দক্ষিণ কামৰূপৰ বকোত জনপ্ৰিয় শিল্পী জুবিন গাৰ্গৰ প্ৰতিমূৰ্তি স্থাপন কৰা হৈছে। বগাই সামাজিক সাংস্কৃতিক আৰু ক্ৰীড়া সংগঠনৰ উদ্যোগত পত্নী গৰিমা শইকীয়া গাৰ্গে এই প্ৰতিমূৰ্তি উন্মোচন কৰে।

বাক্সা জিলাৰ শালবাৰীত বিপিএফৰ এখন কাৰ্যনিৰ্বাহক সভা অনুষ্ঠিত হৈছে। শালবাৰী জিলা বিপিএফৰ উদ্যোগত অনুষ্ঠিত এই সভাত দলীয় সাংগঠনিক বিষয়ত গুৰুত্বপূৰ্ণ আলোচনা কৰা হয়।

কেৰালাৰ কোচীত বৰ্তমান চাকৰিৰ খালী পদসমূহ উপলব্ধ হৈছে। এই সুযোগৰ বাবে ইচ্ছুক ব্যক্তিসকলে 7268898594 নম্বৰত যোগাযোগ কৰিব পাৰে।

মৰিগাঁও আৰক্ষীয়ে এক সফল অভিযান চলাই দীৰ্ঘদিন ধৰি সমগ্ৰ অঞ্চলটোত ধাৰাবাহিকভাৱে চুৰি কাণ্ড সংঘটিত কৰি এক আতংকময় পৰিৱেশ সৃষ্টি কৰি অহা এটা কুখ্যাত গভাইত চোৰক অৱশেষত জালত পেলায়। ধৃত চোৰটোক অজয় কুণ্ডু বুলি চিনাক্ত কৰা হৈছে। চোৰটোক আটক কৰাৰ পাছত বৰ্তমান আৰক্ষীয়ে অধিক তথ্য লাভৰ বাবে সোধা-পোছা অব্যাহত ৰাখিছে।

বঙাইগাঁওৰ অভয়াপুৰীৰ মুছলিম সমাজে এইবাৰ ঈদ-উদ-জোহাত গো-ধন কোৰবানী নকৰাৰ সিদ্ধান্ত লৈছে। জিলা প্ৰশাসনৰ আহ্বান আৰু বিভিন্ন জাতি-জনজাতিৰ মাজত সমন্বয় বজাই ৰাখিবলৈ এই পদক্ষেপ লোৱা হৈছে। গো-ধনৰ পৰিৱৰ্তে ছাগলী, উট বা ডুম্বা আদিৰ কোৰবানী কৰা হ'ব।

শোনিতপুৰৰ শিঙৰী আৰক্ষীয়ে এক সফল অভিযান চলাই ১২ টা চোৰাং গৰু উদ্ধাৰ কৰিছে। এই অভিযানত জড়িত ৫ জন লোকক আৰক্ষীয়ে আটক কৰিবলৈ সক্ষম হৈছে। অঞ্চলটোত গৰুৰ চোৰাং বেহা ৰোধ কৰাত এইটো এক বৃহৎ সফলতা।

ধুবুৰীত চোৰাং গৰুৰ বিৰুদ্ধে আৰক্ষীৰ অভিযান চলি থকাৰ মাজতে ধুবুৰী বজাৰ নগৰ আৰক্ষীয়ে পুৱতি নিশা আয়ৰনজংলা তৃতীয় খণ্ড গাঁৱৰ পৰা এক অভিযান চলাইছিল। এই অভিযানত আৰক্ষীয়ে দুটা গৰু সহ চাৰিজন চোৰক আটক কৰে। গাঁও ৰক্ষী বাহিনী আৰু স্থানীয় ৰাইজে পুৱতি নিশা দুটা গৰু চুৰি কৰি লৈ যোৱাৰ সময়তে তেওঁলোকক আটক কৰি ধুবুৰী বজাৰ নগৰ আৰক্ষী চকীত খবৰ দিয়ে। ইয়াৰ পাছতে আৰক্ষীয়ে চোৰকেইজনক আৰু গৰু দুটা থানালৈ লৈ আনে। আটক কৰা চোৰকেইজন হ’ল ছমেৰ আলী মোল্লা, ৰাজব আলী, মজিফুল মণ্ডল আৰু নুৰ হক মণ্ডল। কুৰ্বানিৰ পূৰ্বেই সংঘটিত এই ঘটনাত বৰ্তমানে এই চাৰিজনক ধুবুৰী বজাৰ নগৰ আৰক্ষী চকীত জেৰা অব্যাহত ৰখা হৈছে আৰু আৰক্ষীৰ তদন্ত চলি আছে।

কামৰূপৰ বকোৰ উকিয়াম নিবাসী ৰজনী বড়োলৈ জি এইছ আৰ পি এফ ৰিচাৰ্চ ইষ্টিটিউটৰ তৰফৰ পৰা ড° বি আৰ আম্বেদকাৰ নেচনেল এৱাৰ্ড ২০২৬ আগবঢ়োৱা হৈছে। এই বঁটা গ্ৰহণ কৰি তেওঁ জিলাখনলৈ গৌৰৱ কঢ়িয়াই আনিছে।

বঙাইগাঁৱত ফিট ইণ্ডিয়া মুভমেণ্টৰ ৭৫তম সংস্কৰণৰ অংশ হিচাপে SSB-য়ে এক বৰ্ণাঢ্য চাইকেল ৰেলীৰ আয়োজন কৰে। এই অভিযানৰ মুখ্য উদ্দেশ্য আছিল চৌহদসমূহক পৰিৱেশ-বান্ধৱ কৰি তোলা আৰু জোৱানৰ লগতে তেওঁলোকৰ পৰিয়ালৰ মাজত সুস্থ জীৱনশৈলীৰ সজাগতা বৃদ্ধি কৰা। ইয়াৰ জৰিয়তে ফিটনেছ আৰু পৰিৱেশ সংৰক্ষণৰ এক গুৰুত্বপূৰ্ণ বাৰ্তা প্ৰচাৰ কৰা হয়।

ধুবুৰী জিলাৰ গোলকগঞ্জস্থিত জগমোহন বিদ্যাপীঠত আজিৰে পৰা বিদায়ী বেষমা উৎসৱ আৰম্ভ হৈছে। ইউ জি আক্ৰাছু, চিলাৰাই সেনা, কোচ ৰাজবংশী মহিলা সমিতি আৰু স্থানীয় ৰাইজৰ সহযোগত পতাকা উত্তোলন আৰু চিলাৰায়ৰ প্ৰতিচ্ছবিত মাল্য অৰ্পণেৰে কাৰ্যসূচী আৰম্ভ কৰা হয়।