କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଜୟୀରାମପୁର ପଞ୍ଚାୟତର ରସୁଲପୁର ଅଙ୍ଗନବାଡ଼ି କେନ୍ଦ୍ର ଗତ ପ୍ରାୟ ୨୦ ବର୍ଷ ହେବ ଏକ ଭଡ଼ା ଘରେ ଚାଲିଆସୁଛି। ସରକାରଙ୍କ ପକ୍ଷରୁ ଅଙ୍ଗନବାଡ଼ି କେନ୍ଦ୍ରଗୁଡ଼ିକ ପାଇଁ ପକ୍କା କୋଠା ନିର୍ମାଣ ଓ ଶିଶୁମାନଙ୍କୁ ଉନ୍ନତ ପରିବେଶରେ ସେବା ଯୋଗାଇବାକୁ ଗୁରୁତ୍ୱ ଦିଆଯାଉଥିଲେ ମଧ୍ୟ ରସୁଲପୁର କେନ୍ଦ୍ର ଏପର୍ଯ୍ୟନ୍ତ ନିଜସ୍ୱ ଭବନ ପାଇପାରି ନାହିଁ। ଏହାକୁ ନେଇ ବର୍ତ୍ତମାନ ସ୍ଥାୟୀ କୋଠା ଘର ନିର୍ମାଣ ପାଇଁ ଦାବି ଜୋରଦାର ହୋଇଛି। ସୂଚନା ଅନୁଯାୟୀ, ୨୦୦୬ ମସିହାରେ ପ୍ରତିଷ୍ଠା ହୋଇଥିବା ଏହି ଅଙ୍ଗନବାଡ଼ି କେନ୍ଦ୍ରରେ ବର୍ତ୍ତମାନ ୨୦ରୁ ଅଧିକ ଶିଶୁ ଅତି ଦୟନୀୟ ପରିବେଶରେ ଶିକ୍ଷା ଗ୍ରହଣ କରୁଛନ୍ତି। ଭଡ଼ା ଘରେ ସ୍ଥାନର ଅଭାବ, ମୌଳିକ ସୁବିଧା ନଥାଇ ବର୍ଷା ଦିନରେ ବିଭିନ୍ନ ସମସ୍ୟା ଉପୁଜୁଥିବାରୁ ଶିଶୁମାନଙ୍କ ପାଠପଢ଼ା, ପୁଷ୍ଟିକର ଖାଦ୍ୟ ବଣ୍ଟନ ଏବଂ ପ୍ରି-ସ୍କୁଲ କାର୍ଯ୍ୟକ୍ରମ ବହୁଳ ଭାବେ ପ୍ରଭାବିତ ହେଉଛି। ଏହା ସହିତ କେନ୍ଦ୍ରର ଗୁରୁତ୍ୱପୂର୍ଣ୍ଣ କାଗଜପତ୍ର ସୁରକ୍ଷିତ ଭାବେ ସଂରକ୍ଷଣ କରିବା ପାଇଁ ଉପଯୁକ୍ତ ସ୍ଥାନ ନଥିବାରୁ ଅଙ୍ଗନବାଡ଼ି କର୍ମୀ ଓ ସହାୟିକା ମଧ୍ୟ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ସ୍ଥାନୀୟ ଅଭିଭାବକ ଓ ଗ୍ରାମବାସୀ ବାରମ୍ବାର ସ୍ଥାୟୀ ଭବନ ନିର୍ମାଣ ପାଇଁ ଦାବି କରିଆସୁଥିଲେ ମଧ୍ୟ ଏପର୍ଯ୍ୟନ୍ତ ସରକାରଙ୍କ ତରଫରୁ କୌଣସି ଫଳପ୍ରଦ ପଦକ୍ଷେପ ଦେଖିବାକୁ ମିଳିନାହିଁ। ଶିଶୁ ଓ ଗର୍ଭବତୀ ମହିଳାମାନଙ୍କ ସୁରକ୍ଷା ଏବଂ ଉନ୍ନତ ସେବାକୁ ଦୃଷ୍ଟିରେ ରଖି ସରକାର ଯଥାଶୀଘ୍ର ରସୁଲପୁର ଅଙ୍ଗନବାଡ଼ି କେନ୍ଦ୍ର ପାଇଁ ନିଜସ୍ୱ ପକ୍କା ଭବନ ନିର୍ମାଣ କରିବା ସହ ଆବଶ୍ୟକୀୟ ଭିତ୍ତିଭୂମି ସୁବିଧା ଯୋଗାଇ ଦେବାକୁ ସ୍ଥାନୀୟ ଲୋକେ ଦୃଢ଼ ଦାବି କରିଛନ୍ତି।

ପ୍ରମୋଦ କୁମାର ସ୍ବାଇଁ

Local News Reporter ନିଶ୍ଚିନ୍ତକୋଇଲି, କଟକ, ଓଡ଼ିଶା•

5 hrs ago

କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଜୟୀରାମପୁର ପଞ୍ଚାୟତର ରସୁଲପୁର ଅଙ୍ଗନବାଡ଼ି କେନ୍ଦ୍ର ଗତ ପ୍ରାୟ ୨୦ ବର୍ଷ ହେବ ଏକ ଭଡ଼ା ଘରେ ଚାଲିଆସୁଛି। ସରକାରଙ୍କ ପକ୍ଷରୁ ଅଙ୍ଗନବାଡ଼ି କେନ୍ଦ୍ରଗୁଡ଼ିକ ପାଇଁ ପକ୍କା କୋଠା ନିର୍ମାଣ ଓ ଶିଶୁମାନଙ୍କୁ ଉନ୍ନତ ପରିବେଶରେ ସେବା ଯୋଗାଇବାକୁ ଗୁରୁତ୍ୱ ଦିଆଯାଉଥିଲେ ମଧ୍ୟ ରସୁଲପୁର କେନ୍ଦ୍ର ଏପର୍ଯ୍ୟନ୍ତ ନିଜସ୍ୱ ଭବନ ପାଇପାରି ନାହିଁ। ଏହାକୁ ନେଇ ବର୍ତ୍ତମାନ ସ୍ଥାୟୀ କୋଠା ଘର ନିର୍ମାଣ ପାଇଁ ଦାବି ଜୋରଦାର ହୋଇଛି। ସୂଚନା ଅନୁଯାୟୀ, ୨୦୦୬ ମସିହାରେ ପ୍ରତିଷ୍ଠା ହୋଇଥିବା ଏହି ଅଙ୍ଗନବାଡ଼ି କେନ୍ଦ୍ରରେ ବର୍ତ୍ତମାନ ୨୦ରୁ ଅଧିକ ଶିଶୁ ଅତି ଦୟନୀୟ ପରିବେଶରେ ଶିକ୍ଷା ଗ୍ରହଣ କରୁଛନ୍ତି। ଭଡ଼ା ଘରେ ସ୍ଥାନର ଅଭାବ, ମୌଳିକ ସୁବିଧା ନଥାଇ ବର୍ଷା ଦିନରେ ବିଭିନ୍ନ ସମସ୍ୟା ଉପୁଜୁଥିବାରୁ ଶିଶୁମାନଙ୍କ ପାଠପଢ଼ା, ପୁଷ୍ଟିକର ଖାଦ୍ୟ ବଣ୍ଟନ ଏବଂ ପ୍ରି-ସ୍କୁଲ କାର୍ଯ୍ୟକ୍ରମ ବହୁଳ ଭାବେ ପ୍ରଭାବିତ ହେଉଛି। ଏହା ସହିତ କେନ୍ଦ୍ରର ଗୁରୁତ୍ୱପୂର୍ଣ୍ଣ କାଗଜପତ୍ର ସୁରକ୍ଷିତ ଭାବେ ସଂରକ୍ଷଣ କରିବା ପାଇଁ ଉପଯୁକ୍ତ ସ୍ଥାନ ନଥିବାରୁ ଅଙ୍ଗନବାଡ଼ି କର୍ମୀ ଓ ସହାୟିକା ମଧ୍ୟ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ସ୍ଥାନୀୟ ଅଭିଭାବକ ଓ ଗ୍ରାମବାସୀ ବାରମ୍ବାର ସ୍ଥାୟୀ ଭବନ ନିର୍ମାଣ ପାଇଁ ଦାବି କରିଆସୁଥିଲେ ମଧ୍ୟ ଏପର୍ଯ୍ୟନ୍ତ ସରକାରଙ୍କ ତରଫରୁ କୌଣସି ଫଳପ୍ରଦ ପଦକ୍ଷେପ ଦେଖିବାକୁ ମିଳିନାହିଁ। ଶିଶୁ ଓ ଗର୍ଭବତୀ ମହିଳାମାନଙ୍କ ସୁରକ୍ଷା ଏବଂ ଉନ୍ନତ ସେବାକୁ ଦୃଷ୍ଟିରେ ରଖି ସରକାର ଯଥାଶୀଘ୍ର ରସୁଲପୁର ଅଙ୍ଗନବାଡ଼ି କେନ୍ଦ୍ର ପାଇଁ ନିଜସ୍ୱ ପକ୍କା ଭବନ ନିର୍ମାଣ କରିବା ସହ ଆବଶ୍ୟକୀୟ ଭିତ୍ତିଭୂମି ସୁବିଧା ଯୋଗାଇ ଦେବାକୁ ସ୍ଥାନୀୟ ଲୋକେ ଦୃଢ଼ ଦାବି କରିଛନ୍ତି।