ବଲାଙ୍ଗିର ଜିଲ୍ଲା ମାଧିଆପାଲି ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଜଣେ ଯୁବକଙ୍କ ପ୍ରାଣହାନି ଘଟିଛି। ନିର୍ମାଣ କାର୍ଯ୍ୟରେ ନିୟୋଜିତ ଏକ କଂକ୍ରିଟ୍ ମିକ୍ସଚର ମେସିନ୍ ଗାଡ଼ିର ବେପରୁଆ ଧକ୍କା ଯୋଗୁଁ ବଲାଙ୍ଗିର ସହର ଜଗନ୍ନାଥ ପଡ଼ାର ଯୁବକ ସୌମ୍ୟ ରଞ୍ଜନ ନାୟକଙ୍କ ମୃତ୍ୟୁ ହୋଇଛି। ସୌମ୍ୟ ରଞ୍ଜନ କୌଣସି କାମରେ ଯାଉଥିବା ସମୟରେ ଏହି କଂକ୍ରିଟ୍ ମିକ୍ସଚର ଗାଡ଼ିଟି ତାଙ୍କୁ ସମ୍ମୁଖରୁ ଶକ୍ତ ଧକ୍କା ଦେଇଥିଲା, ଯାହାଫଳରେ ସେ ଗୁରୁତର ଭାବେ ଆହତ ହୋଇ ରକ୍ତ ଜୁଡୁବୁଡୁ ଅବସ୍ଥାରେ ଘଟଣାସ୍ଥଳରେ ପଡ଼ି ରହିଥିଲେ। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ପ୍ରକାଶ ପାଇଛି। ଦୁର୍ଘଟଣା ପରେ ସ୍ଥାନୀୟ ଲୋକେ ଏବଂ ପରିବାର ସଦସ୍ୟ ସୌମ୍ୟଙ୍କୁ ତୁରନ୍ତ ଡାକ୍ତରଖାନା ନେବା ପାଇଁ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ମଧ୍ୟ ଦୀର୍ଘ ସମୟ ପର୍ଯ୍ୟନ୍ତ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚିପାରି ନଥିଲା। ଠିକ୍ ସମୟରେ ଜରୁରୀକାଳୀନ ଚିକିତ୍ସା ସେବା ନମିଳିବା କାରଣରୁ ଯୁବକଙ୍କର ମୃତ୍ୟୁ ହୋଇଥିବା ନେଇ ପରିବାର ଲୋକେ ଗୁରୁତର ଅଭିଯୋଗ ଆଣିଛନ୍ତି। ଯଦି ସମୟ ସାରଣୀରେ ଆମ୍ବୁଲାନ୍ସ ପହଞ୍ଚିଥାନ୍ତା, ତେବେ ସୌମ୍ୟଙ୍କ ଜୀବନ ବଞ୍ଚିଯାଇଥାନ୍ତା ବୋଲି ପରିବାର ଲୋକେ କୋହଭରା କଣ୍ଠରେ ପ୍ରକାଶ କରିଛନ୍ତି। ସରକାରୀ ଆମ୍ବୁଲାନ୍ସ ସେବାର ଏଭଳି ଦାୟିତ୍ୱହୀନତା ଏବଂ ସହର ଉପକଣ୍ଠରେ ନିର୍ମାଣ କାର୍ଯ୍ୟରେ ବ୍ୟବହୃତ ଭାରୀ ଯାନବାହନର ବେପରୁଆ ଗତିକୁ ନେଇ ଏବେ ସାଧାରଣରେ ଅସନ୍ତୋଷ ତେଜିବାରେ ଲାଗିଛି। ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି।

Taranisen Meher

Archive ବଲାଙ୍ଗୀର, ବଲାଙ୍ଗୀର, ଓଡ଼ିଶା•

7 hrs ago

ବଲାଙ୍ଗିର ଜିଲ୍ଲା ମାଧିଆପାଲି ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଜଣେ ଯୁବକଙ୍କ ପ୍ରାଣହାନି ଘଟିଛି। ନିର୍ମାଣ କାର୍ଯ୍ୟରେ ନିୟୋଜିତ ଏକ କଂକ୍ରିଟ୍ ମିକ୍ସଚର ମେସିନ୍ ଗାଡ଼ିର ବେପରୁଆ ଧକ୍କା ଯୋଗୁଁ ବଲାଙ୍ଗିର ସହର ଜଗନ୍ନାଥ ପଡ଼ାର ଯୁବକ ସୌମ୍ୟ ରଞ୍ଜନ ନାୟକଙ୍କ ମୃତ୍ୟୁ ହୋଇଛି। ସୌମ୍ୟ ରଞ୍ଜନ କୌଣସି କାମରେ ଯାଉଥିବା ସମୟରେ ଏହି କଂକ୍ରିଟ୍ ମିକ୍ସଚର ଗାଡ଼ିଟି ତାଙ୍କୁ ସମ୍ମୁଖରୁ ଶକ୍ତ ଧକ୍କା ଦେଇଥିଲା, ଯାହାଫଳରେ ସେ ଗୁରୁତର ଭାବେ ଆହତ ହୋଇ ରକ୍ତ ଜୁଡୁବୁଡୁ ଅବସ୍ଥାରେ ଘଟଣାସ୍ଥଳରେ ପଡ଼ି ରହିଥିଲେ। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ପ୍ରକାଶ ପାଇଛି। ଦୁର୍ଘଟଣା ପରେ ସ୍ଥାନୀୟ ଲୋକେ ଏବଂ ପରିବାର ସଦସ୍ୟ ସୌମ୍ୟଙ୍କୁ ତୁରନ୍ତ

ଡାକ୍ତରଖାନା ନେବା ପାଇଁ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ମଧ୍ୟ ଦୀର୍ଘ ସମୟ ପର୍ଯ୍ୟନ୍ତ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚିପାରି ନଥିଲା। ଠିକ୍ ସମୟରେ ଜରୁରୀକାଳୀନ ଚିକିତ୍ସା ସେବା ନମିଳିବା କାରଣରୁ ଯୁବକଙ୍କର ମୃତ୍ୟୁ ହୋଇଥିବା ନେଇ ପରିବାର ଲୋକେ ଗୁରୁତର ଅଭିଯୋଗ ଆଣିଛନ୍ତି। ଯଦି ସମୟ ସାରଣୀରେ ଆମ୍ବୁଲାନ୍ସ ପହଞ୍ଚିଥାନ୍ତା, ତେବେ ସୌମ୍ୟଙ୍କ ଜୀବନ ବଞ୍ଚିଯାଇଥାନ୍ତା ବୋଲି ପରିବାର ଲୋକେ କୋହଭରା କଣ୍ଠରେ ପ୍ରକାଶ କରିଛନ୍ତି। ସରକାରୀ ଆମ୍ବୁଲାନ୍ସ ସେବାର ଏଭଳି ଦାୟିତ୍ୱହୀନତା ଏବଂ ସହର ଉପକଣ୍ଠରେ ନିର୍ମାଣ କାର୍ଯ୍ୟରେ ବ୍ୟବହୃତ ଭାରୀ ଯାନବାହନର ବେପରୁଆ ଗତିକୁ ନେଇ ଏବେ ସାଧାରଣରେ ଅସନ୍ତୋଷ ତେଜିବାରେ ଲାଗିଛି। ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି।