डोंबिवली शहरात वाढती वाहतूक कोंडी आणि नागरिकांना होणारा त्रास लक्षात घेऊन वाहतूक शाखेने नियमांचे उल्लंघन करणाऱ्या वाहनचालकांविरोधात धडक कारवाई सुरू केली आहे. डोंबिवली वाहतूक शाखेचे पोलिस निरीक्षक विजय अहिरे यांच्या मार्गदर्शनाखाली पोलिसांनी शालेय विद्यार्थ्यांच्या सुरक्षिततेला प्राधान्य देत मोहीम राबवली. या कारवाईत नियम मोडणाऱ्या स्कूल बस चालकांसह मोटारसायकल, कार आणि रिक्षा चालकांवर विविध कलमान्वये कारवाई करण्यात आली आहे. विशेषतः डोंबिवलीतील ओंकार स्कूल, रॉयल स्कूल आणि साऊथ स्कूलच्या काही स्कूल बस चालकांकडून गणवेश न घालणे, सीट बेल्टचा वापर न करणे आणि वाहन चालवताना परवाना जवळ न बाळगणे अशा गंभीर बाबी समोर आल्या. याप्रकरणी पोलिसांनी संबंधित चालकांवर कठोर कारवाई केली आहे. दरम्यान, विद्यार्थ्यांच्या सुरक्षेशी निष्काळजीपणा करणाऱ्या अशा वाहनचालकांवर संबंधित शाळा प्रशासनानेही शिस्तभंगाची कारवाई करावी, अशी मागणी नागरिकांकडून करण्यात येत आहे.

लोक हिंद चॅनल

Journalist शहापूर, ठाणे, महाराष्ट्र•

21 hrs ago

डोंबिवली शहरात वाढती वाहतूक कोंडी आणि नागरिकांना होणारा त्रास लक्षात घेऊन वाहतूक शाखेने नियमांचे उल्लंघन करणाऱ्या वाहनचालकांविरोधात धडक कारवाई सुरू केली आहे. डोंबिवली वाहतूक शाखेचे पोलिस निरीक्षक विजय अहिरे यांच्या मार्गदर्शनाखाली पोलिसांनी शालेय विद्यार्थ्यांच्या सुरक्षिततेला प्राधान्य देत मोहीम राबवली. या कारवाईत नियम मोडणाऱ्या स्कूल बस चालकांसह मोटारसायकल, कार आणि रिक्षा चालकांवर विविध कलमान्वये कारवाई करण्यात आली आहे. विशेषतः डोंबिवलीतील ओंकार स्कूल, रॉयल स्कूल आणि साऊथ स्कूलच्या काही स्कूल बस चालकांकडून गणवेश न घालणे, सीट बेल्टचा वापर न करणे आणि वाहन चालवताना परवाना जवळ न बाळगणे अशा गंभीर बाबी समोर आल्या. याप्रकरणी पोलिसांनी संबंधित चालकांवर कठोर कारवाई केली आहे. दरम्यान, विद्यार्थ्यांच्या सुरक्षेशी निष्काळजीपणा करणाऱ्या अशा वाहनचालकांवर संबंधित शाळा प्रशासनानेही शिस्तभंगाची कारवाई करावी, अशी मागणी नागरिकांकडून करण्यात येत आहे.