விருதுநகர் மாவட்டத்தில், வத்திராயிருப்பு வட்டத்தின் ராம்கோ நகர் மற்றும் இராஜபாளையம் வட்டத்தின் அயன்கொல்லான்கொண்டான் பகுதிகளில் வசிக்கும் பழங்குடியின மக்களுக்கு, மாவட்ட ஆட்சியர் மரு.என்.ஓ.சுகபுத்ரா, இ.ஆ.ப., அவர்கள் இன்று (20.06.2026) பல்வேறு நலத்திட்ட உதவிகளை வழங்கினார். தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக் கழகத்தின் சார்பில் இந்த உதவிகள் வழங்கப்பட்டன. இந்நிகழ்வில், அனைத்து துறை சார்ந்த நலத்திட்டங்கள் குறித்து துறை அலுவலர்களால் எடுத்துரைக்கப்பட்ட நிலையில், இத்திட்டங்களை பயன்படுத்தி பயனடையுமாறு மாவட்ட ஆட்சியர் அறிவுறுத்தினார். அப்போது அவர் உரையாற்றுகையில், பெற்றோர்கள் தங்கள் குழந்தைகளை நல்ல முறையில் கல்வி கற்க அனுமதிக்க வேண்டும் என வலியுறுத்தினார். குழந்தை திருமணங்களைத் தவிர்ப்பதன் முக்கியத்துவத்தை அவர் எடுத்துரைத்தார், ஏனெனில் அத்தகைய திருமணங்களால் பிறக்கும் குழந்தைகள் பல பாதிப்புகளுக்கு உள்ளாகின்றனர். குழந்தைகள் ஆரோக்கியமானவர்களாகவும், திறன் உடையவர்களாகவும் பிறப்பதற்கு குழந்தை திருமணங்களை தவிர்த்து உரிய வயதில் திருமணம் செய்து கொள்ள வேண்டும் என்று கூறினார். மேலும், தங்கள் பகுதிகளில் கிடைக்கும் பொருட்களைக் கொண்டே சுயதொழில் புரிந்து, அவற்றை பல்வேறு பகுதிகளுக்கு கொண்டு சென்று முன்னேறும் வகையில் ஒரு குழு அமைத்து செயல்பட வேண்டும் எனவும் அறிவுறுத்தினார். கர்ப்பிணித் தாய்மார்கள் உரிய சிகிச்சைகளை மேற்கொண்டு, மருத்துவர்கள் அறிவுரையினைப் பின்பற்றி, மகப்பேற்றினை அரசு மருத்துவமனைகளில் மேற்கொள்ள வேண்டும் என்றும் அவர் வழிகாட்டினார். இதனைத் தொடர்ந்து, மருத்துவம் மற்றும் மக்கள் நல்வாழ்வுத்துறை சார்பில் அமைக்கப்பட்டிருந்த மருத்துவ முகாமினை மாவட்ட ஆட்சியர் பார்வையிட்டு, அங்கு மேற்கொள்ளப்படும் சிகிச்சை முறைகள் குறித்து கேட்டறிந்தார். அங்கன்வாடி மையத்திற்கு நேரில் சென்று, முதலமைச்சரின் காலை உணவுத் திட்டத்தின் கீழ் குழந்தைகளுக்கு வழங்கப்படும் உணவின் தரத்தினை சுவைத்து ஆய்வு செய்தார். மேலும், இராஜபாளையம் வட்டத்தில் மகளிர் குழு அமைத்து மானியத்துடன் கூடிய கடன் மற்றும் நலத்திட்ட உதவிகள் பெறுதல் தொடர்பான மனுக்களை பொதுமக்களிடமிருமிருந்து பெற்றுக் கொண்டார். இந்த நிகழ்ச்சியில், கர்ப்பிணித் தாய்மார்களுக்கு ஊட்டச்சத்து பெட்டகத்தினையும், மாவட்டத் தொழில் மையம் சார்பில் அண்ணல் அம்பேத்கர் தொழில் முன்னோடிகள் திட்டத்தின் கீழ் ஒரு பயனாளிக்கு ஆட்டோவினையும் மாவட்ட ஆட்சித்தலைவர் மரு.என்.ஓ.சுகபுத்ரா வழங்கினார். இந்த நிகழ்வில் மருத்துவத் துறை அலுவலர்கள் மற்றும் பொதுமக்கள் உட்பட பலர் கலந்து கொண்டனர்.

குமார்

Kariapatti, Virudhunagar•

14 hrs ago

விருதுநகர் மாவட்டத்தில், வத்திராயிருப்பு வட்டத்தின் ராம்கோ நகர் மற்றும் இராஜபாளையம் வட்டத்தின் அயன்கொல்லான்கொண்டான் பகுதிகளில் வசிக்கும் பழங்குடியின மக்களுக்கு, மாவட்ட ஆட்சியர் மரு.என்.ஓ.சுகபுத்ரா, இ.ஆ.ப., அவர்கள் இன்று (20.06.2026) பல்வேறு நலத்திட்ட உதவிகளை வழங்கினார். தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக் கழகத்தின் சார்பில் இந்த உதவிகள் வழங்கப்பட்டன. இந்நிகழ்வில், அனைத்து துறை சார்ந்த நலத்திட்டங்கள் குறித்து துறை அலுவலர்களால் எடுத்துரைக்கப்பட்ட நிலையில், இத்திட்டங்களை பயன்படுத்தி பயனடையுமாறு மாவட்ட ஆட்சியர் அறிவுறுத்தினார். அப்போது அவர் உரையாற்றுகையில், பெற்றோர்கள் தங்கள் குழந்தைகளை நல்ல முறையில் கல்வி கற்க அனுமதிக்க வேண்டும் என வலியுறுத்தினார். குழந்தை திருமணங்களைத் தவிர்ப்பதன் முக்கியத்துவத்தை அவர் எடுத்துரைத்தார், ஏனெனில் அத்தகைய திருமணங்களால் பிறக்கும் குழந்தைகள் பல பாதிப்புகளுக்கு உள்ளாகின்றனர். குழந்தைகள் ஆரோக்கியமானவர்களாகவும், திறன் உடையவர்களாகவும் பிறப்பதற்கு குழந்தை திருமணங்களை தவிர்த்து உரிய வயதில் திருமணம் செய்து கொள்ள வேண்டும் என்று கூறினார். மேலும், தங்கள் பகுதிகளில் கிடைக்கும் பொருட்களைக் கொண்டே சுயதொழில் புரிந்து, அவற்றை பல்வேறு பகுதிகளுக்கு கொண்டு சென்று முன்னேறும்

வகையில் ஒரு குழு அமைத்து செயல்பட வேண்டும் எனவும் அறிவுறுத்தினார். கர்ப்பிணித் தாய்மார்கள் உரிய சிகிச்சைகளை மேற்கொண்டு, மருத்துவர்கள் அறிவுரையினைப் பின்பற்றி, மகப்பேற்றினை அரசு மருத்துவமனைகளில் மேற்கொள்ள வேண்டும் என்றும் அவர் வழிகாட்டினார். இதனைத் தொடர்ந்து, மருத்துவம் மற்றும் மக்கள் நல்வாழ்வுத்துறை சார்பில் அமைக்கப்பட்டிருந்த மருத்துவ முகாமினை மாவட்ட ஆட்சியர் பார்வையிட்டு, அங்கு மேற்கொள்ளப்படும் சிகிச்சை முறைகள் குறித்து கேட்டறிந்தார். அங்கன்வாடி மையத்திற்கு நேரில் சென்று, முதலமைச்சரின் காலை உணவுத் திட்டத்தின் கீழ் குழந்தைகளுக்கு வழங்கப்படும் உணவின் தரத்தினை சுவைத்து ஆய்வு செய்தார். மேலும், இராஜபாளையம் வட்டத்தில் மகளிர் குழு அமைத்து மானியத்துடன் கூடிய கடன் மற்றும் நலத்திட்ட உதவிகள் பெறுதல் தொடர்பான மனுக்களை பொதுமக்களிடமிருமிருந்து பெற்றுக் கொண்டார். இந்த நிகழ்ச்சியில், கர்ப்பிணித் தாய்மார்களுக்கு ஊட்டச்சத்து பெட்டகத்தினையும், மாவட்டத் தொழில் மையம் சார்பில் அண்ணல் அம்பேத்கர் தொழில் முன்னோடிகள் திட்டத்தின் கீழ் ஒரு பயனாளிக்கு ஆட்டோவினையும் மாவட்ட ஆட்சித்தலைவர் மரு.என்.ஓ.சுகபுத்ரா வழங்கினார். இந்த நிகழ்வில் மருத்துவத் துறை அலுவலர்கள் மற்றும் பொதுமக்கள் உட்பட பலர் கலந்து கொண்டனர்.