పొట్టి శ్రీరాములు నెల్లూరు జిల్లాలోని తోటపల్లి గూడూరు మండలం, కామాక్షి నగర్, తోటపల్లి గ్రామాలలో పర్యటించిన మాజీ మంత్రివర్యులు, ఉమ్మడి నెల్లూరు జిల్లా వైఎస్ఆర్ కాంగ్రెస్ పార్టీ జిల్లా అధ్యక్షులు డా. కాకాణి గోవర్ధన్ రెడ్డి, కూటమి పాలనంతా కుట్రలమయమని, ప్రజల అభివృద్ధి, సంక్షేమం గురించి పట్టించుకునే నాథుడే కరువయ్యాడని తీవ్రంగా విమర్శించారు. కూటమి ప్రభుత్వంలో అభివృద్ధి పనులు మంజూరు కాక, శంకుస్థాపనలు, ప్రారంభోత్సవాలకు శిలాఫలకాలు వేసే అవకాశం రాక, పాత శిలాఫలకాలకు పసుపు రంగులు వేసుకుంటున్నారంటూ గ్రామస్తులు ఎద్దేవా చేశారని ఆయన పేర్కొన్నారు. జగనన్న హయాంలో జరిగిన అభివృద్ధి, సంక్షేమ కార్యక్రమాలు తప్ప, కూటమి ప్రభుత్వంలో అభివృద్ధి ఊసే లేదని స్థానికులు కాకాణి ఎదుట వాపోయారు. రైతులకు సాగునీరు అందించే ఉద్దేశం ప్రజాప్రతినిధులకు లేదని, ఇరిగేషన్ పేరుతో దొంగ బిల్లులు చేసుకుని కోట్లాది రూపాయలు దోచుకుంటున్నారని రైతులు కాకాణి ఎదుట ఆవేదన వ్యక్తం చేశారు. దీనికి భిన్నంగా, జగన్మోహన్ రెడ్డి ముఖ్యమంత్రిగా, తాను మంత్రిగా ఉన్నప్పుడు, నరుకూరు నుండి మండల కేంద్రం తోటపల్లి గూడూరు వరకు సిమెంట్ రోడ్లు నిర్మించి, ఈ ప్రాంత ప్రజల దశాబ్దాల కలను నెరవేర్చారని స్థానికులు ప్రశంసించారు. వైయస్సార్ కాంగ్రెస్ పార్టీ ప్రభుత్వంలోనే గ్రామాలలో సిమెంట్ రోడ్లు, సైడు కాలువలు, త్రాగునీటి వసతి, సాగునీటి అవసరాలు తీర్చినట్లు కాకాణి స్పష్టం చేశారు. అలాగే, జగనన్న పేదల సొంత ఇంటి కలను తీర్చేందుకు ఇళ్ళు మంజూరు చేస్తే, కూటమి ప్రభుత్వం అధికారంలోకి వచ్చాక, కట్టుకుంటున్న ఇళ్లకు బిల్లులు నిలిపివేసి పేదవాడి సొంత ఇంటి కల నెరవేరకుండా చేసిందని ఆరోపించారు. ఎన్నికల కమీషన్ నూతనంగా చేపడుతున్న స్పెషల్ ఇంటెన్సివ్ రివిజన్ (SIR) కార్యక్రమం పట్ల బూత్ లెవెల్ ఏజెంట్లు, స్థానిక నాయకులు బాధ్యతాయుతంగా వ్యవహరించి, అర్హులైన వైఎస్ఆర్ కాంగ్రెస్ పార్టీ ఓటు కోల్పోకుండా, అధికార తెలుగుదేశం పార్టీ అనర్హుల ఓట్లను నిలుపుకునే ప్రయత్నాన్ని అడ్డుకోవాలని కాకాణి పిలుపునిచ్చారు. కూటమి ప్రభుత్వం పాత పెన్షన్లను ప్రతి నెలా 1వ తేదీ వచ్చి పంపిణీ చేయడం తప్ప, మరో కార్యక్రమం చేపట్టడం లేదని, సర్వేపల్లి నియోజకవర్గంలో అడుగడుగునా అవినీతి తాండవిస్తుందని, అభివృద్ధిని గానీ, ప్రజల సంక్షేమాన్ని గానీ పట్టించుకునేవారు లేరని ఆయన దుయ్యబట్టారు. గ్రామాలలో కక్షలు ప్రోత్సహిస్తూ, గ్రామస్తుల మధ్య చిచ్చుపెట్టి, కేసులు బనాయించడం తప్ప ప్రజల సమస్యలను పట్టించుకోవడం లేదని విమర్శించారు. పెట్రో, డీజిల్ ధరలతో పాటు, నిత్యవసర ధరలు ఆకాశాన్ని అంటుతున్నాయని, రైతులు, విద్యార్థులు, యువకులు, మహిళలు, అన్ని వర్గాలకు చెందిన ప్రజలు కనీస అవసరాలు తీరక తీవ్రంగా మదన పడుతున్నారని కాకాణి అన్నారు. కామాక్షి నగర్‌లో వైఎస్ఆర్ కాంగ్రెస్ పార్టీ నాయకులు, మాజీ సర్పంచ్ దాన స్వాతి, రమేష్ ఇంటికి వెళ్లడంతో పాటు, తోటపల్లి గ్రామంలో వైఎస్ఆర్ కాంగ్రెస్ పార్టీ నాయకుడు అన్నం రవిచంద్ర ఇంటికి వెళ్లి కార్యకర్తలతో పలు విషయాలు చర్చించారు. అలాగే, తోటపల్లి గ్రామంలో ఇటీవల మరణించిన రాయపు నారాయణ కుటుంబ సభ్యులను పరామర్శించారు. అధికారం ఉన్నా, లేకపోయినా ప్రజలకు పిలిస్తే పలుకుతూ, ఎల్లవేళలా అందుబాటులో ఉంటామని కాకాణి హామీ ఇచ్చారు.

SRIHARI POONDLA

నెల్లూరు అర్బన్, ఎస్పీఎస్ఆర్ నెల్లూరు, ఆంధ్రప్రదేశ్•

5 hrs ago

పొట్టి శ్రీరాములు నెల్లూరు జిల్లాలోని తోటపల్లి గూడూరు మండలం, కామాక్షి నగర్, తోటపల్లి గ్రామాలలో పర్యటించిన మాజీ మంత్రివర్యులు, ఉమ్మడి నెల్లూరు జిల్లా వైఎస్ఆర్ కాంగ్రెస్ పార్టీ జిల్లా అధ్యక్షులు డా. కాకాణి గోవర్ధన్ రెడ్డి, కూటమి పాలనంతా కుట్రలమయమని, ప్రజల అభివృద్ధి, సంక్షేమం గురించి పట్టించుకునే నాథుడే కరువయ్యాడని తీవ్రంగా విమర్శించారు. కూటమి ప్రభుత్వంలో అభివృద్ధి పనులు మంజూరు కాక, శంకుస్థాపనలు, ప్రారంభోత్సవాలకు శిలాఫలకాలు వేసే అవకాశం రాక, పాత శిలాఫలకాలకు పసుపు రంగులు వేసుకుంటున్నారంటూ గ్రామస్తులు ఎద్దేవా చేశారని ఆయన పేర్కొన్నారు. జగనన్న హయాంలో జరిగిన అభివృద్ధి, సంక్షేమ కార్యక్రమాలు తప్ప, కూటమి ప్రభుత్వంలో అభివృద్ధి ఊసే లేదని స్థానికులు కాకాణి ఎదుట వాపోయారు. రైతులకు సాగునీరు అందించే ఉద్దేశం ప్రజాప్రతినిధులకు లేదని, ఇరిగేషన్ పేరుతో దొంగ బిల్లులు చేసుకుని కోట్లాది రూపాయలు దోచుకుంటున్నారని రైతులు కాకాణి ఎదుట ఆవేదన వ్యక్తం చేశారు. దీనికి భిన్నంగా, జగన్మోహన్ రెడ్డి ముఖ్యమంత్రిగా, తాను మంత్రిగా ఉన్నప్పుడు, నరుకూరు నుండి మండల కేంద్రం తోటపల్లి గూడూరు వరకు సిమెంట్ రోడ్లు నిర్మించి, ఈ ప్రాంత ప్రజల దశాబ్దాల కలను నెరవేర్చారని స్థానికులు ప్రశంసించారు. వైయస్సార్ కాంగ్రెస్ పార్టీ ప్రభుత్వంలోనే గ్రామాలలో సిమెంట్ రోడ్లు, సైడు కాలువలు, త్రాగునీటి వసతి, సాగునీటి అవసరాలు తీర్చినట్లు కాకాణి స్పష్టం చేశారు. అలాగే, జగనన్న పేదల సొంత ఇంటి కలను తీర్చేందుకు ఇళ్ళు మంజూరు చేస్తే, కూటమి ప్రభుత్వం అధికారంలోకి వచ్చాక, కట్టుకుంటున్న ఇళ్లకు బిల్లులు నిలిపివేసి పేదవాడి సొంత ఇంటి కల నెరవేరకుండా చేసిందని ఆరోపించారు. ఎన్నికల కమీషన్ నూతనంగా చేపడుతున్న స్పెషల్ ఇంటెన్సివ్ రివిజన్ (SIR) కార్యక్రమం పట్ల బూత్ లెవెల్ ఏజెంట్లు, స్థానిక నాయకులు బాధ్యతాయుతంగా వ్యవహరించి, అర్హులైన వైఎస్ఆర్ కాంగ్రెస్ పార్టీ ఓటు కోల్పోకుండా, అధికార తెలుగుదేశం పార్టీ అనర్హుల ఓట్లను నిలుపుకునే ప్రయత్నాన్ని అడ్డుకోవాలని కాకాణి పిలుపునిచ్చారు. కూటమి ప్రభుత్వం పాత పెన్షన్లను ప్రతి నెలా 1వ తేదీ వచ్చి పంపిణీ చేయడం తప్ప, మరో కార్యక్రమం చేపట్టడం లేదని, సర్వేపల్లి నియోజకవర్గంలో అడుగడుగునా అవినీతి తాండవిస్తుందని, అభివృద్ధిని గానీ, ప్రజల సంక్షేమాన్ని గానీ పట్టించుకునేవారు లేరని ఆయన దుయ్యబట్టారు. గ్రామాలలో కక్షలు ప్రోత్సహిస్తూ, గ్రామస్తుల మధ్య చిచ్చుపెట్టి, కేసులు బనాయించడం తప్ప ప్రజల సమస్యలను పట్టించుకోవడం లేదని విమర్శించారు. పెట్రో, డీజిల్ ధరలతో పాటు, నిత్యవసర ధరలు ఆకాశాన్ని అంటుతున్నాయని, రైతులు, విద్యార్థులు, యువకులు, మహిళలు, అన్ని వర్గాలకు చెందిన ప్రజలు కనీస అవసరాలు తీరక తీవ్రంగా మదన పడుతున్నారని కాకాణి అన్నారు. కామాక్షి నగర్‌లో వైఎస్ఆర్ కాంగ్రెస్ పార్టీ నాయకులు, మాజీ సర్పంచ్ దాన స్వాతి, రమేష్ ఇంటికి వెళ్లడంతో పాటు, తోటపల్లి గ్రామంలో వైఎస్ఆర్ కాంగ్రెస్ పార్టీ నాయకుడు అన్నం రవిచంద్ర ఇంటికి వెళ్లి కార్యకర్తలతో పలు విషయాలు చర్చించారు. అలాగే, తోటపల్లి గ్రామంలో ఇటీవల మరణించిన రాయపు నారాయణ కుటుంబ సభ్యులను పరామర్శించారు. అధికారం ఉన్నా, లేకపోయినా ప్రజలకు పిలిస్తే పలుకుతూ, ఎల్లవేళలా అందుబాటులో ఉంటామని కాకాణి హామీ ఇచ్చారు.