कर्जतच्या ज्वेलर्स चोरीचा पर्दाफाश; चोरीचा मुद्देमाल खरेदी करणारा तिसराही पोलिसांच्या ताब्यात कर्जत शहरातील मुख्य रस्त्यावरील ओम ज्वेलर्स तसेच बाजारतळ येथील साई ज्वेलर्स दुकानांचे शटर तोडून चांदीचे दागिने लंपास करणाऱ्या टोळीचा अहिल्यानगर स्थानिक गुन्हे शाखेने पर्दाफाश केला आहे. पोलिसांनी सापळा रचून दोन संशयित चोरट्यांना ताब्यात घेतले असून, चोरीचा मुद्देमाल विकत घेणाऱ्या आणखी एका आरोपीसही जेरबंद करण्यात आले आहे. या कारवाईमुळे कर्जत शहरातील ज्वेलर्स चोरीचे प्रकरण उघडकीस आले आहे. दि. ८ ते ९ सप्टेंबर २०२६ दरम्यान सोनारगल्ली, कर्जत येथील फिर्यादी उमेश प्रदीप कुलथे (वय ४०) यांच्या ओम ज्वेलर्स दुकानाचे शटर तोडून अज्ञात चोरट्यांनी चांदीचे दागिने चोरून नेले होते. याप्रकरणी कर्जत पोलीस ठाण्यात गु.र.नं. ५०८/२०२६ अन्वये बीएनएस कलम ३०५ (अ), ३३१(४) नुसार गुन्हा दाखल करण्यात आला होता. या गुन्ह्याचा तपास सुरू असताना अहिल्यानगर स्थानिक गुन्हे शाखेच्या पथकाने मिळालेल्या माहितीच्या आधारे तपासाची चक्रे वेगाने फिरवली. पोलिसांनी कारवाई करत भगतसिंग सुरेसिंग बावरे (वय २५, रा. अमळनेर, ता. पाटोदा, जि. बीड) आणि लखनसिंग शेरसिंग टाक (वय २४, रा. वडवणी, जि. बीड) या दोघांना अटक केली. तसेच चोरीचा मुद्देमाल विकत घेणाऱ्या तिसऱ्या आरोपीसही पोलिसांनी ताब्यात घेतले आहे. पोलिसांच्या तपासात या टोळीने मिरजगाव येथे सोनाराचे दुकान फोडण्याचा प्रयत्न केल्याचे समोर आले आहे. एवढेच नव्हे तर तेथून पळून जाताना टोळीने मोटारसायकल चोरी केल्याची माहितीही तपासातून पुढे आली आहे. त्यामुळे या टोळीचा आणखी कोणकोणत्या चोरीच्या घटनांमध्ये सहभाग आहे, याचा तपास पोलिसांकडून सुरू आहे. कर्जत शहरातील ओम ज्वेलर्स व साई ज्वेलर्स चोरीप्रकरणात भगतसिंग बावरे व लखनसिंग टाक यांना अटक झाली असली, तरी टोळीतील गोविंदसिंग संपतसिंग बावरे, सनीसिंग जितेंद्रसिंग गोवे आणि अजयसिंग महेंद्रसिंग बावरे हे तिघे अद्याप फरार आहेत. त्यांच्या शोधासाठी पोलिसांचे पथक कार्यरत असून, आरोपींकडून आणखी गुन्ह्यांची माहिती मिळण्याची शक्यता आहे. कर्जत शहरातील ज्वेलर्स दुकानांना लक्ष्य करून शटर फोडण्याच्या घटनांमुळे व्यापाऱ्यांमध्ये चिंता निर्माण झाली होती. स्थानिक गुन्हे शाखेच्या या कारवाईमुळे चोरीच्या घटनांमागील टोळीचा धागा उलगडला असून, फरार आरोपींच्या अटकेकडे आता सर्वांचे लक्ष लागले आहे.

Rushikesh pawar

Local News Reporter कर्जत, अहमदनगर, महाराष्ट्र•

16 hrs ago

कर्जतच्या ज्वेलर्स चोरीचा पर्दाफाश; चोरीचा मुद्देमाल खरेदी करणारा तिसराही पोलिसांच्या ताब्यात कर्जत शहरातील मुख्य रस्त्यावरील ओम ज्वेलर्स तसेच बाजारतळ येथील साई ज्वेलर्स दुकानांचे शटर तोडून चांदीचे दागिने लंपास करणाऱ्या टोळीचा अहिल्यानगर स्थानिक गुन्हे शाखेने पर्दाफाश केला आहे. पोलिसांनी सापळा रचून दोन संशयित चोरट्यांना ताब्यात घेतले असून, चोरीचा मुद्देमाल विकत घेणाऱ्या आणखी एका आरोपीसही जेरबंद करण्यात आले आहे. या कारवाईमुळे कर्जत शहरातील ज्वेलर्स चोरीचे प्रकरण उघडकीस आले आहे. दि. ८ ते ९ सप्टेंबर २०२६ दरम्यान सोनारगल्ली, कर्जत येथील फिर्यादी उमेश प्रदीप कुलथे (वय ४०) यांच्या ओम ज्वेलर्स दुकानाचे शटर तोडून अज्ञात चोरट्यांनी चांदीचे दागिने चोरून नेले होते. याप्रकरणी कर्जत पोलीस ठाण्यात गु.र.नं. ५०८/२०२६ अन्वये बीएनएस कलम ३०५ (अ), ३३१(४) नुसार गुन्हा दाखल करण्यात आला होता. या गुन्ह्याचा तपास सुरू असताना अहिल्यानगर स्थानिक गुन्हे शाखेच्या पथकाने मिळालेल्या माहितीच्या आधारे तपासाची चक्रे वेगाने फिरवली. पोलिसांनी कारवाई करत भगतसिंग सुरेसिंग बावरे (वय २५, रा. अमळनेर, ता. पाटोदा, जि. बीड) आणि लखनसिंग शेरसिंग टाक (वय २४, रा. वडवणी, जि. बीड) या दोघांना अटक केली. तसेच चोरीचा मुद्देमाल विकत घेणाऱ्या तिसऱ्या आरोपीसही पोलिसांनी ताब्यात घेतले आहे. पोलिसांच्या तपासात या टोळीने मिरजगाव येथे सोनाराचे दुकान फोडण्याचा प्रयत्न केल्याचे समोर आले आहे. एवढेच नव्हे तर तेथून पळून जाताना टोळीने मोटारसायकल चोरी केल्याची माहितीही तपासातून पुढे आली आहे. त्यामुळे या टोळीचा आणखी कोणकोणत्या चोरीच्या घटनांमध्ये सहभाग आहे, याचा तपास पोलिसांकडून सुरू आहे. कर्जत शहरातील ओम ज्वेलर्स व साई ज्वेलर्स चोरीप्रकरणात भगतसिंग बावरे व लखनसिंग टाक यांना अटक झाली असली, तरी टोळीतील गोविंदसिंग संपतसिंग बावरे, सनीसिंग जितेंद्रसिंग गोवे आणि अजयसिंग महेंद्रसिंग बावरे हे तिघे अद्याप फरार आहेत. त्यांच्या शोधासाठी पोलिसांचे पथक कार्यरत असून, आरोपींकडून आणखी गुन्ह्यांची माहिती मिळण्याची शक्यता आहे. कर्जत शहरातील ज्वेलर्स दुकानांना लक्ष्य करून शटर फोडण्याच्या घटनांमुळे व्यापाऱ्यांमध्ये चिंता निर्माण झाली होती. स्थानिक गुन्हे शाखेच्या या कारवाईमुळे चोरीच्या घटनांमागील टोळीचा धागा उलगडला असून, फरार आरोपींच्या अटकेकडे आता सर्वांचे लक्ष लागले आहे.