ଝାରସୁଗୁଡ଼ା ଜିଲ୍ଲାରେ କୃଷି ଉତ୍ପାଦନ କ୍ଲଷ୍ଟର କାର୍ଯ୍ୟକ୍ରମ ଅଧୀନରେ ପ୍ରାକୃତିକ ଚାଷର ବ୍ୟାପକ ପ୍ରସାର ଏବଂ ସଫଳ କାର୍ଯ୍ୟକାରିତା ପାଇଁ ଆଭାସୀ ମାଧ୍ୟମରେ ଏକ ଜିଲ୍ଲା ସ୍ତରୀୟ ସମନ୍ୱୟ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଓଡ଼ିଶା ଜୀବିକା ମିଶନର ଜିଲ୍ଲା ପ୍ରକଳ୍ପ ପ୍ରବନ୍ଧକ ଡ. ପୁଷ୍ପଶ୍ରୀ ନାୟକ, ସହକାରୀ ଉଦ୍ୟାନ କୃଷି ନିର୍ଦ୍ଦେଶକ, ସମସ୍ତ ବ୍ଲକର ସହକାରୀ ଉଦ୍ୟାନ କୃଷି ଅଧିକାରୀ, ସମସ୍ତ ବ୍ଲକ ପ୍ରକଳ୍ପ ପ୍ରବନ୍ଧକ, ଏପିସି ବ୍ଲକଗୁଡ଼ିକର ପ୍ରୋଗ୍ରାମ ମ୍ୟାନେଜର ଏବଂ ସହଯୋଗୀ ବେସରକାରୀ ସଂଗଠନର ପ୍ରତିନିଧିମାନେ ଉପସ୍ଥିତ ରହି ଆଗାମୀ ଦିନରେ ପ୍ରାକୃତିକ ଚାଷକୁ ଆହୁରି ସୁଦୃଢ଼ କରିବା ପାଇଁ କେତେକ ପ୍ରମୁଖ ନିଷ୍ପତ୍ତି ଗ୍ରହଣ କରିଛନ୍ତି। ସ୍ଥିର ହୋଇଥିବା କାର୍ଯ୍ୟଯୋଜନା ଅନୁଯାୟୀ, ପ୍ରତ୍ୟେକ ବ୍ଲକରେ ପ୍ରାକୃତିକ ଚାଷ କାର୍ଯ୍ୟକାରୀ କରାଯିବ। ଚାଷର ଅଗ୍ରଗତି ଏବଂ ଏହାର ପ୍ରଣାଳୀକୁ ସଠିକ୍ ଭାବେ ତଦାରଖ କରିବା ପାଇଁ ବ୍ଲକ ସ୍ତରୀୟ ଏକ ସ୍ୱତନ୍ତ୍ର ଟ୍ରାକିଂ ଶିଟ୍ ବିକଶିତ କରାଯିବ, ଯାହା ଦ୍ୱାରା ପ୍ରତିଟି କାର୍ଯ୍ୟ ଉପରେ ନଜର ରଖାଯାଇପାରିବ। ଏହା ସହିତ ଚଳିତ ଋତୁରେ ପ୍ରାକୃତିକ ଚାଷ ସହ ଜଡ଼ିତ ହେବାକୁ ଥିବା ଚାଷୀମାନଙ୍କର ଏକ ବ୍ଲକ-ୱାରୀ ତାଲିକା ପ୍ରସ୍ତୁତ କରିବାକୁ ନିର୍ଦ୍ଦେଶ ଦିଆଯାଇଛି। ଚାଷୀ ପରିବାରର ପୋଷଣ ନିରାପତ୍ତାକୁ ଦୃଷ୍ଟିରେ ରଖି ଚିହ୍ନିତ ପ୍ରାକୃତିକ ଚାଷ କ୍ଲଷ୍ଟର ମଧ୍ୟରେ ଥିବା ପ୍ରତ୍ୟେକ ପରିବାରରେ 'ପୋଷଣ ବଗିଚା' ପ୍ରତିଷ୍ଠାକୁ ପ୍ରୋତ୍ସାହିତ କରାଯିବ। ଏହାସହ ପ୍ରାକୃତିକ ଚାଷ କରୁଥିବା ସଫଳ ଚାଷୀଙ୍କ ଅଭିଜ୍ଞତାକୁ ନେଇ ପ୍ରତ୍ୟେକ ବ୍ଲକରୁ ୪ ରୁ ୫ ଟି ସଫଳ କାହାଣୀର ଦସ୍ତାବିଜ ପ୍ରସ୍ତୁତ କରାଯିବ, ଯାହା ଅନ୍ୟ ଚାଷୀମାନଙ୍କ ପାଇଁ ପ୍ରେରଣା ସାଜିବ। ଏହି ପରିପ୍ରେକ୍ଷୀରେ, ଜୈବିକ ସମ୍ବଳ କେନ୍ଦ୍ର ଗୁଡ଼ିକର ସୁଦୃଢ଼ୀକରଣ ଉପରେ ବିଶେଷ ଗୁରୁତ୍ୱ ଦିଆଯାଇଛି। କ୍ଲଷ୍ଟର ଅଧୀନରେ ଥିବା ଏବଂ କ୍ଲଷ୍ଟର ବାହାରେ ଥିବା ଚାଷୀମାନଙ୍କୁ ଯେପରି ସଠିକ୍ ଭାବେ ଜୈବିକ ଉପାଦାନ ଉତ୍ପାଦନ ଓ ବଣ୍ଟନ କରାଯାଇପାରିବ, ତାହାର ନିୟମିତ ତଦାରଖ ହେବ। ପ୍ରାକୃତିକ ଚାଷର ସଫଳ ପରିଚାଳନା ନିମନ୍ତେ ପ୍ରୋଗ୍ରାମ ମ୍ୟାନେଜର, କମ୍ୟୁନିଟି କୋଅର୍ଡିନେଟର, କମ୍ୟୁନିଟି ରିସୋର୍ସ ପର୍ସନ ଏବଂ ଅନ୍ୟାନ୍ୟ ଅଂଶୀଦାରମାନଙ୍କ ପାଇଁ ଏକ ଦିନିଆ ଜିଲ୍ଲା ସ୍ତରୀୟ ପ୍ରଶିକ୍ଷଣ ଶିବିର ଆୟୋଜନ କରାଯିବା ନେଇ ମଧ୍ୟ ନିଷ୍ପତ୍ତି ହୋଇଛି। ଏହା ବ୍ୟତୀତ, ଉଦ୍ୟାନ କୃଷି ବିଭାଗ, ଏପିସି କାର୍ଯ୍ୟକ୍ରମ ଏବଂ ଓଡ଼ିଶା ଜୀବିକା ମିଶନ ମଧ୍ୟରେ ସମନ୍ୱୟକୁ ଆହୁରି ମଜବୁତ କରିବା ସହ କାର୍ଯ୍ୟର ଅଗ୍ରଗତି ସମୀକ୍ଷା ପାଇଁ ନିୟମିତ ଭାବେ ମିଳିତ ସମୀକ୍ଷା ଓ କନଭରଜେନ୍ସ ବୈଠକ ଅନୁଷ୍ଠିତ ହେବ।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

6 hrs ago

ଝାରସୁଗୁଡ଼ା ଜିଲ୍ଲାରେ କୃଷି ଉତ୍ପାଦନ କ୍ଲଷ୍ଟର କାର୍ଯ୍ୟକ୍ରମ ଅଧୀନରେ ପ୍ରାକୃତିକ ଚାଷର ବ୍ୟାପକ ପ୍ରସାର ଏବଂ ସଫଳ କାର୍ଯ୍ୟକାରିତା ପାଇଁ ଆଭାସୀ ମାଧ୍ୟମରେ ଏକ ଜିଲ୍ଲା ସ୍ତରୀୟ ସମନ୍ୱୟ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଓଡ଼ିଶା ଜୀବିକା ମିଶନର ଜିଲ୍ଲା ପ୍ରକଳ୍ପ ପ୍ରବନ୍ଧକ ଡ. ପୁଷ୍ପଶ୍ରୀ ନାୟକ, ସହକାରୀ ଉଦ୍ୟାନ କୃଷି ନିର୍ଦ୍ଦେଶକ, ସମସ୍ତ ବ୍ଲକର ସହକାରୀ ଉଦ୍ୟାନ କୃଷି ଅଧିକାରୀ, ସମସ୍ତ ବ୍ଲକ ପ୍ରକଳ୍ପ ପ୍ରବନ୍ଧକ, ଏପିସି ବ୍ଲକଗୁଡ଼ିକର ପ୍ରୋଗ୍ରାମ ମ୍ୟାନେଜର ଏବଂ ସହଯୋଗୀ ବେସରକାରୀ ସଂଗଠନର ପ୍ରତିନିଧିମାନେ ଉପସ୍ଥିତ ରହି ଆଗାମୀ ଦିନରେ ପ୍ରାକୃତିକ ଚାଷକୁ ଆହୁରି ସୁଦୃଢ଼ କରିବା ପାଇଁ କେତେକ ପ୍ରମୁଖ ନିଷ୍ପତ୍ତି ଗ୍ରହଣ କରିଛନ୍ତି। ସ୍ଥିର ହୋଇଥିବା କାର୍ଯ୍ୟଯୋଜନା ଅନୁଯାୟୀ, ପ୍ରତ୍ୟେକ ବ୍ଲକରେ ପ୍ରାକୃତିକ ଚାଷ କାର୍ଯ୍ୟକାରୀ କରାଯିବ। ଚାଷର ଅଗ୍ରଗତି ଏବଂ ଏହାର ପ୍ରଣାଳୀକୁ ସଠିକ୍ ଭାବେ ତଦାରଖ କରିବା ପାଇଁ ବ୍ଲକ ସ୍ତରୀୟ ଏକ ସ୍ୱତନ୍ତ୍ର ଟ୍ରାକିଂ ଶିଟ୍ ବିକଶିତ କରାଯିବ, ଯାହା ଦ୍ୱାରା ପ୍ରତିଟି କାର୍ଯ୍ୟ ଉପରେ ନଜର ରଖାଯାଇପାରିବ। ଏହା ସହିତ ଚଳିତ ଋତୁରେ ପ୍ରାକୃତିକ ଚାଷ ସହ ଜଡ଼ିତ ହେବାକୁ ଥିବା ଚାଷୀମାନଙ୍କର ଏକ ବ୍ଲକ-ୱାରୀ ତାଲିକା ପ୍ରସ୍ତୁତ କରିବାକୁ ନିର୍ଦ୍ଦେଶ ଦିଆଯାଇଛି। ଚାଷୀ ପରିବାରର ପୋଷଣ ନିରାପତ୍ତାକୁ ଦୃଷ୍ଟିରେ ରଖି ଚିହ୍ନିତ ପ୍ରାକୃତିକ ଚାଷ କ୍ଲଷ୍ଟର ମଧ୍ୟରେ ଥିବା ପ୍ରତ୍ୟେକ ପରିବାରରେ 'ପୋଷଣ ବଗିଚା' ପ୍ରତିଷ୍ଠାକୁ ପ୍ରୋତ୍ସାହିତ କରାଯିବ। ଏହାସହ ପ୍ରାକୃତିକ ଚାଷ କରୁଥିବା ସଫଳ ଚାଷୀଙ୍କ ଅଭିଜ୍ଞତାକୁ ନେଇ ପ୍ରତ୍ୟେକ ବ୍ଲକରୁ ୪ ରୁ ୫ ଟି ସଫଳ କାହାଣୀର ଦସ୍ତାବିଜ ପ୍ରସ୍ତୁତ କରାଯିବ, ଯାହା ଅନ୍ୟ ଚାଷୀମାନଙ୍କ ପାଇଁ ପ୍ରେରଣା ସାଜିବ। ଏହି ପରିପ୍ରେକ୍ଷୀରେ, ଜୈବିକ ସମ୍ବଳ କେନ୍ଦ୍ର ଗୁଡ଼ିକର ସୁଦୃଢ଼ୀକରଣ ଉପରେ ବିଶେଷ ଗୁରୁତ୍ୱ ଦିଆଯାଇଛି। କ୍ଲଷ୍ଟର ଅଧୀନରେ ଥିବା ଏବଂ କ୍ଲଷ୍ଟର ବାହାରେ ଥିବା ଚାଷୀମାନଙ୍କୁ ଯେପରି ସଠିକ୍ ଭାବେ ଜୈବିକ ଉପାଦାନ ଉତ୍ପାଦନ ଓ ବଣ୍ଟନ କରାଯାଇପାରିବ, ତାହାର ନିୟମିତ ତଦାରଖ ହେବ। ପ୍ରାକୃତିକ ଚାଷର ସଫଳ ପରିଚାଳନା ନିମନ୍ତେ ପ୍ରୋଗ୍ରାମ ମ୍ୟାନେଜର, କମ୍ୟୁନିଟି କୋଅର୍ଡିନେଟର, କମ୍ୟୁନିଟି ରିସୋର୍ସ ପର୍ସନ ଏବଂ ଅନ୍ୟାନ୍ୟ ଅଂଶୀଦାରମାନଙ୍କ ପାଇଁ ଏକ ଦିନିଆ ଜିଲ୍ଲା ସ୍ତରୀୟ ପ୍ରଶିକ୍ଷଣ ଶିବିର ଆୟୋଜନ କରାଯିବା ନେଇ ମଧ୍ୟ ନିଷ୍ପତ୍ତି ହୋଇଛି। ଏହା ବ୍ୟତୀତ, ଉଦ୍ୟାନ କୃଷି ବିଭାଗ, ଏପିସି କାର୍ଯ୍ୟକ୍ରମ ଏବଂ ଓଡ଼ିଶା ଜୀବିକା ମିଶନ ମଧ୍ୟରେ ସମନ୍ୱୟକୁ ଆହୁରି ମଜବୁତ କରିବା ସହ କାର୍ଯ୍ୟର ଅଗ୍ରଗତି ସମୀକ୍ଷା ପାଇଁ ନିୟମିତ ଭାବେ ମିଳିତ ସମୀକ୍ଷା ଓ କନଭରଜେନ୍ସ ବୈଠକ ଅନୁଷ୍ଠିତ ହେବ।