காரைக்குடி தொகுதி தேவகோட்டையில் பரபரப்பு: TVK வேட்பாளர் சாலை மறியல் - தபால் வாக்கு குளறுபடி எனப் புகார்! சிவகங்கை மாவட்டம் காரைக்குடியில் தபால் வாக்குப்பதிவின் போது அதிகாரிகளின் செயல்பாட்டில் குளறுபடி நடந்ததாகக் கூறி, தமிழக வெற்றிக் கழக வேட்பாளர் டாக்டர் டி.கே. பிரபு தலைமையில் அக்கட்சியினர் சாலை மறியலில் ஈடுபட்டதால் பெரும் பரபரப்பு ஏற்பட்டது. சிவகங்கை மாவட்டம் காரைக்குடி தோழர் ஜீவானந்தம் தெரு பகுதியில் வசிக்கும் 90 வயது முதியவர் ராஜாமணி.மனைவி சீதை அம்மாள் இருவரிடம் தபால் வாக்கு பெறச் சென்ற தேர்தல் அதிகாரிகள், உறவினர்களை வெளியேற்றிவிட்டு, அவர் விருப்பத்திற்கு மாறாக மாற்றுச் சின்னத்தில் வாக்களித்ததாகப் புகார் எழுந்துள்ளது. இது குறித்து ராஜாமணியின் குடும்பத்தினர் காவல் துறை மற்றும் வட்டாட்சியரிடம் புகார் அளித்தனர். மேலும் , இது தொடர்பாக சார் ஆட்சியரைச் சந்தித்து மனு அளிக்க முயன்றபோது, அவர் நேரில் வர மறுத்ததாகக் கூறப்படுகிறது. இதைக் கண்டித்து வேட்பாளர் பிரபு தலைமையில் தொண்டர்கள் காரைக்குடி - தேவகோட்டை சாலையில் மறியலில் ஈடுபட்டனர். இதனால் ஒரு மணி நேரம் போக்குவரத்து பாதிக்கப்பட்டது. பின்னர், சம்பவ இடத்திற்கு வந்த சார் ஆட்சியர் ஆயுஷ் வெங்கட் வட்ஸ், உரிய நடவடிக்கை எடுப்பதாக உறுதியளித்ததைத் தொடர்ந்து போராட்டம் கைவிடப்பட்டது. பின் போக்குவரத்து சீரானது.

Devakottaigani news

சிவகங்கை, சிவகங்கை, தமிழ்நாடு•

20 hrs ago

காரைக்குடி தொகுதி தேவகோட்டையில் பரபரப்பு: TVK வேட்பாளர் சாலை மறியல் - தபால் வாக்கு குளறுபடி எனப் புகார்! சிவகங்கை மாவட்டம் காரைக்குடியில் தபால் வாக்குப்பதிவின் போது அதிகாரிகளின் செயல்பாட்டில் குளறுபடி நடந்ததாகக் கூறி, தமிழக வெற்றிக் கழக வேட்பாளர் டாக்டர் டி.கே. பிரபு தலைமையில் அக்கட்சியினர் சாலை மறியலில் ஈடுபட்டதால் பெரும் பரபரப்பு ஏற்பட்டது. சிவகங்கை மாவட்டம் காரைக்குடி தோழர் ஜீவானந்தம் தெரு பகுதியில் வசிக்கும் 90 வயது முதியவர் ராஜாமணி.மனைவி சீதை அம்மாள் இருவரிடம் தபால் வாக்கு பெறச் சென்ற தேர்தல் அதிகாரிகள், உறவினர்களை வெளியேற்றிவிட்டு, அவர் விருப்பத்திற்கு மாறாக மாற்றுச் சின்னத்தில் வாக்களித்ததாகப் புகார் எழுந்துள்ளது. இது குறித்து ராஜாமணியின் குடும்பத்தினர் காவல் துறை மற்றும் வட்டாட்சியரிடம் புகார் அளித்தனர். மேலும் , இது தொடர்பாக சார் ஆட்சியரைச் சந்தித்து மனு அளிக்க முயன்றபோது, அவர் நேரில் வர மறுத்ததாகக் கூறப்படுகிறது. இதைக் கண்டித்து வேட்பாளர் பிரபு தலைமையில் தொண்டர்கள் காரைக்குடி - தேவகோட்டை சாலையில் மறியலில் ஈடுபட்டனர். இதனால் ஒரு மணி நேரம் போக்குவரத்து பாதிக்கப்பட்டது. பின்னர், சம்பவ இடத்திற்கு வந்த சார் ஆட்சியர் ஆயுஷ் வெங்கட் வட்ஸ், உரிய நடவடிக்கை எடுப்பதாக உறுதியளித்ததைத் தொடர்ந்து போராட்டம் கைவிடப்பட்டது. பின் போக்குவரத்து சீரானது.