स्वयंपाकघरातील सिलिंडरला लागली आग; ग्रामस्थांच्या तत्परतेने मोठा अनर्थ टळला मानोरा : तालुक्यातील सेवादास नगर येथे ७ मार्च रोजी सायंकाळी अचानक गॅस सिलिंडरला आग लागल्याने घरातील साहित्य जळून खाक झाले. मात्र ग्रामस्थांनी तात्काळ धाव घेत आग आटोक्यात आणल्यामुळे मोठा अनर्थ टळला. मिळालेल्या माहितीनुसार, सेवादास नगर येथील रहिवासी श्रीचंद गुलाब राठोड यांच्या घरातील स्वयंपाकघरात सायंकाळी सुमारे ७.१५ वाजण्याच्या सुमारास गॅस सिलिंडरला अचानक आग लागली. काही क्षणांतच आगीने उग्र रूप धारण केल्याने घरातील कपडे, किराणा सामान व इतर साहित्य जळून खाक झाले. आगीची माहिती मिळताच परिसरातील नागरिकांनी घटनास्थळी धाव घेतली व पाणी तसेच इतर साधनांच्या मदतीने आग विझविण्याचा प्रयत्न केला. जवळपास एक तासाच्या प्रयत्नांनंतर आग आटोक्यात आणण्यात ग्रामस्थांना यश आले. या घटनेची माहिती मिळताच संबंधित अधिकाऱ्यांनी घटनास्थळी भेट देऊन पाहणी केली व पंचनामा केला. या आगीत सुमारे ३० हजार रुपयांचे नुकसान झाल्याचा अंदाज व्यक्त करण्यात येत असून पीडित कुटुंबाने शासनाकडून आर्थिक मदतीची मागणी केली आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

23 hrs ago

स्वयंपाकघरातील सिलिंडरला लागली आग; ग्रामस्थांच्या तत्परतेने मोठा अनर्थ टळला मानोरा : तालुक्यातील सेवादास नगर येथे ७ मार्च रोजी सायंकाळी अचानक गॅस सिलिंडरला आग लागल्याने घरातील साहित्य जळून खाक झाले. मात्र ग्रामस्थांनी तात्काळ धाव घेत आग आटोक्यात आणल्यामुळे मोठा अनर्थ टळला. मिळालेल्या माहितीनुसार, सेवादास नगर येथील रहिवासी श्रीचंद गुलाब राठोड यांच्या घरातील स्वयंपाकघरात सायंकाळी सुमारे ७.१५ वाजण्याच्या सुमारास गॅस सिलिंडरला अचानक आग लागली. काही क्षणांतच आगीने उग्र रूप धारण केल्याने घरातील कपडे, किराणा सामान व इतर साहित्य जळून खाक झाले. आगीची माहिती मिळताच परिसरातील नागरिकांनी घटनास्थळी धाव घेतली व पाणी तसेच इतर साधनांच्या मदतीने आग विझविण्याचा प्रयत्न केला. जवळपास एक तासाच्या प्रयत्नांनंतर आग आटोक्यात आणण्यात ग्रामस्थांना यश आले. या घटनेची माहिती मिळताच संबंधित अधिकाऱ्यांनी घटनास्थळी भेट देऊन पाहणी केली व पंचनामा केला. या आगीत सुमारे ३० हजार रुपयांचे नुकसान झाल्याचा अंदाज व्यक्त करण्यात येत असून पीडित कुटुंबाने शासनाकडून आर्थिक मदतीची मागणी केली आहे.