మాజీ మంత్రి, స్థానిక ఎమ్మెల్యే గంగుల కమలాకర్ కరీంనగర్ జిల్లాలోని చారిత్రక గ్రామం ఎలగందుల గత పాలకుల నిర్లక్ష్యం కారణంగా తన పూర్వ వైభవాన్ని కోల్పోయిందని స్పష్టం చేశారు. కరీంనగర్ చారిత్రక వైభవానికి ప్రతీక అయిన ఎలగందల్ పాత రోడ్డు బ్రిడ్జి పనులను ఆయన క్షేత్రస్థాయిలో పరిశీలించి, అధికారులతో సమీక్ష నిర్వహించి పనుల పురోగతిని అడిగి తెలుసుకున్నారు. 2016 రేట్లకు అనుగుణంగా ఇప్పుడు ధరలు లేనందున ప్రస్తుత రేట్లకు అనుగుణంగా ఎస్టిమేషన్ రేట్లను సవరించాలని అధికారులకు సూచించారు. గత బీఆర్‌ఎస్ ప్రభుత్వ హయాంలో ఎవరూ అడగకపోయినా కేసీఆర్ ద్వారా ₹90 కోట్లు కేటాయించి ఎలగందుల పాత రోడ్డుపై బ్రిడ్జి పనులను ప్రారంభించామని గంగుల కమలాకర్ తెలిపారు. ఈ బ్రిడ్జి పూర్తయితే కరీంనగర్-ఎలగందల్, కరీంనగర్-సిరిసిల్ల జిల్లాల మధ్య 9 కిలోమీటర్ల దూరం తగ్గుతుందని, అలాగే చుట్టూ నీటితో ఈ ప్రాంతం ఆహ్లాదంగా మారి వాకింగ్ చేసే వారికి అనుకూలంగా ఉంటుందని, టూరిస్ట్ స్పాట్‌గా రూపాంతరం చెందుతుందని ఆయన వివరించారు. అయితే, ప్రస్తుత కాంగ్రెస్ ప్రభుత్వ నిర్లక్ష్యం వల్ల 2025 లోపే పూర్తి కావాల్సిన పనులు ఇప్పటికీ పూర్తి కాలేదని ఆయన ఆరోపించారు. బావుపేట వద్ద రోడ్లు పాడై వాహనదారులు ఇబ్బంది పడుతున్నా కేంద్ర, రాష్ట్ర పాలకులు పట్టించుకోవట్లేదని, కేంద్ర మంత్రి, రాష్ట్ర మంత్రులు కేవలం చూసి వెళ్లారే తప్ప సమస్య పరిష్కరించలేదని ఆయన విమర్శించారు. చివరికి తన సూచన మేరకు స్థానిక సర్పంచ్ ఆంజనేయులు తాత్కాలిక రోడ్డు వేసి ప్రయాణీకుల ఇబ్బందులను తొలగించారని చెప్పారు. తాము కొత్త రోడ్లు అడగడం లేదని, పాత నిధులను సద్వినియోగం చేసుకొని ప్రాజెక్టులను నిర్వహించమని అడుగుతున్నామని గంగుల కమలాకర్ పేర్కొన్నారు. రాబోయే రెండు నెలల్లోగా కాంగ్రెస్ ప్రభుత్వం ఈ బ్రిడ్జిని పూర్తి చేసి ప్రజలకు అందుబాటులోకి తేవాలని, అలాగే మానేరు రివర్ ఫ్రంట్‌తో పాటు పెండింగ్‌లో ఉన్న అన్ని ప్రాజెక్టులను పూర్తి చేయాలని ఆయన డిమాండ్ చేశారు. లేనిపక్షంలో ప్రభుత్వ వైఫల్యాలపై రోజుకో ప్రాజెక్టు వద్ద నిరసనలు చేపడతామని ఆయన హెచ్చరించారు.

శాతవాహన కరీంనగర్

కరీంనగర్ రూరల్, కరీంనగర్, తెలంగాణ•

18 hrs ago

మాజీ మంత్రి, స్థానిక ఎమ్మెల్యే గంగుల కమలాకర్ కరీంనగర్ జిల్లాలోని చారిత్రక గ్రామం ఎలగందుల గత పాలకుల నిర్లక్ష్యం కారణంగా తన పూర్వ వైభవాన్ని కోల్పోయిందని స్పష్టం చేశారు. కరీంనగర్ చారిత్రక వైభవానికి ప్రతీక అయిన ఎలగందల్ పాత రోడ్డు బ్రిడ్జి పనులను ఆయన క్షేత్రస్థాయిలో పరిశీలించి, అధికారులతో సమీక్ష నిర్వహించి పనుల పురోగతిని అడిగి తెలుసుకున్నారు. 2016 రేట్లకు అనుగుణంగా ఇప్పుడు ధరలు లేనందున ప్రస్తుత రేట్లకు అనుగుణంగా ఎస్టిమేషన్ రేట్లను సవరించాలని అధికారులకు సూచించారు. గత బీఆర్‌ఎస్ ప్రభుత్వ హయాంలో ఎవరూ అడగకపోయినా కేసీఆర్ ద్వారా ₹90 కోట్లు కేటాయించి ఎలగందుల పాత రోడ్డుపై బ్రిడ్జి పనులను ప్రారంభించామని గంగుల కమలాకర్ తెలిపారు. ఈ బ్రిడ్జి పూర్తయితే కరీంనగర్-ఎలగందల్, కరీంనగర్-సిరిసిల్ల జిల్లాల మధ్య 9 కిలోమీటర్ల దూరం తగ్గుతుందని, అలాగే చుట్టూ నీటితో ఈ ప్రాంతం ఆహ్లాదంగా మారి వాకింగ్ చేసే వారికి అనుకూలంగా ఉంటుందని, టూరిస్ట్ స్పాట్‌గా రూపాంతరం చెందుతుందని ఆయన వివరించారు. అయితే, ప్రస్తుత కాంగ్రెస్ ప్రభుత్వ నిర్లక్ష్యం వల్ల 2025 లోపే పూర్తి కావాల్సిన పనులు ఇప్పటికీ పూర్తి కాలేదని ఆయన ఆరోపించారు. బావుపేట వద్ద రోడ్లు పాడై వాహనదారులు ఇబ్బంది పడుతున్నా కేంద్ర, రాష్ట్ర పాలకులు పట్టించుకోవట్లేదని, కేంద్ర మంత్రి, రాష్ట్ర మంత్రులు కేవలం చూసి వెళ్లారే తప్ప సమస్య పరిష్కరించలేదని ఆయన విమర్శించారు. చివరికి తన సూచన మేరకు స్థానిక సర్పంచ్ ఆంజనేయులు తాత్కాలిక రోడ్డు వేసి ప్రయాణీకుల ఇబ్బందులను తొలగించారని చెప్పారు. తాము కొత్త రోడ్లు అడగడం లేదని, పాత నిధులను సద్వినియోగం చేసుకొని ప్రాజెక్టులను నిర్వహించమని అడుగుతున్నామని గంగుల కమలాకర్ పేర్కొన్నారు. రాబోయే రెండు నెలల్లోగా కాంగ్రెస్ ప్రభుత్వం ఈ బ్రిడ్జిని పూర్తి చేసి ప్రజలకు అందుబాటులోకి తేవాలని, అలాగే మానేరు రివర్ ఫ్రంట్‌తో పాటు పెండింగ్‌లో ఉన్న అన్ని ప్రాజెక్టులను పూర్తి చేయాలని ఆయన డిమాండ్ చేశారు. లేనిపక్షంలో ప్రభుత్వ వైఫల్యాలపై రోజుకో ప్రాజెక్టు వద్ద నిరసనలు చేపడతామని ఆయన హెచ్చరించారు.