चाकूर तालुक्यातील कलकोटी गावात अनेक दिवसांपासून सुरू असलेल्या अवैध दारूविक्रीमुळे संतप्त झालेल्या महिलांनी शनिवारी (दि. २७) याविरोधात रस्त्यावर उतरून जोरदार एल्गार पुकारला. "आमचे संसार वाचवा, गावातील दारू कायमची बंद करा," अशी आर्त हाक देत महिलांनी सुरुवातीला एका दारूविक्रेत्याच्या घरात जाऊन त्याला जाब विचारला. यावेळी झालेल्या वादामुळे महिलांनी संबंधित विक्रेत्याला चोप दिला. त्यानंतर, त्यांनी गावालगतच्या धाब्यावर धडक दिली आणि पोलिसांच्या उपस्थितीत अवैध दारू पकडून दिली. आपला मोर्चा घेऊन या महिला थेट चाकूर पोलीस ठाण्यावर पोहोचल्या. पोलीस निरीक्षकांना दिलेल्या निवेदनात कलकोटी येथील महिलांनी गंभीर आरोप केला आहे की, अवैध दारूविक्रीमुळे गावातील अनेक कुटुंबे उद्ध्वस्त होत आहेत. दारूच्या व्यसनामुळे अनेकांनी शेतीकडे दुर्लक्ष केले असून, व्यसन पूर्ण करण्यासाठी व्याजाने पैसे घेण्याची वेळ त्यांच्यावर आली आहे. यामुळे गावातील सामाजिक वातावरण बिघडत असून, महिलांना आर्थिक, मानसिक आणि कौटुंबिक त्रासाला सामोरे जावे लागत असल्याचे त्यांनी नमूद केले.

Satish Chande

चाकूर, लातूर, महाराष्ट्र•

2 hrs ago

चाकूर तालुक्यातील कलकोटी गावात अनेक दिवसांपासून सुरू असलेल्या अवैध दारूविक्रीमुळे संतप्त झालेल्या महिलांनी शनिवारी (दि. २७) याविरोधात रस्त्यावर उतरून जोरदार एल्गार पुकारला. "आमचे संसार वाचवा, गावातील दारू कायमची बंद करा," अशी आर्त हाक देत महिलांनी सुरुवातीला एका दारूविक्रेत्याच्या घरात जाऊन त्याला जाब विचारला. यावेळी झालेल्या वादामुळे महिलांनी संबंधित विक्रेत्याला चोप दिला. त्यानंतर, त्यांनी गावालगतच्या धाब्यावर धडक दिली आणि पोलिसांच्या उपस्थितीत अवैध दारू पकडून दिली. आपला मोर्चा घेऊन या महिला थेट चाकूर पोलीस ठाण्यावर पोहोचल्या. पोलीस निरीक्षकांना दिलेल्या निवेदनात कलकोटी येथील महिलांनी गंभीर आरोप केला आहे की, अवैध दारूविक्रीमुळे गावातील अनेक कुटुंबे उद्ध्वस्त होत आहेत. दारूच्या व्यसनामुळे अनेकांनी शेतीकडे दुर्लक्ष केले असून, व्यसन पूर्ण करण्यासाठी व्याजाने पैसे घेण्याची वेळ त्यांच्यावर आली आहे. यामुळे गावातील सामाजिक वातावरण बिघडत असून, महिलांना आर्थिक, मानसिक आणि कौटुंबिक त्रासाला सामोरे जावे लागत असल्याचे त्यांनी नमूद केले.