ଅମରପାଲିରେ ଯୁକ୍ତ ଦୁଇ କଲେଜ ପ୍ରତିଷ୍ଠା ଦାବି -୪୦ରୁ ଅଧିକ ଗ୍ରାମର ଛାତ୍ରୀଛାତ୍ର ହେବେ ଉପକୃତ -ଦୂରତା, ଯାତାୟାତ ସମସ୍ୟାରେ ବାଧାପ୍ରାପ୍ତ ଉଚ୍ଚଶିକ୍ଷା - ଛାତ୍ରୀଙ୍କ ସୁରକ୍ଷା ନେଇ ଅଭିଭାବକଙ୍କ ଚିନ୍ତା ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକର ଉପାନ୍ତ ଅଞ୍ଚଳ ଅମରପାଲିରେ ଏକ ଯୁକ୍ତ ଦୁଇ କଲେଜ ପ୍ରତିଷ୍ଠା ପାଇଁ ସ୍ଥାନୀୟ ଅଞ୍ଚଳବାସୀଙ୍କ ଦାବି ଦିନକୁ ଦିନ ଜୋରଦାର ହେଉଛି। ଏହି ଅଞ୍ଚଳରେ ଉଚ୍ଚଶିକ୍ଷାର ସୁବିଧା ନଥିବାରୁ ଛାତ୍ରୀଛାତ୍ରଙ୍କୁ ଯୁକ୍ତ ଦୁଇ ଓ ଯୁକ୍ତ ତିନି ପଢ଼ିବା ପାଇଁ ପ୍ରତିଦିନ ୧୫ରୁ ୨୦ କିଲୋମିଟର ଦୂରସ୍ଥ କଲେଜକୁ ଯିବାକୁ ପଡ଼ୁଛି। ଫଳରେ ଅନେକ ଛାତ୍ରୀ ଯାତାୟାତ ଅସୁବିଧା ଓ ସୁରକ୍ଷା ଆଶଙ୍କା ଯୋଗୁଁ ଅଧାରୁ ପାଠପଢ଼ା ଛାଡ଼ିବାକୁ ବାଧ୍ୟ ହେଉଥିବା ଅଭିଯୋଗ ହେଉଛି। ଅମରପାଲି, ବହଳପଦର, ଲୁତୁରପଙ୍କ, ଦୁର୍ଜନତୈଲା ସମେତ ପ୍ରାୟ ୪୦ରୁ ଅଧିକ ଗ୍ରାମ ଏବଂ ପଡ଼ୋଶୀ ରେଢାଖୋଲ ବ୍ଲକର କିଛି ଅଞ୍ଚଳର ଛାତ୍ରୀଛାତ୍ର ଏହି କଲେଜ ଦ୍ୱାରା ଉପକୃତ ହେବେ। ବର୍ତ୍ତମାନ ଅମରପାଲି, ଲୁତୁରପଙ୍କ ଓ ସଗାଯୁରୀରେ ହାଇସ୍କୁଲ ଥିବାବେଳେ ପ୍ରତିବର୍ଷ ଏହି ତିନିଟି ବିଦ୍ୟାଳୟରୁ ମୋଟ ୨୬୦ରୁ ଅଧିକ ଛାତ୍ରୀଛାତ୍ର ମାଟ୍ରିକ ପାସ୍ କରୁଛନ୍ତି। ମାତ୍ର ଉଚ୍ଚଶିକ୍ଷା ପାଇଁ ସେମାନଙ୍କୁ ବୀରମହାରାଜପୁର, ସୁବଳୟା, ଭୂତିଆପାଲି, ଖଣ୍ଡହତା ଓ ବଡ଼ମାଳ କଲେଜ ଉପରେ ନିର୍ଭର କରିବାକୁ ପଡ଼ୁଛି। ଅମରପାଲିରୁ ବୀରମହାରାଜପୁର ଓ ସୁବଳୟା କଲେଜର ଦୂରତା ପ୍ରାୟ ୨୦ କିଲୋମିଟର ଥିବାବେଳେ ଭୂତିଆପାଲି, ଖଣ୍ଡହତା ଓ ବଡ଼ମାଳ କଲେଜ ପ୍ରାୟ ୧୫ କିଲୋମିଟର ଦୂରରେ ଅବସ୍ଥିତ। ଦୂରତା ଓ ଯାତାୟାତ ସମସ୍ୟା ଯୋଗୁଁ ଅନେକ ପରିବାର ନିଜ ସନ୍ତାନମାନଙ୍କୁ ସମ୍ବଲପୁର, ସୋନପୁର, ବଲାଙ୍ଗୀର, ଭୁବନେଶ୍ୱର ଓ ରେଢାଖୋଲ ଭଳି ସହରର ବେସରକାରି କଲେଜରେ ନାମ ଲେଖାଇ ଅଧିକ ଆର୍ଥିକ ବୋଝ ବହନ କରୁଛନ୍ତି। କିଛି ବର୍ଷ ପୂର୍ବେ ବଡ଼ମାଳ କଲେଜରୁ ଫେରୁଥିବା ବେଳେ ଜଣେ ଛାତ୍ରୀଙ୍କ ସହ ଦୁଷ୍କର୍ମ ଅଭିଯୋଗ ଘଟଣା ପରେ ଅନେକ ଅଭିଭାବକ ଝିଅମାନଙ୍କୁ ଦୂର କଲେଜକୁ ପଠାଇବାକୁ ଭୟ କରୁଥିବା ମଧ୍ୟ କହିଛନ୍ତି। ଅମରପାଲି ଗ୍ରାମର ଛାତ୍ର କଳିକେଶ ସାହୁ କହିଛନ୍ତି, "ଆମ ଘରଠାରୁ ଯେକୌଣସି କଲେଜକୁ ଯିବାକୁ ୨୦ କିଲୋମିଟରରୁ ଅଧିକ ଦୂର ଅତିକ୍ରମ କରିବାକୁ ପଡ଼େ। ପ୍ରତିଦିନ କଲେଜ ଯିବା ସମ୍ଭବ ହେଉନାହିଁ। ଅମରପାଲିରେ ଯୁକ୍ତ ଦୁଇ କଲେଜ ହେଲେ ଆମ ପରି ଅନେକ ଛାତ୍ରୀଛାତ୍ର ଉପକୃତ ହେବେ।" ସେହିପରି ଦୁର୍ଜନତୈଲା ପଞ୍ଚାୟତର ଦାଦରପାଲି ଗ୍ରାମର ଅଭିଭାବକ ସନତ ମହାକୁର କହିଛନ୍ତି, "ଅମରପାଲିରେ କଲେଜ ହେଲେ ପିଲାମାନେ ନିୟମିତ ଶ୍ରେଣୀକୁ ଯାଇପାରିବେ ଏବଂ ଦୂରତା ସମସ୍ୟା ଯୋଗୁଁ କେହି ଆଉ ପାଠପଢ଼ା ଛାଡ଼ିବେ ନାହିଁ।" ପୂର୍ବତନ ସୁବର୍ଣ୍ଣପୁର ଜିଲ୍ଲା ଉଚ୍ଚଶିକ୍ଷା ପରାମର୍ଶଦାତା ତଥା ବୀରମହାରାଜପୁର କଲେଜର ପ୍ରାକ୍ତନ ଅଧ୍ୟକ୍ଷ ଡ. ପ୍ରଫୁଲ୍ଲ କୁମାର ରଥ କହିଛନ୍ତି, "ଅମରପାଲି ଏକ ଉପାନ୍ତ ଅଞ୍ଚଳ ଓ ଆଦିବାସୀ ବହୁଳ ଏବଂ ଆର୍ଥିକ ଅନଗ୍ରସର ଅଞ୍ଚଳ। ଏଠାରେ ଯୁକ୍ତ ଦୁଇ କଲେଜ ପ୍ରତିଷ୍ଠା ହେଲେ ଉଚ୍ଚଶିକ୍ଷାର ପ୍ରସାର ଓ ସାର୍ବଜନୀନକରଣ ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ।" ସେହିପରି ଅମରପାଲି ଗ୍ରାମର ଅବସରପ୍ରାପ୍ତ ପ୍ରଧାନ ଶିକ୍ଷକ ବସନ୍ତ କୁମାର ସାହୁ କହନ୍ତି ,"ଗତ ୧୯୯୧ ମସିହାରେ ଗ୍ରାମବାସୀ ଙ୍କ ଉଦ୍ୟମରେ ଏକ ହାଇସ୍କୁଲ ସ୍ଥାପନ କରାଯାଇଥିଲା। ଏବେ ଅଞ୍ଚଳରେ ଅଧିକ ସଂଖ୍ୟକ ଛାତ୍ରୀଛାତ୍ର ଯୁକ୍ତ ଦୁଇ ପଢୁଛନ୍ତି। ସରକାର ଏବେ ହାଇସ୍କୁଲ ମାନଙ୍କରେ ଯୁକ୍ତ ଦୁଇ ଶିକ୍ଷା କୁ ସାମିଲ କରିଛନ୍ତି। ଯେହେତୁ ଆମ ଅମରପାଲି ହାଇସ୍କୁଲରେ ଭିତ୍ତିଭୂମି ରହିଛି ଏବଂ ଏଠାରେ ଏକ ଯୁକ୍ତ ଦୁଇ ପାଠ ପଢ଼ା ର ଆବଶ୍ୟକତା ରହିଛି,ତେଣୁ ଆମ ଗ୍ରାମର ହାଇସ୍କୁଲରେ ଯୁକ୍ତଦୁଇ ପାଠ୍ୟକ୍ରମ ଖୋଲିଲେ ଅଞ୍ଚଳର ଛାତ୍ରୀଛାତ୍ର ବେଶ ଉପକୃତ ହୋଇପାରିବେ" ଉଲ୍ଲେଖଯୋଗ୍ୟ ଯେ, ଅମରପାଲି ହାଇସ୍କୁଲରେ କେବଳ ସୁବର୍ଣ୍ଣପୁର ନୁହେଁ, ସମ୍ବଲପୁର, ବରଗଡ଼, ବଲାଙ୍ଗୀର, ବୌଦ୍ଧ ଓ ଅନୁଗୁଳ ଜିଲ୍ଲାରୁ ମଧ୍ୟ ଛାତ୍ରୀଛାତ୍ର ପଢ଼ିବାକୁ ଆସୁଛନ୍ତି। ତେଣୁ ଅମରପାଲିରେ ଏକ ଯୁକ୍ତ ଦୁଇ କଲେଜ ପ୍ରତିଷ୍ଠା ହେଲେ ପର୍ଯ୍ୟାପ୍ତ ଛାତ୍ରୀଛାତ୍ର ନାମଲେଖା କରିବା ସହ ସମଗ୍ର ଉପାନ୍ତ ଅଞ୍ଚଳର ଉଚ୍ଚଶିକ୍ଷାର ବିକାଶରେ ଏହା ମାଇଲଖୁଣ୍ଟ ସାବ୍ୟସ୍ତ ହେବ ବୋଲି ସାଧାରଣରେ ଦାବି ହେଉଛି।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

8 hrs ago

ଅମରପାଲିରେ ଯୁକ୍ତ ଦୁଇ କଲେଜ ପ୍ରତିଷ୍ଠା ଦାବି -୪୦ରୁ ଅଧିକ ଗ୍ରାମର ଛାତ୍ରୀଛାତ୍ର ହେବେ ଉପକୃତ -ଦୂରତା, ଯାତାୟାତ ସମସ୍ୟାରେ ବାଧାପ୍ରାପ୍ତ ଉଚ୍ଚଶିକ୍ଷା - ଛାତ୍ରୀଙ୍କ ସୁରକ୍ଷା ନେଇ ଅଭିଭାବକଙ୍କ ଚିନ୍ତା ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକର ଉପାନ୍ତ ଅଞ୍ଚଳ ଅମରପାଲିରେ ଏକ ଯୁକ୍ତ ଦୁଇ କଲେଜ ପ୍ରତିଷ୍ଠା ପାଇଁ ସ୍ଥାନୀୟ ଅଞ୍ଚଳବାସୀଙ୍କ ଦାବି ଦିନକୁ ଦିନ ଜୋରଦାର ହେଉଛି। ଏହି ଅଞ୍ଚଳରେ ଉଚ୍ଚଶିକ୍ଷାର ସୁବିଧା ନଥିବାରୁ ଛାତ୍ରୀଛାତ୍ରଙ୍କୁ ଯୁକ୍ତ ଦୁଇ ଓ ଯୁକ୍ତ ତିନି ପଢ଼ିବା ପାଇଁ ପ୍ରତିଦିନ ୧୫ରୁ ୨୦ କିଲୋମିଟର ଦୂରସ୍ଥ କଲେଜକୁ ଯିବାକୁ ପଡ଼ୁଛି। ଫଳରେ ଅନେକ ଛାତ୍ରୀ ଯାତାୟାତ ଅସୁବିଧା ଓ ସୁରକ୍ଷା ଆଶଙ୍କା ଯୋଗୁଁ ଅଧାରୁ ପାଠପଢ଼ା ଛାଡ଼ିବାକୁ ବାଧ୍ୟ ହେଉଥିବା ଅଭିଯୋଗ ହେଉଛି। ଅମରପାଲି, ବହଳପଦର, ଲୁତୁରପଙ୍କ, ଦୁର୍ଜନତୈଲା ସମେତ ପ୍ରାୟ ୪୦ରୁ ଅଧିକ ଗ୍ରାମ ଏବଂ ପଡ଼ୋଶୀ ରେଢାଖୋଲ ବ୍ଲକର କିଛି ଅଞ୍ଚଳର ଛାତ୍ରୀଛାତ୍ର ଏହି କଲେଜ ଦ୍ୱାରା ଉପକୃତ ହେବେ। ବର୍ତ୍ତମାନ ଅମରପାଲି, ଲୁତୁରପଙ୍କ ଓ ସଗାଯୁରୀରେ ହାଇସ୍କୁଲ ଥିବାବେଳେ ପ୍ରତିବର୍ଷ ଏହି ତିନିଟି ବିଦ୍ୟାଳୟରୁ ମୋଟ ୨୬୦ରୁ ଅଧିକ ଛାତ୍ରୀଛାତ୍ର ମାଟ୍ରିକ ପାସ୍ କରୁଛନ୍ତି। ମାତ୍ର ଉଚ୍ଚଶିକ୍ଷା ପାଇଁ ସେମାନଙ୍କୁ ବୀରମହାରାଜପୁର, ସୁବଳୟା, ଭୂତିଆପାଲି, ଖଣ୍ଡହତା ଓ ବଡ଼ମାଳ କଲେଜ ଉପରେ ନିର୍ଭର କରିବାକୁ ପଡ଼ୁଛି। ଅମରପାଲିରୁ ବୀରମହାରାଜପୁର ଓ ସୁବଳୟା କଲେଜର ଦୂରତା ପ୍ରାୟ ୨୦ କିଲୋମିଟର ଥିବାବେଳେ ଭୂତିଆପାଲି, ଖଣ୍ଡହତା ଓ ବଡ଼ମାଳ କଲେଜ ପ୍ରାୟ ୧୫ କିଲୋମିଟର ଦୂରରେ ଅବସ୍ଥିତ। ଦୂରତା ଓ ଯାତାୟାତ ସମସ୍ୟା ଯୋଗୁଁ ଅନେକ ପରିବାର ନିଜ ସନ୍ତାନମାନଙ୍କୁ ସମ୍ବଲପୁର, ସୋନପୁର, ବଲାଙ୍ଗୀର, ଭୁବନେଶ୍ୱର ଓ ରେଢାଖୋଲ ଭଳି ସହରର ବେସରକାରି କଲେଜରେ ନାମ ଲେଖାଇ ଅଧିକ ଆର୍ଥିକ ବୋଝ ବହନ କରୁଛନ୍ତି। କିଛି ବର୍ଷ ପୂର୍ବେ ବଡ଼ମାଳ କଲେଜରୁ ଫେରୁଥିବା ବେଳେ ଜଣେ ଛାତ୍ରୀଙ୍କ ସହ ଦୁଷ୍କର୍ମ ଅଭିଯୋଗ ଘଟଣା ପରେ ଅନେକ ଅଭିଭାବକ ଝିଅମାନଙ୍କୁ ଦୂର କଲେଜକୁ ପଠାଇବାକୁ ଭୟ କରୁଥିବା ମଧ୍ୟ କହିଛନ୍ତି। ଅମରପାଲି ଗ୍ରାମର ଛାତ୍ର କଳିକେଶ ସାହୁ କହିଛନ୍ତି,

"ଆମ ଘରଠାରୁ ଯେକୌଣସି କଲେଜକୁ ଯିବାକୁ ୨୦ କିଲୋମିଟରରୁ ଅଧିକ ଦୂର ଅତିକ୍ରମ କରିବାକୁ ପଡ଼େ। ପ୍ରତିଦିନ କଲେଜ ଯିବା ସମ୍ଭବ ହେଉନାହିଁ। ଅମରପାଲିରେ ଯୁକ୍ତ ଦୁଇ କଲେଜ ହେଲେ ଆମ ପରି ଅନେକ ଛାତ୍ରୀଛାତ୍ର ଉପକୃତ ହେବେ।" ସେହିପରି ଦୁର୍ଜନତୈଲା ପଞ୍ଚାୟତର ଦାଦରପାଲି ଗ୍ରାମର ଅଭିଭାବକ ସନତ ମହାକୁର କହିଛନ୍ତି, "ଅମରପାଲିରେ କଲେଜ ହେଲେ ପିଲାମାନେ ନିୟମିତ ଶ୍ରେଣୀକୁ ଯାଇପାରିବେ ଏବଂ ଦୂରତା ସମସ୍ୟା ଯୋଗୁଁ କେହି ଆଉ ପାଠପଢ଼ା ଛାଡ଼ିବେ ନାହିଁ।" ପୂର୍ବତନ ସୁବର୍ଣ୍ଣପୁର ଜିଲ୍ଲା ଉଚ୍ଚଶିକ୍ଷା ପରାମର୍ଶଦାତା ତଥା ବୀରମହାରାଜପୁର କଲେଜର ପ୍ରାକ୍ତନ ଅଧ୍ୟକ୍ଷ ଡ. ପ୍ରଫୁଲ୍ଲ କୁମାର ରଥ କହିଛନ୍ତି, "ଅମରପାଲି ଏକ ଉପାନ୍ତ ଅଞ୍ଚଳ ଓ ଆଦିବାସୀ ବହୁଳ ଏବଂ ଆର୍ଥିକ ଅନଗ୍ରସର ଅଞ୍ଚଳ। ଏଠାରେ ଯୁକ୍ତ ଦୁଇ କଲେଜ ପ୍ରତିଷ୍ଠା ହେଲେ ଉଚ୍ଚଶିକ୍ଷାର ପ୍ରସାର ଓ ସାର୍ବଜନୀନକରଣ ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ।" ସେହିପରି ଅମରପାଲି ଗ୍ରାମର ଅବସରପ୍ରାପ୍ତ ପ୍ରଧାନ ଶିକ୍ଷକ ବସନ୍ତ କୁମାର ସାହୁ କହନ୍ତି ,"ଗତ ୧୯୯୧ ମସିହାରେ ଗ୍ରାମବାସୀ ଙ୍କ ଉଦ୍ୟମରେ ଏକ ହାଇସ୍କୁଲ ସ୍ଥାପନ କରାଯାଇଥିଲା। ଏବେ ଅଞ୍ଚଳରେ ଅଧିକ ସଂଖ୍ୟକ ଛାତ୍ରୀଛାତ୍ର ଯୁକ୍ତ ଦୁଇ ପଢୁଛନ୍ତି। ସରକାର ଏବେ ହାଇସ୍କୁଲ ମାନଙ୍କରେ ଯୁକ୍ତ ଦୁଇ ଶିକ୍ଷା କୁ ସାମିଲ କରିଛନ୍ତି। ଯେହେତୁ ଆମ ଅମରପାଲି ହାଇସ୍କୁଲରେ ଭିତ୍ତିଭୂମି ରହିଛି ଏବଂ ଏଠାରେ ଏକ ଯୁକ୍ତ ଦୁଇ ପାଠ ପଢ଼ା ର ଆବଶ୍ୟକତା ରହିଛି,ତେଣୁ ଆମ ଗ୍ରାମର ହାଇସ୍କୁଲରେ ଯୁକ୍ତଦୁଇ ପାଠ୍ୟକ୍ରମ ଖୋଲିଲେ ଅଞ୍ଚଳର ଛାତ୍ରୀଛାତ୍ର ବେଶ ଉପକୃତ ହୋଇପାରିବେ" ଉଲ୍ଲେଖଯୋଗ୍ୟ ଯେ, ଅମରପାଲି ହାଇସ୍କୁଲରେ କେବଳ ସୁବର୍ଣ୍ଣପୁର ନୁହେଁ, ସମ୍ବଲପୁର, ବରଗଡ଼, ବଲାଙ୍ଗୀର, ବୌଦ୍ଧ ଓ ଅନୁଗୁଳ ଜିଲ୍ଲାରୁ ମଧ୍ୟ ଛାତ୍ରୀଛାତ୍ର ପଢ଼ିବାକୁ ଆସୁଛନ୍ତି। ତେଣୁ ଅମରପାଲିରେ ଏକ ଯୁକ୍ତ ଦୁଇ କଲେଜ ପ୍ରତିଷ୍ଠା ହେଲେ ପର୍ଯ୍ୟାପ୍ତ ଛାତ୍ରୀଛାତ୍ର ନାମଲେଖା କରିବା ସହ ସମଗ୍ର ଉପାନ୍ତ ଅଞ୍ଚଳର ଉଚ୍ଚଶିକ୍ଷାର ବିକାଶରେ ଏହା ମାଇଲଖୁଣ୍ଟ ସାବ୍ୟସ୍ତ ହେବ ବୋଲି ସାଧାରଣରେ ଦାବି ହେଉଛି।