भोकरदन व जाफ्राबाद तालुक्यातील अवेळी पाऊस व गारपीटीमुळे शेतपिके व फळबागांच्या झालेल्या मोठ्या नुकसानीचे तातडीने पंचनामे करून शेतकऱ्यांना एकरी ५०,०००/- रुपये त्वरित मदत देण्याबाबत मा.उपविभागीय_अधिकारी भोकरदन यांना मा.आ.चंद्रकांत पुंडलिकराव दानवे यांचे निवेदन... भोकरदन इसरारखान पठाण जाफ्राबाद तालुक्यासह जालना जिल्ह्यामध्ये भोकरदन व जाफ्राबाद तालुक्यासह परिसरामध्ये अलीकडेच झालेल्या अवेळी पाऊस व गारपीटीमुळे शेतकरी वर्गावर मोठे नैसर्गिक संकट ओढवले आहे. या अनियमित हवामान बदलामुळे रब्बी हंगामातील काढणीस आलेली हरभरा, गहू, मका, कांदा यांसारखी पिके तसेच टरबूज, खरबूज, आंबा, द्राक्ष आदी फळबागांचे अत्यंत भीषण नुकसान झालेले आहे. सदर गारपीट व पावसामुळे उभी पिके पूर्णपणे झोडपली जाऊन आडवी पडली आहेत, तर काढणीस आलेले धान्य मातीमोल झाले आहे. याशिवाय ओलसर हवामानामुळे फळबागांमध्ये रोगराईचा प्रादुर्भाव वाढून उत्पादनावर गंभीर परिणाम झाला आहे. या सर्व परिस्थितीमुळे शेतकऱ्यांचे अपरिमित आर्थिक नुकसान झाले असून त्यांची वर्षभराची मेहनत अक्षरशः वाया गेली आहे. त्यामुळे शेतकरी वर्ग अत्यंत चिंताग्रस्त, हतबल व आर्थिक अडचणीत सापडलेला आहे. ही गंभीर परिस्थिती लक्षात घेता, शेतकऱ्यांना तातडीने दिलासा देणे अत्यावश्यक आहे. त्यामुळे संबंधित महसूल यंत्रणेमार्फत त्वरित नुकसानग्रस्त क्षेत्रांची पाहणी करून पंचनामे पूर्ण करण्यात यावेत व विलंब न लावता शेतकऱ्यांना थेट आर्थिक मदत देण्यात यावी.तरी भोकरदन व जाफ्राबाद येथील तहसीलदारांना तात्काळ पंचनामे करण्याच्या स्पष्ट सूचना देण्यात याव्यात आणि बाधित शेतकऱ्यांना एकरी किमान ५०,०००/- रुपये आर्थिक मदत त्वरित मंजूर करून वितरित करण्यात यावी. अशी मागणी मा.आ.चंद्रकांत पुंडलिकराव दानवे यांनी मा. उपविभागीय अधिकारी भोकरदन यांच्याकडे निवेदनाद्वारे केली व तातडीने दखल घेण्यास सांगितले. नसता राष्ट्रवादी काँग्रेस शरदचंद्र पवार पक्षाच्या वतीने तीव्र आंदोलन करण्यात येईल असा इशारा देखील दिला.

Israrkhan Pathan

Local News Reporter भोकरदन, जालना, महाराष्ट्र•

on 22 March

भोकरदन व जाफ्राबाद तालुक्यातील अवेळी पाऊस व गारपीटीमुळे शेतपिके व फळबागांच्या झालेल्या मोठ्या नुकसानीचे तातडीने पंचनामे करून शेतकऱ्यांना एकरी ५०,०००/- रुपये त्वरित मदत देण्याबाबत मा.उपविभागीय_अधिकारी भोकरदन यांना मा.आ.चंद्रकांत पुंडलिकराव दानवे यांचे निवेदन... भोकरदन इसरारखान पठाण जाफ्राबाद तालुक्यासह जालना जिल्ह्यामध्ये भोकरदन व जाफ्राबाद तालुक्यासह परिसरामध्ये अलीकडेच झालेल्या अवेळी पाऊस व गारपीटीमुळे शेतकरी वर्गावर मोठे नैसर्गिक संकट ओढवले आहे. या अनियमित हवामान बदलामुळे रब्बी हंगामातील काढणीस आलेली हरभरा, गहू, मका, कांदा यांसारखी पिके तसेच टरबूज, खरबूज, आंबा, द्राक्ष आदी फळबागांचे अत्यंत भीषण नुकसान झालेले आहे. सदर गारपीट व पावसामुळे उभी पिके पूर्णपणे झोडपली जाऊन आडवी पडली आहेत, तर काढणीस आलेले धान्य मातीमोल झाले आहे. याशिवाय ओलसर हवामानामुळे फळबागांमध्ये रोगराईचा प्रादुर्भाव वाढून उत्पादनावर गंभीर परिणाम झाला आहे. या सर्व परिस्थितीमुळे शेतकऱ्यांचे अपरिमित आर्थिक नुकसान झाले असून त्यांची वर्षभराची मेहनत अक्षरशः वाया गेली आहे. त्यामुळे शेतकरी वर्ग अत्यंत चिंताग्रस्त, हतबल व आर्थिक अडचणीत सापडलेला आहे. ही गंभीर परिस्थिती लक्षात घेता, शेतकऱ्यांना तातडीने दिलासा देणे अत्यावश्यक आहे. त्यामुळे संबंधित महसूल यंत्रणेमार्फत त्वरित नुकसानग्रस्त क्षेत्रांची पाहणी करून पंचनामे पूर्ण करण्यात यावेत व विलंब न लावता शेतकऱ्यांना थेट आर्थिक मदत देण्यात यावी.तरी भोकरदन व जाफ्राबाद येथील तहसीलदारांना तात्काळ पंचनामे करण्याच्या स्पष्ट सूचना देण्यात याव्यात आणि बाधित शेतकऱ्यांना एकरी किमान ५०,०००/- रुपये आर्थिक मदत त्वरित मंजूर करून वितरित करण्यात यावी. अशी मागणी मा.आ.चंद्रकांत पुंडलिकराव दानवे यांनी मा. उपविभागीय अधिकारी भोकरदन यांच्याकडे निवेदनाद्वारे केली व तातडीने दखल घेण्यास सांगितले. नसता राष्ट्रवादी काँग्रेस शरदचंद्र पवार पक्षाच्या वतीने तीव्र आंदोलन करण्यात येईल असा इशारा देखील दिला.