दारूच्या सावलीत बालपण; जिद्दीने गाठलं उच्च प्रशासन! भिल्ल समाजातून आयएएसपर्यंत झेप : डॉ. राजेंद्र भारूड कोल्हापूरचे नवे आयुक्त दारूच्या सावलीत बालपण; जिद्दीने गाठलं उच्च प्रशासन! भिल्ल समाजातून आयएएसपर्यंत झेप : डॉ. राजेंद्र भारूड कोल्हापूरचे नवे आयुक्त अत्यंत प्रतिकूल परिस्थितीतून संघर्ष करत उभे राहिलेले आयएएस अधिकारी डॉ राजेंद्र भारूड यांची कोल्हापूर महापालिकेच्या आयुक्तपदी नियुक्ती झाली असून, त्यांच्या प्रेरणादायी जीवनप्रवासाची सर्वत्र चर्चा सुरू आहे. कोल्हापूर शहराचे नवे आयुक्त म्हणून जबाबदारी स्वीकारणारे डॉ. भारूड हे साक्री तालुक्यातील सामोडे या आदिवासी गावातील भिल्ल समाजात जन्मले. लहानपणीच वडिलांचे निधन झाल्याने कुटुंबावर आर्थिक संकट कोसळले. उदरनिर्वाहासाठी त्यांच्या आईला मोहाची दारू तयार करण्याचा व्यवसाय करावा लागत होता. दारिद्र्य, अभाव आणि सामाजिक उपेक्षा यांच्यात त्यांचे बालपण गेले. लहानपणी दुधाऐवजी तोंडात दारूचे थेंब पडण्याइतकी बिकट परिस्थिती त्यांनी अनुभवली. थोडे मोठे झाल्यावर ते दारू पिणाऱ्यांसाठी चकना आणण्याचे कामही करत. मात्र, या साऱ्या संघर्षात त्यांच्या आईने शिक्षणाची कास कधी सोडली नाही. “माझं पोरं शिकणार,” हा तिचा विश्वास त्यांच्या आयुष्याला दिशा देणारा ठरला. जिल्हा परिषद शाळेतून शिक्षणाची सुरुवात करून त्यांनी पुढे नवोदय विद्यालयात प्रवेश मिळवला. दहावी व बारावीमध्ये उत्कृष्ट गुण मिळवत त्यांनी आपल्या बुद्धिमत्तेची छाप पाडली. त्यानंतर मुंबईतील जी एस मेडिकल कॉलेज येथे एमबीबीएससाठी प्रवेश मिळवला. आर्थिक अडचणी असूनही शिष्यवृत्तीच्या जोरावर त्यांनी वैद्यकीय शिक्षण पूर्ण केले. वैद्यकीय शिक्षण घेत असतानाच त्यांनी UPSC परीक्षेची तयारी सुरू ठेवली. अखेर एकाच वेळी एमबीबीएस आणि UPSC या दोन्ही क्षेत्रात यश मिळवत त्यांनी आयएएस अधिकारी होण्याचा मान पटकावला. अवघ्या ३१ व्या वर्षी ते भिल्ल समाजातील पहिले कलेक्टर ठरले. प्रारंभी त्यांची नियुक्ती नंदुरबार येथे कलेक्टर म्हणून झाली. आदिवासी भागातील शिक्षण, आरोग्य व पायाभूत सुविधा सुधारण्यासाठी त्यांनी विशेष कामगिरी केली. “परिस्थिती कितीही कठीण असली तरी चिकाटी आणि प्रयत्नांच्या जोरावर यश मिळवता येते,” असे ते सांगतात. आज कोल्हापूरचे आयुक्त म्हणून कार्यभार स्वीकारताना त्यांचा प्रवास विशेषतः ग्रामीण व आदिवासी भागातील विद्यार्थ्यांसाठी प्रेरणादायी ठरत आहे. डॉ. भारूड यांची ही गगनभरारी केवळ वैयक्तिक यशाची कथा नसून, ती संघर्ष, जिद्द आणि आईच्या विश्वासाची ताकद दाखवणारी प्रेरणादायी कहाणी आहे.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

दारूच्या सावलीत बालपण; जिद्दीने गाठलं उच्च प्रशासन! भिल्ल समाजातून आयएएसपर्यंत झेप : डॉ. राजेंद्र भारूड कोल्हापूरचे नवे आयुक्त दारूच्या सावलीत बालपण; जिद्दीने गाठलं उच्च प्रशासन! भिल्ल समाजातून आयएएसपर्यंत झेप : डॉ. राजेंद्र भारूड कोल्हापूरचे नवे आयुक्त अत्यंत प्रतिकूल परिस्थितीतून संघर्ष करत उभे राहिलेले आयएएस अधिकारी डॉ राजेंद्र भारूड यांची कोल्हापूर महापालिकेच्या आयुक्तपदी नियुक्ती झाली असून, त्यांच्या प्रेरणादायी जीवनप्रवासाची सर्वत्र चर्चा सुरू आहे. कोल्हापूर शहराचे नवे आयुक्त म्हणून जबाबदारी स्वीकारणारे डॉ. भारूड हे साक्री तालुक्यातील सामोडे या आदिवासी गावातील भिल्ल समाजात जन्मले. लहानपणीच वडिलांचे निधन झाल्याने कुटुंबावर आर्थिक संकट कोसळले. उदरनिर्वाहासाठी त्यांच्या आईला मोहाची दारू तयार करण्याचा व्यवसाय करावा लागत होता. दारिद्र्य, अभाव आणि सामाजिक उपेक्षा यांच्यात त्यांचे बालपण गेले. लहानपणी दुधाऐवजी तोंडात दारूचे थेंब पडण्याइतकी बिकट परिस्थिती त्यांनी अनुभवली. थोडे मोठे झाल्यावर ते दारू पिणाऱ्यांसाठी चकना आणण्याचे कामही करत. मात्र, या साऱ्या संघर्षात त्यांच्या आईने शिक्षणाची कास कधी सोडली नाही. “माझं पोरं शिकणार,” हा तिचा विश्वास त्यांच्या आयुष्याला दिशा देणारा ठरला. जिल्हा परिषद शाळेतून शिक्षणाची सुरुवात करून त्यांनी पुढे नवोदय विद्यालयात प्रवेश मिळवला. दहावी व बारावीमध्ये उत्कृष्ट गुण मिळवत त्यांनी आपल्या बुद्धिमत्तेची छाप पाडली. त्यानंतर मुंबईतील जी एस मेडिकल कॉलेज येथे एमबीबीएससाठी प्रवेश मिळवला. आर्थिक अडचणी असूनही शिष्यवृत्तीच्या जोरावर त्यांनी वैद्यकीय शिक्षण पूर्ण केले. वैद्यकीय शिक्षण घेत असतानाच त्यांनी UPSC परीक्षेची तयारी सुरू ठेवली. अखेर एकाच वेळी एमबीबीएस आणि UPSC या दोन्ही क्षेत्रात यश मिळवत त्यांनी आयएएस अधिकारी होण्याचा मान पटकावला. अवघ्या ३१ व्या वर्षी ते भिल्ल समाजातील पहिले कलेक्टर ठरले. प्रारंभी त्यांची नियुक्ती नंदुरबार येथे कलेक्टर म्हणून झाली. आदिवासी भागातील शिक्षण, आरोग्य व पायाभूत सुविधा सुधारण्यासाठी त्यांनी विशेष कामगिरी केली. “परिस्थिती कितीही कठीण असली तरी चिकाटी आणि प्रयत्नांच्या जोरावर यश मिळवता येते,” असे ते सांगतात. आज कोल्हापूरचे आयुक्त म्हणून कार्यभार स्वीकारताना त्यांचा प्रवास विशेषतः ग्रामीण व आदिवासी भागातील विद्यार्थ्यांसाठी प्रेरणादायी ठरत आहे. डॉ. भारूड यांची ही गगनभरारी केवळ वैयक्तिक यशाची कथा नसून, ती संघर्ष, जिद्द आणि आईच्या विश्वासाची ताकद दाखवणारी प्रेरणादायी कहाणी आहे.