बुधवार, दिनांक २४ जून २०२६ रोजी सकाळी ११:३० वाजता वाशाळा येथील जिल्हा परिषद केंद्रशाळेत अद्ययावत संगणक कक्षाचे उद्घाटन करण्यात आले. सुमारे १० ते १२ लाख रुपये खर्च करून उभारलेला हा संगणक कक्ष, जेएमएमएफ फाऊंडेशन आणि एनआयआयटी फाऊंडेशनच्या संयुक्त विद्यमाने सर्व डिजिटल सुविधांनी सुसज्ज आहे. या संगणक कक्षाचे उद्घाटन संस्थेचे विश्वस्त श्री प्रदीप कनाकिया यांच्या शुभहस्ते आणि पदाधिकारी पूजा दवे, देवांशी द्विवेदी, सुनील कराळे व इतर मान्यवरांच्या प्रमुख उपस्थितीत झाले. या कक्षात उच्च दर्जाचे १० संगणक उपलब्ध करून देण्यात आले आहेत. संस्थेच्या पदाधिकाऱ्यांचे विद्यार्थ्यांनी जल्लोषात स्वागत केले आणि शाळेतर्फे त्यांचा सत्कार करण्यात आला. कार्यक्रमादरम्यान बोलताना, संस्थेच्या पदाधिकाऱ्यांनी विद्यार्थी व पालकांना या संगणक कक्षाचा पुरेपूर वापर करण्याचे आवाहन केले. पालकांनीही संगणक कक्षाचा योग्य वापर करण्याचे आश्वासन दिले आणि भविष्यात या सुविधेमुळे येथील विद्यार्थी निश्चितच चांगले सॉफ्टवेअर इंजिनिअर होतील, अशी ग्वाही दिली. विशेष म्हणजे, मुख्याध्यापक श्री ललित मोरे यांनी जाहीर केले की या संगणक कक्षाचा लाभ वाशाळा पंचक्रोशीतील सर्वच विद्यार्थ्यांना घेता येईल. या प्रसंगी संस्थेकडून विद्यार्थ्यांना शालेय उपयोगी शैक्षणिक साहित्याचे किट वाटप करण्यात आले. कार्यक्रमास वाशाळा ग्रामपंचायतचे सरपंच श्री कृष्णा वाघ, सदस्य श्री भूषण फाळके, तसेच शालेय व्यवस्थापन समितीचे अध्यक्ष श्री राहुल भवारी, सदस्य श्री भरत भवारी, श्रीमती योगिता पेहेरे आणि ग्रामस्थ व पालक श्री किशोर भवारी, श्रीमती अंजना पाटील, श्रीमती जयश्री पाटील, श्रीमती रुपाली डगळे यांची उपस्थिती होती. या संगणक कक्षाला कार्यान्वित करण्यासाठी शिक्षक श्री विश्वास चोथे यांनी विशेष परिश्रम घेतले. तसेच, संस्थेचे समन्वयक तथा संगणक शिक्षक श्री सुरेंद्र हमरे, शिक्षक श्री आबा बागुल आणि श्री संदीप व्यवहारे यांनी हा कार्यक्रम यशस्वी करण्यासाठी विशेष योगदान दिले. कार्यक्रमाच्या समारोपात शाळेतर्फे उपस्थित सर्वांचे आभार मानून कार्यक्रमाची सांगता झाली.

लोक हिंद चॅनल

Journalist शहापूर, ठाणे, महाराष्ट्र•

2 hrs ago

बुधवार, दिनांक २४ जून २०२६ रोजी सकाळी ११:३० वाजता वाशाळा येथील जिल्हा परिषद केंद्रशाळेत अद्ययावत संगणक कक्षाचे उद्घाटन करण्यात आले. सुमारे १० ते १२ लाख रुपये खर्च करून उभारलेला हा संगणक कक्ष, जेएमएमएफ फाऊंडेशन आणि एनआयआयटी फाऊंडेशनच्या संयुक्त विद्यमाने सर्व डिजिटल सुविधांनी सुसज्ज आहे. या संगणक कक्षाचे उद्घाटन संस्थेचे विश्वस्त श्री प्रदीप कनाकिया यांच्या शुभहस्ते आणि पदाधिकारी पूजा दवे, देवांशी द्विवेदी, सुनील कराळे व इतर मान्यवरांच्या प्रमुख उपस्थितीत झाले. या कक्षात उच्च दर्जाचे १० संगणक उपलब्ध करून देण्यात आले आहेत. संस्थेच्या पदाधिकाऱ्यांचे विद्यार्थ्यांनी जल्लोषात स्वागत केले आणि शाळेतर्फे त्यांचा सत्कार करण्यात आला. कार्यक्रमादरम्यान बोलताना, संस्थेच्या पदाधिकाऱ्यांनी विद्यार्थी व पालकांना या संगणक कक्षाचा पुरेपूर वापर करण्याचे आवाहन केले. पालकांनीही संगणक कक्षाचा योग्य वापर करण्याचे आश्वासन दिले आणि भविष्यात या सुविधेमुळे येथील विद्यार्थी निश्चितच चांगले सॉफ्टवेअर इंजिनिअर होतील, अशी ग्वाही दिली. विशेष म्हणजे, मुख्याध्यापक श्री ललित मोरे यांनी जाहीर केले की या संगणक कक्षाचा लाभ वाशाळा पंचक्रोशीतील सर्वच विद्यार्थ्यांना घेता येईल. या प्रसंगी संस्थेकडून विद्यार्थ्यांना शालेय उपयोगी शैक्षणिक साहित्याचे किट वाटप करण्यात आले. कार्यक्रमास वाशाळा ग्रामपंचायतचे सरपंच श्री कृष्णा वाघ, सदस्य श्री भूषण फाळके, तसेच शालेय व्यवस्थापन समितीचे अध्यक्ष श्री राहुल भवारी, सदस्य श्री भरत भवारी, श्रीमती योगिता पेहेरे आणि ग्रामस्थ व पालक श्री किशोर भवारी, श्रीमती अंजना पाटील, श्रीमती जयश्री पाटील, श्रीमती रुपाली डगळे यांची उपस्थिती होती. या संगणक कक्षाला कार्यान्वित करण्यासाठी शिक्षक श्री विश्वास चोथे यांनी विशेष परिश्रम घेतले. तसेच, संस्थेचे समन्वयक तथा संगणक शिक्षक श्री सुरेंद्र हमरे, शिक्षक श्री आबा बागुल आणि श्री संदीप व्यवहारे यांनी हा कार्यक्रम यशस्वी करण्यासाठी विशेष योगदान दिले. कार्यक्रमाच्या समारोपात शाळेतर्फे उपस्थित सर्वांचे आभार मानून कार्यक्रमाची सांगता झाली.