जालना जिल्ह्यासाठी यलो अलर्ट ; ९ ते ११ मार्चदरम्यान उष्ण व दमट हवामानाचा इशारा जालना जिल्ह्यासाठी यलो अलर्ट ; ९ ते ११ मार्चदरम्यान उष्ण व दमट हवामानाचा इशारा जालना जिल्ह्यात पुढील काही दिवस उष्ण व दमट हवामानाची शक्यता लक्षात घेता प्रशासनाने यलो अलर्ट जारी केला आहे. प्रादेशिक हवामानशास्त्र केंद्र, कुलाबा, मुंबई यांनी दिलेली यांनी दिलेल्या सूचनेनुसार ९ मार्च ते ११ मार्च २०२६ या कालावधीत जिल्ह्यात काही ठिकाणी उष्ण व दमट हवामानाचा प्रभाव जाणवू शकतो, अशी माहिती जिल्हा प्रशासनाने दिली आहे. जिल्हाधिकारी कार्यालय, जालना कडून यासंदर्भात नागरिकांना सतर्कतेचा इशारा देण्यात आला असून उष्माघात टाळण्यासाठी आवश्यक खबरदारी घेण्याचे आवाहन करण्यात आले आहे. जिल्हा आपत्ती व्यवस्थापन अधिकारी दीपक काजळकर यांनी दिलेल्या माहितीनुसार, हवामानातील बदल लक्षात घेऊन सर्व संबंधित यंत्रणांना सतर्क राहण्याच्या सूचना देण्यात आल्या आहेत. प्रशासनाकडून नागरिकांना पुरेसे पाणी पिणे, शक्यतो दुपारी १२ ते ३ या वेळेत घराबाहेर न पडणे, बाहेर जाताना टोपी किंवा छत्रीचा वापर करणे तसेच हलके व सैल सुती कपडे परिधान करणे, अशा सूचना देण्यात आल्या आहेत. शरीरातील पाण्याचे प्रमाण टिकवून ठेवण्यासाठी लिंबूपाणी, ताक, लस्सी, कैरीचे पन्हे किंवा ओआरएससारख्या पेयांचे सेवन करण्याचा सल्लाही देण्यात आला आहे. याशिवाय उन्हाच्या काळात अति श्रमाची कामे टाळावीत, दारू, जास्त चहा-कॉफी किंवा कार्बोनेटेड पेयांचे सेवन करू नये तसेच लहान मुले किंवा पाळीव प्राण्यांना बंद वाहनात ठेवू नये, असेही प्रशासनाने स्पष्ट केले आहे. उष्माघाताची लक्षणे दिसल्यास तातडीने वैद्यकीय मदत घ्यावी, असे आवाहनही प्रशासनाने केले आहे. आपत्कालीन परिस्थितीत नागरिकांनी जिल्हा सामान्य रुग्णालय किंवा आरोग्य विभागाच्या टोल-फ्री क्रमांक १०४ वर संपर्क साधावा, असेही जिल्हा प्रशासनाने कळविले आहे.

पत्रकार ओमप्रकाश उढाण

घनसावंगी, जालना, महाराष्ट्र•

1 day ago

जालना जिल्ह्यासाठी यलो अलर्ट ; ९ ते ११ मार्चदरम्यान उष्ण व दमट हवामानाचा इशारा जालना जिल्ह्यासाठी यलो अलर्ट ; ९ ते ११ मार्चदरम्यान उष्ण व दमट हवामानाचा इशारा जालना जिल्ह्यात पुढील काही दिवस उष्ण व दमट हवामानाची शक्यता लक्षात घेता प्रशासनाने यलो अलर्ट जारी केला आहे. प्रादेशिक हवामानशास्त्र केंद्र, कुलाबा, मुंबई यांनी दिलेली यांनी दिलेल्या सूचनेनुसार ९ मार्च ते ११ मार्च २०२६ या कालावधीत जिल्ह्यात काही ठिकाणी उष्ण व दमट हवामानाचा प्रभाव जाणवू शकतो, अशी माहिती जिल्हा प्रशासनाने दिली आहे. जिल्हाधिकारी कार्यालय, जालना कडून यासंदर्भात नागरिकांना सतर्कतेचा इशारा देण्यात आला असून उष्माघात टाळण्यासाठी आवश्यक खबरदारी घेण्याचे आवाहन करण्यात आले आहे. जिल्हा आपत्ती व्यवस्थापन अधिकारी दीपक काजळकर यांनी दिलेल्या माहितीनुसार, हवामानातील बदल लक्षात घेऊन सर्व संबंधित यंत्रणांना सतर्क राहण्याच्या सूचना देण्यात आल्या आहेत. प्रशासनाकडून नागरिकांना पुरेसे पाणी पिणे, शक्यतो दुपारी १२ ते ३ या वेळेत घराबाहेर न पडणे, बाहेर जाताना टोपी किंवा छत्रीचा वापर करणे तसेच हलके व सैल सुती कपडे परिधान करणे, अशा सूचना देण्यात आल्या आहेत. शरीरातील पाण्याचे प्रमाण टिकवून ठेवण्यासाठी लिंबूपाणी, ताक, लस्सी, कैरीचे पन्हे किंवा ओआरएससारख्या पेयांचे सेवन करण्याचा सल्लाही देण्यात आला आहे. याशिवाय उन्हाच्या काळात अति श्रमाची कामे टाळावीत, दारू, जास्त चहा-कॉफी किंवा कार्बोनेटेड पेयांचे सेवन करू नये तसेच लहान मुले किंवा पाळीव प्राण्यांना बंद वाहनात ठेवू नये, असेही प्रशासनाने स्पष्ट केले आहे. उष्माघाताची लक्षणे दिसल्यास तातडीने वैद्यकीय मदत घ्यावी, असे आवाहनही प्रशासनाने केले आहे. आपत्कालीन परिस्थितीत नागरिकांनी जिल्हा सामान्य रुग्णालय किंवा आरोग्य विभागाच्या टोल-फ्री क्रमांक १०४ वर संपर्क साधावा, असेही जिल्हा प्रशासनाने कळविले आहे.