पुणे जिल्ह्यातील भोर तालुक्यात असलेल्या नीरा-देवघर धरण परिसरात रविवारी सकाळी एक दुर्दैवी घटना घडली. धरणात पोहण्यासाठी उतरलेल्या चार मित्रांपैकी देवेश राज मिश्रा (वय २८, रा. लोणी काळभोर, ता. हवेली, जि. पुणे) या तरुणाचा पाण्यात बुडून मृत्यू झाला. मिळालेल्या माहितीनुसार, पुण्यातील हे चार तरुण सुट्टीचा आनंद घेण्यासाठी वरंधा घाट परिसरात फिरायला गेले होते. यावेळी त्यांनी वेणूपुरी गावाजवळील नीरा-देवघर धरण परिसराला भेट दिली. धरणातील पाणी पाहून त्यांना पोहण्याचा मोह आवरला नाही आणि ते नदीपात्रात उतरले. यादरम्यान, देवेश मिश्रा याला पोहता येत नसल्याने तो पाण्याच्या खोल भागात जाऊन बुडाला. त्याच्यासोबत असलेल्या मित्रांनी त्याला वाचवण्याचा प्रयत्न केला, परंतु त्यांना यश आले नाही. घटनेची माहिती तात्काळ आपत्कालीन सेवा क्रमांक ११२ वर देण्यात आली. माहिती मिळताच भोर पोलिसांचे पथक, भोईराज जलआपत्ती व्यवस्थापन पथक, स्थानिक नागरिक आणि पोलीस पाटील यांच्या मदतीने शोधमोहीम हाती घेण्यात आली. सुमारे तीन तासांच्या अथक प्रयत्नांनंतर देवेश मिश्रा यांचा मृतदेह धरणातून बाहेर काढण्यात आला. या घटनेमुळे परिसरात हळहळ व्यक्त होत असून, पर्यटनस्थळी आणि धरण परिसरात सुरक्षिततेचे नियम पाळण्याचे आवाहन प्रशासनाकडून करण्यात येत आहे.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

पुणे जिल्ह्यातील भोर तालुक्यात असलेल्या नीरा-देवघर धरण परिसरात रविवारी सकाळी एक दुर्दैवी घटना घडली. धरणात पोहण्यासाठी उतरलेल्या चार मित्रांपैकी देवेश राज मिश्रा (वय २८, रा. लोणी काळभोर, ता. हवेली, जि. पुणे) या तरुणाचा पाण्यात बुडून मृत्यू झाला. मिळालेल्या माहितीनुसार, पुण्यातील हे चार तरुण सुट्टीचा आनंद घेण्यासाठी वरंधा घाट परिसरात फिरायला गेले होते. यावेळी त्यांनी वेणूपुरी गावाजवळील नीरा-देवघर धरण परिसराला भेट दिली. धरणातील पाणी पाहून त्यांना पोहण्याचा मोह आवरला नाही आणि ते नदीपात्रात उतरले. यादरम्यान, देवेश मिश्रा याला पोहता येत नसल्याने तो पाण्याच्या खोल भागात जाऊन बुडाला. त्याच्यासोबत असलेल्या मित्रांनी त्याला वाचवण्याचा प्रयत्न केला, परंतु त्यांना यश आले नाही. घटनेची माहिती तात्काळ आपत्कालीन सेवा क्रमांक ११२ वर देण्यात आली. माहिती मिळताच भोर पोलिसांचे पथक, भोईराज जलआपत्ती व्यवस्थापन पथक, स्थानिक नागरिक आणि पोलीस पाटील यांच्या मदतीने शोधमोहीम हाती घेण्यात आली. सुमारे तीन तासांच्या अथक प्रयत्नांनंतर देवेश मिश्रा यांचा मृतदेह धरणातून बाहेर काढण्यात आला. या घटनेमुळे परिसरात हळहळ व्यक्त होत असून, पर्यटनस्थळी आणि धरण परिसरात सुरक्षिततेचे नियम पाळण्याचे आवाहन प्रशासनाकडून करण्यात येत आहे.