকত আৰক্ষীয়ে নিয়মীয়াকৈ টহল দিয়াৰ পিছতো চোৰে অনায়াসে এই চুৰি কাণ্ড সংঘটিত কৰিবলৈ সক্ষম হোৱা কাৰ্যত ৰাইজে গভীৰ অসন্তুষ্টি ব্যক্ত কৰি ইয়াক দূৰ্ভাগ্যজনক আখ্যা দিছে। ভুক্তভোগীয়ে শীঘ্ৰে তদন্ত কৰি চোৰক কৰায়ত্ত কৰিবলৈ আৰক্ষীৰ ওচৰত দাবী জনাইছে।

বাক্সা জিলাত বিটিচিৰ কাৰ্যবাহী সদস্য আগাষ্টুছ টিগ্গাৰ দ্বাৰা কেইবাটাও নিৰ্মাণকাৰ্যৰ আধাৰশিলা স্থাপন কৰা হৈছে।

বন বিভাগে পৰ্যাপ্ত অস্ত্ৰ-সঁজুলিৰ অভাৱত গুৰুতৰ প্ৰত্যাহ্বানৰ সন্মুখীন হৈছে, যাৰ ফলত বনকৰ্মীসকলে বহু প্ৰতিকূল পৰিস্থিতিত নিজৰ কৰ্তব্য পালন কৰিবলগীয়া হৈছে। বিশেষকৈ মানুহ-হাতী সংঘাত বৃদ্ধি পোৱা অঞ্চলসমূহত বনকৰ্মীসকলে নিজৰ জীৱনৰ ঝুঁকি লৈ দিনে-নিশাই হাতী খেদাৰ কামত নিয়োজিত হৈ আছে। প্ৰতিকূল বতৰ, ধাৰাসাৰ বৰষুণ আৰু গভীৰ অৰণ্যৰ মাজতো তেওঁলোকে প্ৰায় বিনা অস্ত্ৰৰে বনৰীয়া হাতীৰ জাকক জনবসতিপূৰ্ণ অঞ্চলৰ পৰা আঁতৰাই নিবলৈ অহৰহ চেষ্টা অব্যাহত ৰাখিছে। পৰ্যাপ্ত সুৰক্ষা সামগ্ৰী আৰু আধুনিক সঁজুলিৰ অভাৱৰ বাবে বনকৰ্মীসকলে বহু সময়ত বিপদসংকুল পৰিস্থিতিৰ সন্মুখীন হ'বলগীয়া হয়।