ଆଜି ସକାଳୁ କାଶୀ ବିଶ୍ୱନାଥ ମନ୍ଦିର ହର ହର ମହାଦେବ ଧ୍ୱନିରେ ପ୍ରକମ୍ପିତ ହୋଇଥିଲା। ଶ୍ରଦ୍ଧାଳୁମାନେ ମହାଦେବଙ୍କ ଦର୍ଶନ କରି ନିଜକୁ ଧନ୍ୟ ମନେ କରିଛନ୍ତି।

ବାମରା ବ୍ଲକର ବାରାଗଡ଼ ଗ୍ରାମରେ ଏକ ପୋଖରୀ ନିର୍ମାଣ ନାମରେ ୯ ଲକ୍ଷ ଟଙ୍କାର ବ୍ୟାପକ ଦୁର୍ନୀତି ଅଭିଯୋଗ ହୋଇଛି। ଗ୍ରାମବାସୀଙ୍କ କହିବାନୁସାରେ, ୯ ଲକ୍ଷ ଟଙ୍କା ଖର୍ଚ୍ଚ ଦର୍ଶାଇ କେବଳ ଏକ ଗାତ ଖୋଳା ଯାଇଛି ଏବଂ ସରପଞ୍ଚଙ୍କ ସମେତ ବହୁ ଅଧିକାରୀ ଏଥିରେ ସାମିଲ ଅଛନ୍ତି। ସ୍ଥାନୀୟ ଲୋକ ଏହି ଘଟଣାର ତୁରନ୍ତ ଭିଜିଲାନ୍ସ ତଦନ୍ତ ଏବଂ ଦୋଷୀଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ସମ୍ବଲପୁରର କୁଚିଣ୍ଡା ନିକଟରେ ଏକ ଭୟଙ୍କର ସଡ଼କ ଦୁର୍ଘଟଣାରେ ଦୁଇ ଯୁବକ ପ୍ରାଣ ହରାଇଛନ୍ତି ଓ ଜଣେ ଗୁରୁତର ଅଛନ୍ତି। ଗୁଦ୍‌ଗୁଦ୍ ଜଳପ୍ରପାତରୁ ଫେରୁଥିବାବେଳେ ସେମାନଙ୍କ ବାଇକକୁ ଏକ ପିକଅପ୍ ଭ୍ୟାନ ଧକ୍କା ଦେଇଥିଲା। ଆମ୍ବୁଲାନ୍ସ ପହଞ୍ଚିବାରେ ବିଳମ୍ବ ଯୋଗୁଁ ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି।

ଝାରସୁଗୁଡ଼ା ଏସପି ବେଲପାହାଡ଼ ହତ୍ୟା ଅଭିଯୁକ୍ତଙ୍କ ଏନକାଉଣ୍ଟରକୁ ନେଇ ଏକ ପ୍ରେସମିଟ୍ କରିଛନ୍ତି। ଏହି ଏନକାଉଣ୍ଟର ସମ୍ପର୍କରେ ସେ ଗୁରୁତ୍ୱପୂର୍ଣ୍ଣ ସୂଚନା ଦେଇ ସମଗ୍ର ଘଟଣା ଉପରୁ ପରଦା ଉଠାଇଛନ୍ତି।

ବେଲପାହାଡ଼ ଥାନା ଅଞ୍ଚଳର କାର୍ଲାଖମନ ନିକଟରେ ପୋଲିସ ଓ ଅଭିଯୁକ୍ତଙ୍କ ମଧ୍ୟରେ ଏକ ଏନକାଉଣ୍ଟର ଘଟିଛି। ଫେରାର ହେବାକୁ ଚେଷ୍ଟା କରି ଅଭିଯୁକ୍ତମାନେ ପୋଲିସ ଉପରକୁ ୪ ରାଉଣ୍ଡ ଗୁଳି ଚଳାଇଥିଲେ, ଯାହାର ପାଲଟା ଜବାବରେ ପୋଲିସ ଗୁଳି ଚଳାଇବାରୁ ଦୁଇଜଣ ଅଭିଯୁକ୍ତଙ୍କ ଜଙ୍ଘରେ ଗୁଳି ବାଜିଛି।

ବରଗଡ଼ ଜିଲ୍ଲାର କୁମ୍ଭରୀ ଗାଁର ଭାରତୀୟ ନୌସେନା ଯବାନ ପ୍ରେମାନନ୍ଦ ମଲ୍ଲିକ ମୁମ୍ବାଇରେ କାର୍ଯ୍ୟ କରୁଥିବାବେଳେ ଶହୀଦ ହୋଇଛନ୍ତି। ଆଜି ସନ୍ଧ୍ୟାରେ ତାଙ୍କୁ ସ୍ଥାନୀୟ ଲୋକେ ଗ୍ରହଣ କରିଥିବାବେଳେ, ଆସନ୍ତାକାଲି ସକାଳେ ତାଙ୍କ ଗାଁରେ ଜାତୀୟ ସମ୍ମାନ ପ୍ରଦାନ କରାଯିବ।

ମର୍ମନ୍ତୁଦ ସଡ଼କ ଦୁର୍ଘଟଣା, ଦୁଇ ମୃତ ଜଣେ ଗୁରୁତର, କୁସୁମୀ ଫାଣ୍ଡି ସାମ୍ନା ରେ ଦୁର୍ଘଟଣା ପିକଅପ ବାଇକ ମୁହାଁ ମୁହିଁ ଦୁଇ ମୃତ ଜଣେ ଗୁରୁତର ସମ୍ବଲପୁର ଜିଲ୍ଲା ମହୁଲପାଲି ଥାନା କୁସୁମୀ ଫାଣ୍ଡି ଅନ୍ତର୍ଗତ ପେଟ୍ରୋଲ ପମ୍ପ ନିକଟରେ ଏକ ପିକ ଅପ ସାଙ୍ଗେ ବାଇକ ଧକ୍କା ହେବାରୁ ଘଟଣା ସ୍ଥଳରେ ଜଣେ ବାଇକ ଆରୋହୀ ଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଚିକିତ୍ସାଧୀନ ଅବସ୍ଥାରେ କୁଚିଣ୍ଡା ଡାକ୍ତରଖାନା ରେ ମୃତ୍ୟୁ ବରଣ କରିଛନ୍ତି. ମୃତ ଦୁଇଜଣ ହେଲେ ଚିନ୍ମୟ ଠାକୁର ଓ ଗଗନ ପାତ୍ର, ଆଉ ଜଣେ ଗୁରୁତର ଶିଶିର ଠାକୁର ଙ୍କୁ ସଂକଟାପର୍ଣ୍ଣ ଅବସ୍ଥା ରେ ବୁର୍ଲା କୁ ସ୍ଥାନାନ୍ତର କରାଯାଇଛି. ସୂଚନା ଅନୁସାରେ ତିନି ସାଙ୍ଗ ମିଶି ଗୁଦ ଗୁଦ ଜଳ ପ୍ରପାତ ବୁଲିବାକୁ ଯାଇଥିଲେ ସେଠାରେ ବୁଲା ବୁଲି କରି ଲିଚୁ ନେଇ ଘର ଘରକୁ ଫେରୁ ଥିବା ବାଟରେ ଘଟିଥିଲା ଏହି ବଡ଼ ଦୁର୍ଘଟଣା ଆମ୍ବୁଲାନ୍ସ କୁ ବାରମ୍ବାର କଲ୍ କରିଥିଲେ ମଧ୍ୟ ଏବେ ପହଁଚୁଛି କହି ଡେରି ରେ ଆସିବା ଯୋଗୁଁ ଜଣଙ୍କର କୁଚିଣ୍ଡା ଡାକ୍ତରଖାନା ରେ ହିଁ ମୃତ୍ୟୁ ଘଟିଛି ମହୁଲପାଲି ପୋଲିସ ଘଟଣା ସ୍ଥଳରେ ପହଂଚି ଅଧିକ ତଦନ୍ତ କରୁଥିବା ବେଳେ ମୃତ ଓ ଆହତ ସମସ୍ତେ କୁଚିଣ୍ଡା ଥାନା ଭାତପୁରା ଛେପରାବେଡା ର ହୋଇଥିବା ଜଣାପଡିଛି.

ସମ୍ବଲପୁରର କୁଚିଣ୍ଡା ଠାରେ ଏକ ନୂତନ ରାଧା କୃଷ୍ଣ ମନ୍ଦିର ପ୍ରତିଷ୍ଠା ଉତ୍ସବ ସମାପନ ହୋଇଛି। ଏହି ଅବସରରେ ସମଗ୍ର ସହରରେ ଏକ ଭକ୍ତିମୟ ଓ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି।

ଆଜି ସକାଳୁ କାଶୀ ବିଶ୍ୱନାଥ ମନ୍ଦିର ହର ହର ମହାଦେବ ଧ୍ୱନିରେ ପ୍ରକମ୍ପିତ ହୋଇଥିଲା। ଶ୍ରଦ୍ଧାଳୁମାନେ ମହାଦେବଙ୍କ ଦର୍ଶନ କରି ନିଜକୁ ଧନ୍ୟ ମନେ କରିଛନ୍ତି।