કવિઠા ગામ સામાજિક બહિષ્કારના ગંભીર આક્ષેપોને કારણે ચર્ચામાં આવ્યું છે. આ આક્ષેપોના પગલે સમગ્ર મામલે વિસ્તૃત તપાસ હાથ ધરવાની માંગ ઉઠી છે.

કવિઠા ગામ સામાજિક બહિષ્કારના ગંભીર આક્ષેપોને કારણે ચર્ચામાં આવ્યું છે. આ આક્ષેપોના પગલે સમગ્ર મામલે વિસ્તૃત તપાસ હાથ ધરવાની માંગ ઉઠી છે.

PM કિસાન સન્માન નિધિનો 23મો હપ્તો જારી કરવામાં આવ્યો છે. આ સાથે જ, ઓલપાડમાં ઓલપાડ વિધાનસભાના ધારાસભ્ય મુકેશ પટેલ દ્વારા ખેડૂતોને 155 કૃષિ યંત્રોનું વિતરણ કરવામાં આવ્યું હતું.

સુરત સિવિલ હોસ્પિટલમાં ડિજિટલ પેમેન્ટની સુવિધાના અભાવને કારણે દર્દીઓને ભારે મુશ્કેલીનો સામનો કરવો પડી રહ્યો છે. ડિજિટલ પેમેન્ટની આ કમીને લીધે, દર્દીઓને હોસ્પિટલમાં ખુલ્લા પૈસા મેળવવા માટે પણ પરેશાન થવું પડે છે.

સુરત પોલીસે શહેરમાં ગુનાખોરી નિયંત્રણમાં લેવા અને કાયદો-વ્યવસ્થાની સ્થિતિ વધુ મજબૂત કરવા માટે એક મોટી ઓપરેશનલ કાર્યવાહી હાથ ધરી છે. આ સ્પેશિયલ ડ્રાઇવ હેઠળ, સુરત પોલીસ કમિશનરેટના ઝોન ૧ થી ૭ માં આવતા તમામ પોલીસ સ્ટેશન વિસ્તારના ૧૦૦૦થી વધુ રીઢા અને ભૂતકાળમાં પકડાયેલા ગુનેગારોને તકેદારીના ભાગરૂપે અઠવાલાઇન્સ સ્થિત પોલીસ પરેડ ગ્રાઉન્ડ ખાતે એક જ સમયે એકત્ર કરવામાં આવ્યા હતા, જેના કારણે ગુનેગારોમાં ભારે ફફડાટ વ્યાપી ગયો છે. આ પરેડમાં હાજર કરાયેલા બદમાશોમાં મોટાભાગના એવા તત્વો હતા જે અગાઉ ધારીયા, તલવાર અને ચપ્પુ જેવા ઘાતક હથિયારો સાથે પકડાયા હોય અથવા હિંસક પ્રવૃત્તિઓમાં સામેલ રહ્યા હોય. આ ઉપરાંત, શહેરને નશાના દૂષણથી મુક્ત કરવાના અભિયાન અંતર્ગત ડ્રગ્સ અને અન્ય માદક પદાર્થોના કેસોમાં ઝડપાયેલા ૧૫૦થી વધુ ડ્રગ્સ માફિયાઓ અને પેડલર્સને પણ અહીં લાવી તેમની સામે કડક અટકાયતી પગલાં લેવાની પ્રક્રિયા શરૂ કરવામાં આવી છે. આ વ્યાપક કોમ્બિંગ અને પરેડ દરમિયાન સુરત પોલીસના ઉચ્ચ અધિકારીઓની દેખરેખ હેઠળ તમામ આરોપીઓની સંપૂર્ણ વિગતો તપાસવામાં આવી હતી. સ્થળ પર જ આ ૧૦૦૦થી વધુ આરોપીઓના વર્તમાન નામ, રહેઠાણના ચોક્કસ સરનામાં, તેમના ફોન નંબર અને હાલના કામ-ધંધા જેવી ઝીણવટભરી વિગતો એકત્રિત કરીને પોલીસ ડેટાબેઝ અપડેટ કરવામાં આવ્યો હતો. સુરત પોલીસની આ કડક કાર્યવાહીએ ગુનેગારોને સ્પષ્ટ સંકેત આપ્યો છે કે જો શહેરમાં શાંતિ ભંગ કરવાનો પ્રયાસ કરવામાં આવશે તો ખાખી વધુ કડક હાથે કામ લેશે.

સુરતમાં અંધશ્રદ્ધાના નામે દુષ્કર્મની એક ચોંકાવનારી ઘટના પ્રકાશમાં આવી છે. આ મામલે સિંગણપોર પોલીસે તાત્કાલિક કાર્યવાહી કરતા નરેશ ચૌહાણ નામના એક ભૂવાની ધરપકડ કરી છે. આ ભૂવો ઇન્સ્ટાગ્રામ પર રીલ્સ બનાવીને પોતાને માતાજીના સેવક તરીકે રજૂ કરતો હતો અને લોકોને છેતરતો હતો. પોલીસે અંધશ્રદ્ધાના ઓઠા હેઠળ આચરવામાં આવેલા આ દુષ્કર્મ બદલ તેની વિરુદ્ધ કાર્યવાહી હાથ ધરી છે.

ભરૂચ જિલ્લામાં ખેડૂતો ટ્રાન્સમિશન લાઇન પ્રોજેક્ટને લઈને ભારે રોષ વ્યક્ત કરી રહ્યા છે. ખેડૂતોની મુખ્ય માંગ છે કે તેમને આ પ્રોજેક્ટ અંતર્ગત ન્યાયસંગત વળતર ચૂકવવામાં આવે.

સુરતમાં પડેલા પ્રથમ વરસાદ સાથે જ તંત્રની ઘોર બેદરકારી અને ભ્રષ્ટાચારની પોલ ખુલી પડી છે. પાંડેસરા વડોદ ગામના ગણેશ નગર ખાતે, થોડા દિવસો પહેલા જ લાખોના ખર્ચે બનાવવામાં આવેલો રોડ સામાન્ય વરસાદમાં બેસી ગયો હતો, જેના કારણે એક ખાડો પડ્યો હતો. આ ઘટનામાં ત્યાંથી પસાર થઈ રહેલી બ્લુ સીટી બસ બેસી ગયેલા રોડમાં ફસાઈ ગઈ હતી, જેના પગલે ગંભીર અકસ્માત સર્જાયો હતો. આ બસ અકસ્માતમાં 2 લોકો ઈજાગ્રસ્ત થતા તેમને તાત્કાલિક સારવાર માટે સિવિલ હોસ્પિટલમાં ખસેડવામાં આવ્યા હતા. આ ઉપરાંત, અન્ય કેટલાક લોકોને પણ સામાન્ય નાની ઈજાઓ પહોંચી હતી. તંત્ર દ્વારા લાખો રૂપિયાના ખર્ચે નિર્મિત રોડની આટલી જલ્દી જર્જરિત હાલત થતાં, વ્યાપક ભ્રષ્ટાચારની આશંકાઓને વધુ બળ મળ્યું છે અને તંત્રની કાર્યપદ્ધતિ પર ગંભીર સવાલો ઉભા થયા છે.