మనోహరాబాద్ మండలం రంగాయిపల్లి గ్రామంలోని ఎంఎస్ అగర్వాల్ ఫౌండ్రీస్ కంపెనీని వెంటనే తొలగించాలని డిమాండ్ చేస్తూ గజ్వేల్ నియోజకవర్గ బీఆర్ఎస్ పార్టీ ఇన్‌చార్జ్ వంటేరు ప్రతాప్ రెడ్డి నిరాహార దీక్ష చేపట్టారు. ఈ సందర్భంగా ఆయన "ఎంఎస్ అగర్వాల్ కంపెనీ హటావో... రంగాయిపల్లి, చెట్ల గౌరారం గ్రామాలను బచావో" అంటూ నినాదాలు చేశారు. కంపెనీ నుంచి వెలువడుతున్న విషపూరిత కాలుష్యంతో గ్రామ ప్రజలు తీవ్ర ఇబ్బందులు ఎదుర్కొంటున్నారని, ప్రజల ఆరోగ్యాలు, ప్రాణాలను కాపాడేందుకు కంపెనీని తొలగించే వరకు ప్రజాస్వామ్యబద్ధంగా పోరాటం కొనసాగిస్తానని ఆయన స్పష్టం చేశారు. గత 20 ఏళ్లుగా ఈ కంపెనీ కాలుష్యం కారణంగా వందలాది మంది మృతి చెందగా, వేలాది మంది అనారోగ్యానికి గురయ్యారని వంటేరు ప్రతాప్ రెడ్డి ఆరోపించారు. కంపెనీ యాజమాన్యం లాభాల కోసం ప్రజల ప్రాణాలతో చెలగాటం ఆడుతోందని విమర్శిస్తూ, ప్రజల ఆరోగ్యాన్ని కాపాడేందుకు ప్రభుత్వం వెంటనే చర్యలు తీసుకోవాలని డిమాండ్ చేశారు. ప్రజాభిప్రాయ సేకరణను కంపెనీ ప్రాంగణంలో కాకుండా గ్రామ నడిబొడ్డున నిర్వహించాలని కోరారు. పార్టీలకు అతీతంగా ప్రజలంతా ఏకమై కంపెనీ తొలగింపు కోసం పోరాడాలని పిలుపునిచ్చారు. ముఖ్యమంత్రి రేవంత్ రెడ్డి, పరిశ్రమల శాఖ మంత్రి గ్రామాలకు వచ్చి కాలుష్యం వల్ల ప్రజలు ఎదుర్కొంటున్న ఇబ్బందులను ప్రత్యక్షంగా పరిశీలించాలని విజ్ఞప్తి చేశారు. తన నిరాహార దీక్షను అడ్డుకునేందుకు ఒత్తిళ్లు తీసుకువచ్చినా, ఎన్ని కేసులు పెట్టినా వెనక్కి తగ్గేది లేదని, కంపెనీ తొలగించే వరకు ఉద్యమం కొనసాగుతుందని వంటేరు ప్రతాప్ రెడ్డి ప్రకటించారు. దీక్ష నేపథ్యంలో భారీ సంఖ్యలో పోలీసులను మోహరించడం దురదృష్టకరమని, స్థానిక ప్రజలపై కేసులు నమోదు చేయించడం అన్యాయమని ఆయన విమర్శించారు. రాబోయే రోజుల్లో వందలాది మంది గ్రామస్తులతో కలిసి జిల్లా కలెక్టర్‌ను కలిసి వినతిపత్రం సమర్పిస్తామని వెల్లడించారు. ఈ కార్యక్రమంలో బీఆర్ఎస్ ప్రజాప్రతినిధులు, నాయకులు, కార్యకర్తలతో పాటు రంగాయిపల్లి, చెట్ల గౌరారం గ్రామాల ప్రజలు పెద్ద ఎత్తున పాల్గొన్నారు.

Gousuddin Md

అంబర్‌పేట్, హైదరాబాద్, తెలంగాణ•

1 hr ago

మనోహరాబాద్ మండలం రంగాయిపల్లి గ్రామంలోని ఎంఎస్ అగర్వాల్ ఫౌండ్రీస్ కంపెనీని వెంటనే తొలగించాలని డిమాండ్ చేస్తూ గజ్వేల్ నియోజకవర్గ బీఆర్ఎస్ పార్టీ ఇన్‌చార్జ్ వంటేరు ప్రతాప్ రెడ్డి నిరాహార దీక్ష చేపట్టారు. ఈ సందర్భంగా ఆయన "ఎంఎస్ అగర్వాల్ కంపెనీ హటావో... రంగాయిపల్లి, చెట్ల గౌరారం గ్రామాలను బచావో" అంటూ నినాదాలు చేశారు. కంపెనీ నుంచి వెలువడుతున్న విషపూరిత కాలుష్యంతో గ్రామ ప్రజలు తీవ్ర ఇబ్బందులు ఎదుర్కొంటున్నారని, ప్రజల

ఆరోగ్యాలు, ప్రాణాలను కాపాడేందుకు కంపెనీని తొలగించే వరకు ప్రజాస్వామ్యబద్ధంగా పోరాటం కొనసాగిస్తానని ఆయన స్పష్టం చేశారు. గత 20 ఏళ్లుగా ఈ కంపెనీ కాలుష్యం కారణంగా వందలాది మంది మృతి చెందగా, వేలాది మంది అనారోగ్యానికి గురయ్యారని వంటేరు ప్రతాప్ రెడ్డి ఆరోపించారు. కంపెనీ యాజమాన్యం లాభాల కోసం ప్రజల ప్రాణాలతో చెలగాటం ఆడుతోందని విమర్శిస్తూ, ప్రజల ఆరోగ్యాన్ని కాపాడేందుకు ప్రభుత్వం వెంటనే చర్యలు తీసుకోవాలని డిమాండ్ చేశారు. ప్రజాభిప్రాయ

సేకరణను కంపెనీ ప్రాంగణంలో కాకుండా గ్రామ నడిబొడ్డున నిర్వహించాలని కోరారు. పార్టీలకు అతీతంగా ప్రజలంతా ఏకమై కంపెనీ తొలగింపు కోసం పోరాడాలని పిలుపునిచ్చారు. ముఖ్యమంత్రి రేవంత్ రెడ్డి, పరిశ్రమల శాఖ మంత్రి గ్రామాలకు వచ్చి కాలుష్యం వల్ల ప్రజలు ఎదుర్కొంటున్న ఇబ్బందులను ప్రత్యక్షంగా పరిశీలించాలని విజ్ఞప్తి చేశారు. తన నిరాహార దీక్షను అడ్డుకునేందుకు ఒత్తిళ్లు తీసుకువచ్చినా, ఎన్ని కేసులు పెట్టినా వెనక్కి తగ్గేది లేదని, కంపెనీ తొలగించే వరకు ఉద్యమం

కొనసాగుతుందని వంటేరు ప్రతాప్ రెడ్డి ప్రకటించారు. దీక్ష నేపథ్యంలో భారీ సంఖ్యలో పోలీసులను మోహరించడం దురదృష్టకరమని, స్థానిక ప్రజలపై కేసులు నమోదు చేయించడం అన్యాయమని ఆయన విమర్శించారు. రాబోయే రోజుల్లో వందలాది మంది గ్రామస్తులతో కలిసి జిల్లా కలెక్టర్‌ను కలిసి వినతిపత్రం సమర్పిస్తామని వెల్లడించారు. ఈ కార్యక్రమంలో బీఆర్ఎస్ ప్రజాప్రతినిధులు, నాయకులు, కార్యకర్తలతో పాటు రంగాయిపల్లి, చెట్ల గౌరారం గ్రామాల ప్రజలు పెద్ద ఎత్తున పాల్గొన్నారు.