నిజామాబాద్ జిల్లాలోని బోధన్ మండలం ఎంఈఓ కార్యాలయం వద్ద జూన్ 25న తెలంగాణ విద్యార్థి పరిషత్ (టీవీపీ) ఆధ్వర్యంలో ధర్నా నిర్వహించారు. ప్రైవేటు పాఠశాలల్లో విచ్చలవిడిగా అధిక ధరలకు పుస్తకాలను విక్రయిస్తున్నారని ఆరోపిస్తూ టీవీపీ ఈ నిరసన కార్యక్రమాన్ని చేపట్టింది. ఈ సందర్భంగా టీవీపీ బోధన్ డివిజన్ అధ్యక్షులు మీసాలె నాగేష్ మాట్లాడుతూ, ప్రైవేటు స్కూళ్లు వారం రోజులుగా పుస్తకాలు అమ్ముతున్నాయనే సమాచారంతో ప్రశ్నించగా, విద్యాశాఖ అధికారులే అమ్మమన్నారని యాజమాన్యాలు బదులిచ్చాయన్నారు. అయితే, ఎంఈఓకి ఫోన్ చేస్తే ప్రైవేటు స్కూళ్లలో పుస్తకాలు అమ్మకూడదనే విషయంపై తనకు ఎలాంటి అవగాహన లేదని చెప్పారని నాగేష్ తెలిపారు. విద్యార్థుల తల్లిదండ్రుల ఫిర్యాదు మేరకు స్పందించిన టీవీపీ, బయట మార్కెట్లో ₹2,000 నుండి ₹2,500 వరకు దొరికే పుస్తకాలను ప్రైవేటు స్కూల్ యాజమాన్యాలు ₹6,000 నుండి ₹10,000 వరకు అమ్ముతున్నాయని ఆరోపించింది. ప్రభుత్వ నిబంధనల ప్రకారం, పాఠశాలలు సూచించిన పుస్తకాలు బయట మార్కెట్లో కనీసం మూడు వేర్వేరు బుక్ స్టాల్స్‌లో అందుబాటులో ఉండేలా తల్లిదండ్రులకు తెలియజేయాలి, కానీ దీనికి విరుద్ధంగా విక్రయాలు జరుగుతున్నాయని మండిపడ్డారు. పేద, మధ్యతరగతి విద్యార్థుల నుంచి అధిక ఫీజులు వసూలు చేస్తున్నారని, దీనిపై విద్యాశాఖ అధికారులు స్పందించి తగిన చర్యలు తీసుకోవాలని టీవీపీ డిమాండ్ చేసింది. అవగాహన లేని ఎంఈఓను వెంటనే బదిలీ చేసి కొత్త ఎంఈఓను నియమించాలని, అలాగే కలెక్టర్ ఈ వ్యవహారంపై స్పందించి ప్రైవేటు పాఠశాలల్లో పుస్తకాల విక్రయాలను నిరోధించడానికి చర్యలు తీసుకోవాలని కోరారు. లేనిపక్షంలో పెద్ద ఎత్తున ఆందోళన కార్యక్రమాలు చేపట్టి డీఈఓ కార్యాలయాన్ని ముట్టడిస్తామని టీవీపీ హెచ్చరించింది. ఈ కార్యక్రమంలో టీవీపీ డివిజన్ కార్యదర్శి నిఖిల్, పట్టణ కార్యదర్శి వీరేష్, రాజ్ రతన్ తదితర విద్యార్థులు పాల్గొన్నారు.

RAHUL

బోధన్, నిజామాబాద్, తెలంగాణ•

5 hrs ago

నిజామాబాద్ జిల్లాలోని బోధన్ మండలం ఎంఈఓ కార్యాలయం వద్ద జూన్ 25న తెలంగాణ విద్యార్థి పరిషత్ (టీవీపీ) ఆధ్వర్యంలో ధర్నా నిర్వహించారు. ప్రైవేటు పాఠశాలల్లో విచ్చలవిడిగా అధిక ధరలకు పుస్తకాలను విక్రయిస్తున్నారని ఆరోపిస్తూ టీవీపీ ఈ నిరసన కార్యక్రమాన్ని చేపట్టింది. ఈ సందర్భంగా టీవీపీ బోధన్ డివిజన్ అధ్యక్షులు మీసాలె నాగేష్ మాట్లాడుతూ, ప్రైవేటు స్కూళ్లు వారం రోజులుగా పుస్తకాలు అమ్ముతున్నాయనే సమాచారంతో ప్రశ్నించగా, విద్యాశాఖ అధికారులే అమ్మమన్నారని యాజమాన్యాలు బదులిచ్చాయన్నారు. అయితే, ఎంఈఓకి ఫోన్ చేస్తే ప్రైవేటు స్కూళ్లలో పుస్తకాలు అమ్మకూడదనే విషయంపై తనకు ఎలాంటి అవగాహన లేదని చెప్పారని నాగేష్ తెలిపారు. విద్యార్థుల తల్లిదండ్రుల ఫిర్యాదు మేరకు స్పందించిన టీవీపీ, బయట మార్కెట్లో ₹2,000 నుండి ₹2,500 వరకు దొరికే పుస్తకాలను ప్రైవేటు స్కూల్ యాజమాన్యాలు ₹6,000 నుండి ₹10,000 వరకు అమ్ముతున్నాయని

ఆరోపించింది. ప్రభుత్వ నిబంధనల ప్రకారం, పాఠశాలలు సూచించిన పుస్తకాలు బయట మార్కెట్లో కనీసం మూడు వేర్వేరు బుక్ స్టాల్స్‌లో అందుబాటులో ఉండేలా తల్లిదండ్రులకు తెలియజేయాలి, కానీ దీనికి విరుద్ధంగా విక్రయాలు జరుగుతున్నాయని మండిపడ్డారు. పేద, మధ్యతరగతి విద్యార్థుల నుంచి అధిక ఫీజులు వసూలు చేస్తున్నారని, దీనిపై విద్యాశాఖ అధికారులు స్పందించి తగిన చర్యలు తీసుకోవాలని టీవీపీ డిమాండ్ చేసింది. అవగాహన లేని ఎంఈఓను వెంటనే బదిలీ చేసి కొత్త ఎంఈఓను నియమించాలని, అలాగే కలెక్టర్ ఈ వ్యవహారంపై స్పందించి ప్రైవేటు పాఠశాలల్లో పుస్తకాల విక్రయాలను నిరోధించడానికి చర్యలు తీసుకోవాలని కోరారు. లేనిపక్షంలో పెద్ద ఎత్తున ఆందోళన కార్యక్రమాలు చేపట్టి డీఈఓ కార్యాలయాన్ని ముట్టడిస్తామని టీవీపీ హెచ్చరించింది. ఈ కార్యక్రమంలో టీవీపీ డివిజన్ కార్యదర్శి నిఖిల్, పట్టణ కార్యదర్శి వీరేష్, రాజ్ రతన్ తదితర విద్యార్థులు పాల్గొన్నారు.