शहापुरात एक दिवसात शेकडो शासकीय दाखल्यांचे वाटप ठाणे :राज्य शासनाच्या महसूल व वन विभागाच्या आदेशानुसार मार्च ते मे २०२६ या कालावधीत राज्यभर राबविण्यात येत असलेल्या छत्रपती शिवाजी महाराज महाराजस्व समाधान शिबिर अभियानाचा पहिला टप्पा शहापूर तालुक्यात नुकताच पार पडला. चेरपोली येथील शेट्टी मॅरेज हॉल येथे आयोजित करण्यात आलेल्या या विशेष शिबिरात शेकडो नागरिकांनी मोठ्या संख्येने उपस्थित राहून विविध दाखले व शासकीय सेवांचा लाभ घेतला. नागरिकांना महसूल व भूमी अभिलेख विभागाच्या सेवा थेट, पारदर्शक आणि सुलभ पद्धतीने उपलब्ध करून देण्यासाठी राज्य शासनाच्या 'छत्रपती शिवाजी महाराज सुशासन अभियान' राबविण्यात येत आहे. या शिबिराच्या माध्यमातून महसूल विभागाच्या विविध सेवा सामान्य नागरिकांच्या दारापर्यंत पोहोचवण्याचा प्रभावी प्रयत्न करण्यात येत आहे. या शिबिरादरम्यान नागरिकांना जमीन मोजणी, नकाशे उपलब्ध करून देणे, प्रलंबित फेरफार प्रकरणांचा निपटारा, सातबारा उतारे, तसेच ऑनलाइन अर्ज प्रक्रिया याबाबत सविस्तर माहिती देण्यात येत आहे. याच पार्श्वभुमीवर शहापूर येथे हे अभियान पार पडले. या शिबिरादरम्यान प्रशासनाने तत्परता दाखवत नागरिकांना महसूल विभागाशी संबंधित एकूण १८ प्रकारच्या सेवा उपलब्ध करून दिल्या. यामध्ये डिजिटल ७/१२ उतारे, विविध दाखले तसेच शेतीसंबंधित सेवांचा समावेश होता. शिबिरात ८५७ डिजिटल ७/१२ उतारे, २८५ आठ-अ उतारे, २७५ प्रकरणांमध्ये अकृषिक परवानगी व मोजणी संदर्भात जनजागृती, १५५ रहिवासी दाखले, १०८ उत्पन्न प्रमाणपत्रे, ९० सत्यप्रतिज्ञापत्रे (अॅफिडेव्हिट), ६८ शेती पीक नुकसान ई-केवायसी प्रकरणे तसेच ४७ शिधापत्रिका (रेशन कार्ड) संबंधित सेवा देण्यात आल्या.

लोक हिंद चॅनल

Journalist शहापूर, ठाणे, महाराष्ट्र•

19 hrs ago

शहापुरात एक दिवसात शेकडो शासकीय दाखल्यांचे वाटप ठाणे :राज्य शासनाच्या महसूल व वन विभागाच्या आदेशानुसार मार्च ते मे २०२६ या कालावधीत राज्यभर राबविण्यात येत असलेल्या छत्रपती शिवाजी महाराज महाराजस्व समाधान शिबिर अभियानाचा पहिला टप्पा शहापूर तालुक्यात नुकताच पार पडला. चेरपोली येथील शेट्टी मॅरेज हॉल येथे आयोजित करण्यात आलेल्या या विशेष शिबिरात शेकडो नागरिकांनी मोठ्या संख्येने उपस्थित राहून विविध दाखले व शासकीय सेवांचा लाभ घेतला. नागरिकांना महसूल व भूमी अभिलेख विभागाच्या सेवा थेट, पारदर्शक आणि सुलभ पद्धतीने उपलब्ध करून देण्यासाठी राज्य शासनाच्या 'छत्रपती शिवाजी महाराज सुशासन अभियान' राबविण्यात येत आहे. या शिबिराच्या माध्यमातून महसूल विभागाच्या विविध सेवा सामान्य नागरिकांच्या दारापर्यंत पोहोचवण्याचा प्रभावी प्रयत्न करण्यात येत आहे. या शिबिरादरम्यान नागरिकांना जमीन मोजणी, नकाशे उपलब्ध करून देणे, प्रलंबित फेरफार प्रकरणांचा निपटारा, सातबारा उतारे, तसेच ऑनलाइन अर्ज प्रक्रिया याबाबत सविस्तर माहिती देण्यात येत आहे. याच पार्श्वभुमीवर शहापूर येथे हे अभियान पार पडले. या शिबिरादरम्यान प्रशासनाने तत्परता दाखवत नागरिकांना महसूल विभागाशी संबंधित एकूण १८ प्रकारच्या सेवा उपलब्ध करून दिल्या. यामध्ये डिजिटल ७/१२ उतारे, विविध दाखले तसेच शेतीसंबंधित सेवांचा समावेश होता. शिबिरात ८५७ डिजिटल ७/१२ उतारे, २८५ आठ-अ उतारे, २७५ प्रकरणांमध्ये अकृषिक परवानगी व मोजणी संदर्भात जनजागृती, १५५ रहिवासी दाखले, १०८ उत्पन्न प्रमाणपत्रे, ९० सत्यप्रतिज्ञापत्रे (अॅफिडेव्हिट), ६८ शेती पीक नुकसान ई-केवायसी प्रकरणे तसेच ४७ शिधापत्रिका (रेशन कार्ड) संबंधित सेवा देण्यात आल्या.