বাক্সা জিলাৰ অন্তৰ্গত মায়ংপাৰা এম ই স্কুলত 'প্ৰধানমন্ত্ৰী সম্প্ৰীতি পোচন ভোজন' কাৰ্যসূচী অনুষ্ঠিত কৰা হৈছে।

তামুলপুৰ জিলাৰ বগাজূলি অঞ্চলৰ ঢোলাপাৰাত এটা মৃত বনৰীয়া হাতীৰ পোৱালী উদ্ধাৰ হৈছে। এই ঘটনাৰ পিছতে বন বিভাগৰ লোক ঘটনাস্থলীত উপস্থিত হৈছে যদিও মৃত হাতী পোৱালীটোৰ কাষত দুটাকৈ হাতীয়ে বিচৰণ কৰি থকাৰ বাবে ইয়াক উদ্ধাৰ কৰিব পৰা নাই। মৃত হাতী পোৱালীটোৰ মৃত্যুৰ প্ৰকৃত কাৰণ এতিয়ালৈকে জানিব পৰা হোৱা নাই।

গুৱাহাটীৰ ভাইৰেল চোৰ আব্বাছ আলী বৰ্তমান কলগাছিয়াত উপস্থিত হৈছে। জুবিনৰ গীত গাই তেওঁ ভাইৰেল হৈছিল। পোষ্টটো অনুসৰি, আব্বাছ আলীৰ হেনো কোটি টকীয়া সম্পত্তি আছে, কিন্তু আচলতে তেওঁ কলগাছিয়াত কেৱল তিৰপালেৰে সজা এটা জুপুৰিত থাকে, য'ত শুবলৈও ঠাই নাই। কেমেৰাৰ সন্মুখত নিজৰ কাণত ধৰি আব্বাছ আলীয়ে এইবুলি প্ৰতিশ্ৰুতি দিছে যে তেওঁ জীৱনত আৰু চুৰ নকৰে। তেওঁ নিচাযুক্ত দ্ৰব্য সেৱন কৰি মানসিক ভাৰসাম্য হেৰুৱাই এই অৱস্থাত পৰিছে বুলি কোৱা হৈছে। কলগাছিয়াৰ তালেব আলীৰ পুত্ৰ আব্বাছ আলী নামৰ এই ব্যক্তিজনৰ এনে কাণ্ডই ৰাইজক আমোদ দিছে।

অসম বিধানসভাৰ নৱনিৰ্বাচিত বিধায়কসকলৰ বাবে এক দুদিনীয়া প্ৰশিক্ষণ কাৰ্যসূচীৰ আয়োজন কৰা হৈছে। এই কাৰ্যসূচী অহা ৪ আৰু ৫ জুলাইত অসম বিধানসভা চৌহদৰ গোপীনাথ বৰদলৈ ভৱনৰ প্ৰেক্ষাগৃহত অনুষ্ঠিত হ'ব। অসম বিধানসভাৰ মাননীয় অধ্যক্ষ শ্ৰী ৰণজিৎ কুমাৰ দাসে আজি সংবাদ মাধ্যমক এই প্ৰশিক্ষণ কাৰ্যসূচীৰ বিষয়ে অৱগত কৰায়।

ব্যৱসায়ী গৌতম বৰুৱা উৰণসেতুৰ মাজত পত্নীৰ জন্মদিন উদযাপন কৰিবলৈ কেক কটাৰ ফলত বিপদত পৰিছে। দেওবাৰে নিশা কুমাৰ ভাস্কৰ বৰ্মা উৰণীয়া সেতুৰ ওপৰত ৰেড কাৰ্পেট পাৰি বৰুৱা দম্পতীয়ে পত্নীৰ জন্মদিন পালন কৰিছিল। এই উদযাপনৰ ভিডিঅ' সামাজিক মাধ্যমত ভাইৰেল হোৱাৰ পিছতে সচেতন মহলৰ ৰোষত পৰিছে গৌতম বৰুৱা আৰু তেওঁৰ পত্নী।

বৰপেটাৰোডৰ FRUত স্বাস্থ্য সেৱা সহজসাধ্য কৰাৰ মূল লক্ষ্যৰে এটা আল্ট্ৰা চনোগ্ৰাফী মেচিনৰ শুভাৰম্ভ কৰা হৈছে। এই নতুন ব্যৱস্থাৰ জৰিয়তে ৰোগীসকলে উন্নত স্বাস্থ্যসেৱা লাভ কৰাত সুবিধা হ’ব বুলি আশা কৰা হৈছে।

কলগাছিয়া চাৰিআলি চকত থকা মোছলেম উদ্দিনৰ "ইয়াছিন ডিজিটেল ষ্টোৰ" নামৰ এখন মোবাইল ফোনৰ দোকানত যোৱা নিশাত এক চুৰি কাণ্ড সংঘটিত হৈছে। নিশাৰ অন্ধকাৰত চোৰে দোকানখনৰ তলা ভাঙি কেইবাটাও মোবাইল ফোন আৰু নগদ ধন লুটি লৈ যায়। কলগাছিয়া চাৰিআলি চকত আৰক্ষীয়ে নিয়মীয়াকৈ টহল দিয়াৰ পিছতো চোৰে অনায়াসে এই চুৰি কাণ্ড সংঘটিত কৰিবলৈ সক্ষম হোৱা কাৰ্যত ৰাইজে গভীৰ অসন্তুষ্টি ব্যক্ত কৰি ইয়াক দূৰ্ভাগ্যজনক আখ্যা দিছে। ভুক্তভোগীয়ে শীঘ্ৰে তদন্ত কৰি চোৰক কৰায়ত্ত কৰিবলৈ আৰক্ষীৰ ওচৰত দাবী জনাইছে।

নলবাৰী জিলাৰ বৰক্ষেত্ৰী অঞ্চলৰ মুকালমুৱাৰ ২ নং জয়সাগৰ গাঁৱৰ এজন যুৱক সন্ধানহীন হৈছে।

বৰপেটাৰোডৰ ৩১ নং ৰাষ্ট্ৰীয় ঘাইপথত এক শোকাৱহ ঘটনাত নুৰ ইছলাম মণ্ডল নামৰ এজন ব্যক্তিয়ে প্ৰাণ হেৰুৱায়। চাহ খাবলৈ অহা সময়তেই এই ঘটনা তেওঁৰ বাবে কাল হৈ পৰে। এটা তীব্ৰবেগী পালচাৰ বাইকে খুন্দিওৱাৰ ফলত নুৰ ইছলাম মণ্ডলৰ ঘটনাস্থলীতে মৃত্যু হয়। মৃত নুৰ ইছলাম মণ্ডলৰ ঘৰ বালাভিঠা জামতল গাঁওত বুলি জানিব পৰা গৈছে।