डॉ. बाबासाहेब आंबेडकर महाविद्यालयातील कर्मचाऱ्यांच्या वेतनप्रकरणी भंते आर्य नागार्जुन सुरई ससाई यांनी राष्ट्रसंत तुकडोजी महाराज नागपूर विद्यापीठावर केलेले आरोप पूर्णपणे निराधार, दिशाभूल करणारे आणि समाजात संभ्रम निर्माण करणारे असल्याचा दावा प.पू. डॉ. बाबासाहेब आंबेडकर स्मारक समिती, दीक्षाभूमीने केला आहे. समितीचे अध्यक्ष विलास गजघाटे यांनी प्रसिद्धीस दिलेल्या निवेदनात या आरोपांमागे कोणतेही तथ्य नसल्याचे स्पष्ट केले असून या प्रकरणात विद्यापीठाचा कोणताही दोष नसल्याचे म्हटले आहे. निवेदनानुसार, प्रभारी प्राचार्य प्रा. दीपा पान्हेकर यांचा कार्यकाळ १५ जून २०२६ रोजी संपुष्टात आला. त्यांच्या पुढील नियुक्तीचा प्रस्ताव विद्यापीठाने नियमांनुसार ३ जुलै २०२६ रोजी नामंजूर केला. प्रभारी प्राचार्यांचा कार्यकाळ संपल्यामुळे त्यांना वेतन परिपत्रकावर स्वाक्षरी करण्याचा अधिकार उरलेला नाही. त्यामुळे वेतना संदर्भातील परिपत्रक उच्च शिक्षण विभागाकडे पाठविण्यात आलेले नाही. विद्यापीठामुळे कर्मचाऱ्यांचे वेतन रखडल्याचा आरोप वस्तुस्थितीला धरून नसून, माजी प्रभारी प्राचार्यांची पुन्हा नियुक्ती होणार असल्याचा चुकीचा प्रचार कर्मचाऱ्यांमध्ये केला जात असल्याचे समितीने स्पष्ट केले आहे. समितीने पुढे दावा केला आहे की, २२ जून २०२६ रोजी झालेल्या बैठकीत विश्वस्त भंते आर्य नागार्जुन सुरई ससाई यांना पदमुक्त करण्यात आले असून, त्यांच्या वतीने पाठविण्यात येणारे प्रस्ताव किंवा निवेदने कायदेशीरदृष्ट्या वैध नाहीत. नव्याने निवडून आलेल्या विश्वस्त मंडळाने डॉ. भुवनेश्वरी मेहरे यांची प्राचार्यपदासाठी शिफारस केली असून हा प्रस्ताव विद्यापीठाच्या विचाराधीन आहे. या विश्वस्त मंडळास एप्रिल २०२७ पर्यंत विद्यापीठाची मान्यता आहे. समितीने माध्यमांना वस्तुस्थितीची खातरजमा करूनच बातम्या प्रसिद्ध करण्याचे आणि नागरिकांना कोणत्याही अफवांवर विश्वास न ठेवण्याचे आवाहन केले आहे.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

3 hrs ago

डॉ. बाबासाहेब आंबेडकर महाविद्यालयातील कर्मचाऱ्यांच्या वेतनप्रकरणी भंते आर्य नागार्जुन सुरई ससाई यांनी राष्ट्रसंत तुकडोजी महाराज नागपूर विद्यापीठावर केलेले आरोप पूर्णपणे निराधार, दिशाभूल करणारे आणि समाजात संभ्रम निर्माण करणारे असल्याचा दावा प.पू. डॉ. बाबासाहेब आंबेडकर स्मारक समिती, दीक्षाभूमीने केला आहे. समितीचे अध्यक्ष विलास गजघाटे यांनी प्रसिद्धीस दिलेल्या निवेदनात या आरोपांमागे कोणतेही तथ्य नसल्याचे स्पष्ट केले असून या प्रकरणात विद्यापीठाचा कोणताही दोष नसल्याचे म्हटले आहे. निवेदनानुसार, प्रभारी प्राचार्य प्रा. दीपा पान्हेकर यांचा कार्यकाळ १५ जून २०२६ रोजी संपुष्टात आला. त्यांच्या पुढील नियुक्तीचा प्रस्ताव विद्यापीठाने नियमांनुसार ३ जुलै २०२६ रोजी नामंजूर केला. प्रभारी प्राचार्यांचा कार्यकाळ संपल्यामुळे त्यांना वेतन परिपत्रकावर स्वाक्षरी करण्याचा अधिकार उरलेला नाही. त्यामुळे वेतना संदर्भातील परिपत्रक उच्च शिक्षण विभागाकडे पाठविण्यात आलेले नाही. विद्यापीठामुळे कर्मचाऱ्यांचे वेतन रखडल्याचा आरोप वस्तुस्थितीला धरून नसून, माजी प्रभारी प्राचार्यांची पुन्हा नियुक्ती होणार असल्याचा चुकीचा प्रचार कर्मचाऱ्यांमध्ये केला जात असल्याचे समितीने स्पष्ट केले आहे. समितीने पुढे दावा केला आहे की, २२ जून २०२६ रोजी झालेल्या बैठकीत विश्वस्त भंते आर्य नागार्जुन सुरई ससाई यांना पदमुक्त करण्यात आले असून, त्यांच्या वतीने पाठविण्यात येणारे प्रस्ताव किंवा निवेदने कायदेशीरदृष्ट्या वैध नाहीत. नव्याने निवडून आलेल्या विश्वस्त मंडळाने डॉ. भुवनेश्वरी मेहरे यांची प्राचार्यपदासाठी शिफारस केली असून हा प्रस्ताव विद्यापीठाच्या विचाराधीन आहे. या विश्वस्त मंडळास एप्रिल २०२७ पर्यंत विद्यापीठाची मान्यता आहे. समितीने माध्यमांना वस्तुस्थितीची खातरजमा करूनच बातम्या प्रसिद्ध करण्याचे आणि नागरिकांना कोणत्याही अफवांवर विश्वास न ठेवण्याचे आवाहन केले आहे.