प्रेस नोट शंभूराजे राज्याभिषेक दिनी किल्ले पुरंदर येथून जिल्हा परिषद व पंचायत समिती प्रचाराची भव्य सुरुवात विक्रम शिंदे /भोर दि.17 छत्रपती संभाजी महाराजांच्या जन्मस्थळ असलेल्या किल्ले पुरंदर येथे शंभूराजे राज्याभिषेक दिनानिमित्त आज संभाजी महाराज यांच्या चरणी नतमस्तक होऊन संभाजी ब्रिगेडच्या वतीने येणाऱ्या जिल्हा परिषद व पंचायत समिती निवडणुकीच्या प्रचाराची औपचारिक सुरुवात करण्यात आली. स्वराज्य, त्याग, संघर्ष आणि बलिदानाची साक्ष देणाऱ्या या ऐतिहासिक किल्ल्यावरून प्रचाराची सुरुवात करून, जनतेसाठी प्रामाणिक, पारदर्शक आणि संघर्षशील राजकारण करण्याचा निर्धार यावेळी करण्यात आला. शंभूराजेंच्या विचारांना अभिवादन करत, शेतकरी, कष्टकरी, युवक, महिला व सामान्य जनतेच्या प्रश्नांसाठी रस्त्यावर उतरून लढण्याचा संकल्प उपस्थित पदाधिकाऱ्यांनी व्यक्त केला. यावेळी बोलताना संभाजी ब्रिगेडचे पुणे जिल्हाध्यक्ष शिवश्री. सिद्धार्थ कोंढाळकर म्हणाले की, “शंभूराजेंच्या जन्मभूमीवरून प्रचाराची सुरुवात करणे हा केवळ राजकीय कार्यक्रम नसून, भोरच्या मातीशी निष्ठा राखत जनतेसाठी प्रामाणिक, संघर्षशील आणि जबाबदार राजकारण करण्याचा आमचा ठाम निर्धार आहे.” या प्रसंगी संभाजी ब्रिगेडचे प्रदेश प्रवक्ते शिवश्री. संतोष शिंदे, पश्चिम महाराष्ट्र कार्याध्यक्ष उत्तम कामठे, पुणे जिल्हाध्यक्ष शिवश्री. सिद्धार्थ कोंढाळकर, पुणे शहराध्यक्ष शिवश्री. अविनाशजी मोहिते, तसेच ज्योतिबा नरवडे, संतोष शिंदे, सागर शिंदे, दादासाहेब शेलार, प्रशांत मोहिते, अविनाश मोहिते, नामदेव सावंत, शिवश्री. दिपक शिंदे, ऋषी कापडी, तेजस मेटे, हेमंत चौधरी, प्रितम कोंढाळकर आदी पदाधिकारी व कार्यकर्ते मोठ्या संख्येने उपस्थित होते. या प्रचाराच्या माध्यमातून भोर तालुक्यातील प्रत्येक गाव, वाडी-वस्तीपर्यंत पोहोचून जनतेशी थेट संवाद साधत, त्यांच्या प्रश्नांना वाचा फोडण्याचा निर्धार संभाजी ब्रिगेडच्या वतीने व्यक्त करण्यात आला.

दै.राष्ट्र सह्याद्री reporter

Reporter भोर, पुणे, महाराष्ट्र•

2 hrs ago