ତିନି ଦିନ ଧରି ଅନ୍ଧାରରେ ନୂଆଗାଁ,ବିଦ୍ୟୁତ୍‌ ଯୋଗାଣ ପାଇଁ ଗ୍ରାମବାସୀଙ୍କ ଦାବି କେନ୍ଦୁଝର,୨୫।୮(ଦୁର୍ଯ୍ୟୋଧନ ପାତ୍ର):କେନ୍ଦୁଝର ସଦର ଅନ୍ତର୍ଗତ ନୂଆଗାଁ ପଞ୍ଚାୟତର ନୂଆଗାଁ ଗ୍ରାମରେ ଗତ ତିନି ଦିନ ଧରି ବିଦ୍ୟୁତ୍‌ ସରବରାହ ବନ୍ଦ ରହିଥିବାରୁ ଗ୍ରାମବାସୀ ଅନ୍ଧାର ମଧ୍ୟରେ ଦିନ କାଟୁଛନ୍ତି।ଗ୍ରାମରେ ୪୧ ଜଣ ବିଦ୍ୟୁତ୍‌ ଉପଭୋକ୍ତା ଥିଲେ ମଧ୍ୟ ଦୀର୍ଘ ସମୟ ଧରି ବିଦ୍ୟୁତ୍‌ ଯୋଗାଣ ସ୍ୱାଭାବିକ ହୋଇନଥିବାରୁ ଜନଜୀବନ ଗଭୀର ଭାବେ ପ୍ରଭାବିତ ହୋଇଛି।ବିଦ୍ୟୁତ୍‌ ଅଭାବର ପ୍ରତ୍ୟକ୍ଷ ପ୍ରଭାବ ଆର୍‌.ଆଇ.କାର୍ଯ୍ୟାଳୟ,ଦୁଗ୍ଧ ସମବାୟ ସମିତି ଓ ବିଦ୍ୟାଳୟ ଉପରେ ପଡ଼ିଛି।ଆର୍‌.ଆଇ. କାର୍ଯ୍ୟାଳୟକୁ ବିଭିନ୍ନ କାର୍ଯ୍ୟରେ ଆସୁଥିବା ଲୋକେ ଆବଶ୍ୟକ ସେବା ପାଇବାରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି।ସେହିପରି ଦୁଗ୍ଧ ସମବାୟ ସମିତିର ୬୨ ଜଣ ଦୁଗ୍ଧଚାଷୀ ବିଦ୍ୟୁତ୍‌ ନଥିବାରୁ ଦୁଗ୍ଧ ନମୁନା ଯାଞ୍ଚ କରାଇପାରୁ ନଥିବା ଅଭିଯୋଗ ହୋଇଛି।ଏହାଫଳରେ ଦୁଗ୍ଧଚାଷୀମାନେ ଆର୍ଥିକ କ୍ଷତି ସହୁଥିବା କୁହାଯାଉଛି।ବିଦ୍ୟୁତ୍‌ ବିଚ୍ଛିନ୍ନତା ଯୋଗୁଁ ବିଦ୍ୟାଳୟର ଶିକ୍ଷାଦାନ ଓ ଛାତ୍ରଛାତ୍ରୀଙ୍କ ପାଠପଢ଼ା ମଧ୍ୟ ବ୍ୟାହତ ହୋଇଛି।ବିଶେଷକରି ରାତ୍ରି ସମୟରେ ପିଲାମାନଙ୍କ ପାଠପଢ଼ା ଏକପ୍ରକାର ଠପ୍‌ ହୋଇଯାଇଛି।ଅନ୍ୟପକ୍ଷରେ, ପ୍ରାୟ ଏକ ମାସ ପୂର୍ବରୁ ଏହି ଗ୍ରାମରେ ସାପ କାମୁଡ଼ାରେ ଜଣେ ସ୍ତ୍ରୀ ଲୋକଙ୍କ ମୃତ୍ୟୁ ଘଟିଥିବା ନଜିର ରହିଛି।ଏଭଳି ପରିସ୍ଥିତିରେ ରାତିରେ ଗ୍ରାମ ଅନ୍ଧାରରେ ରହିବା ନେଇ ଗ୍ରାମବାସୀଙ୍କ ମଧ୍ୟରେ ସୁରକ୍ଷା ଆଶଙ୍କା ବଢ଼ିଛି।ଜନଜୀବନକୁ ସ୍ୱାଭାବିକ କରିବା ସହ ଦୁଗ୍ଧଚାଷୀ,ଛାତ୍ରଛାତ୍ରୀ ଓ ସାଧାରଣ ଲୋକଙ୍କ ଦୁର୍ଦ୍ଦଶା ଦୂର କରିବା ପାଇଁ ତୁରନ୍ତ ବିଦ୍ୟୁତ୍‌ ସରବରାହ ପୁନଃସ୍ଥାପନ କରିବାକୁ ଗ୍ରାମବାସୀ ଦାବି କରିଛନ୍ତି।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

17 hrs ago

ତିନି ଦିନ ଧରି ଅନ୍ଧାରରେ ନୂଆଗାଁ,ବିଦ୍ୟୁତ୍‌ ଯୋଗାଣ ପାଇଁ ଗ୍ରାମବାସୀଙ୍କ ଦାବି କେନ୍ଦୁଝର,୨୫।୮(ଦୁର୍ଯ୍ୟୋଧନ ପାତ୍ର):କେନ୍ଦୁଝର ସଦର ଅନ୍ତର୍ଗତ ନୂଆଗାଁ ପଞ୍ଚାୟତର ନୂଆଗାଁ ଗ୍ରାମରେ ଗତ ତିନି ଦିନ ଧରି ବିଦ୍ୟୁତ୍‌ ସରବରାହ ବନ୍ଦ ରହିଥିବାରୁ ଗ୍ରାମବାସୀ ଅନ୍ଧାର ମଧ୍ୟରେ ଦିନ କାଟୁଛନ୍ତି।ଗ୍ରାମରେ ୪୧ ଜଣ ବିଦ୍ୟୁତ୍‌ ଉପଭୋକ୍ତା ଥିଲେ ମଧ୍ୟ ଦୀର୍ଘ ସମୟ ଧରି ବିଦ୍ୟୁତ୍‌ ଯୋଗାଣ ସ୍ୱାଭାବିକ ହୋଇନଥିବାରୁ ଜନଜୀବନ ଗଭୀର ଭାବେ ପ୍ରଭାବିତ ହୋଇଛି।ବିଦ୍ୟୁତ୍‌ ଅଭାବର ପ୍ରତ୍ୟକ୍ଷ ପ୍ରଭାବ ଆର୍‌.ଆଇ.କାର୍ଯ୍ୟାଳୟ,ଦୁଗ୍ଧ ସମବାୟ ସମିତି ଓ ବିଦ୍ୟାଳୟ ଉପରେ ପଡ଼ିଛି।ଆର୍‌.ଆଇ. କାର୍ଯ୍ୟାଳୟକୁ ବିଭିନ୍ନ କାର୍ଯ୍ୟରେ ଆସୁଥିବା ଲୋକେ ଆବଶ୍ୟକ ସେବା ପାଇବାରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି।ସେହିପରି ଦୁଗ୍ଧ ସମବାୟ ସମିତିର ୬୨ ଜଣ ଦୁଗ୍ଧଚାଷୀ ବିଦ୍ୟୁତ୍‌ ନଥିବାରୁ ଦୁଗ୍ଧ ନମୁନା ଯାଞ୍ଚ କରାଇପାରୁ ନଥିବା ଅଭିଯୋଗ ହୋଇଛି।ଏହାଫଳରେ ଦୁଗ୍ଧଚାଷୀମାନେ ଆର୍ଥିକ କ୍ଷତି ସହୁଥିବା କୁହାଯାଉଛି।ବିଦ୍ୟୁତ୍‌ ବିଚ୍ଛିନ୍ନତା ଯୋଗୁଁ ବିଦ୍ୟାଳୟର ଶିକ୍ଷାଦାନ ଓ ଛାତ୍ରଛାତ୍ରୀଙ୍କ ପାଠପଢ଼ା ମଧ୍ୟ ବ୍ୟାହତ ହୋଇଛି।ବିଶେଷକରି ରାତ୍ରି ସମୟରେ ପିଲାମାନଙ୍କ ପାଠପଢ଼ା ଏକପ୍ରକାର ଠପ୍‌ ହୋଇଯାଇଛି।ଅନ୍ୟପକ୍ଷରେ, ପ୍ରାୟ ଏକ ମାସ ପୂର୍ବରୁ ଏହି ଗ୍ରାମରେ ସାପ କାମୁଡ଼ାରେ ଜଣେ ସ୍ତ୍ରୀ ଲୋକଙ୍କ ମୃତ୍ୟୁ ଘଟିଥିବା ନଜିର ରହିଛି।ଏଭଳି ପରିସ୍ଥିତିରେ ରାତିରେ ଗ୍ରାମ ଅନ୍ଧାରରେ ରହିବା ନେଇ ଗ୍ରାମବାସୀଙ୍କ ମଧ୍ୟରେ ସୁରକ୍ଷା ଆଶଙ୍କା ବଢ଼ିଛି।ଜନଜୀବନକୁ ସ୍ୱାଭାବିକ କରିବା ସହ ଦୁଗ୍ଧଚାଷୀ,ଛାତ୍ରଛାତ୍ରୀ ଓ ସାଧାରଣ ଲୋକଙ୍କ ଦୁର୍ଦ୍ଦଶା ଦୂର କରିବା ପାଇଁ ତୁରନ୍ତ ବିଦ୍ୟୁତ୍‌ ସରବରାହ ପୁନଃସ୍ଥାପନ କରିବାକୁ ଗ୍ରାମବାସୀ ଦାବି କରିଛନ୍ତି।