मुखेड तालुक्यातील चांडोळा येथील शेतकरी हनिफाबी निजामोद्दीन यांच्यावर दुबार पेरणीचे मोठे संकट ओढवले आहे. त्यांनी ३० जून रोजी स्वतःच्या शेतातील गट क्र. ९२१ मधील ८० आर (दोन एकर) क्षेत्रात '३३५ सफल गोल्ड' या कंपनीचे सोयाबीन बियाणे पेरले होते. मात्र, पेरणी करून बराच कालावधी उलटूनही शेतात केवळ १० टक्के बियाणे उगवले, तर ९० टक्के बियाणे जमिनीत कुजून गेल्याने शेतकरी कुटुंबाचे मोठे आर्थिक नुकसान झाले आहे. या फसवणुकीबाबत शेख चांदपाशा निजामोद्दीन यांनी मुखेड येथील तालुका कृषी अधिकारी कार्यालय आणि संबंधित बियाणे विक्रेत्या कृषी सेवा केंद्राकडे रीतसर तक्रार दाखल केली आहे. तरीही, कृषी विभागाचे कर्मचारी नुकसानीचा पंचनामा करण्यास टाळाटाळ आणि विलंब करत आहेत. प्रशासनाच्या या बेजबाबदार कारभारामुळे शेतकरी अधिकच चिंतेत आहेत. शेख चांदपाशा निजामोद्दीन यांनी प्रशासनाला तातडीने पंचनामा करून संबंधित कंपनीकडून नुकसान भरपाई मिळवून देण्याचा इशारा दिला आहे. जर वेळेवर न्याय मिळाला नाही, तर आपण थेट ग्राहक मंचाचा दरवाजा ठोठावू, असे त्यांनी स्पष्ट केले आहे. पावसाची दडी आणि बोगस बियाणे अशा दुहेरी संकटात सापडलेल्या बळीराजाला न्याय मिळावा आणि दोषी कंपनीवर कडक कारवाई व्हावी, अशी मागणी जोर धरू लागली आहे.

Press Mukhed Bablu Mulla

मुखेड, नांदेड, महाराष्ट्र•

1 day ago

मुखेड तालुक्यातील चांडोळा येथील शेतकरी हनिफाबी निजामोद्दीन यांच्यावर दुबार पेरणीचे मोठे संकट ओढवले आहे. त्यांनी ३० जून रोजी स्वतःच्या शेतातील गट क्र. ९२१ मधील ८० आर (दोन एकर) क्षेत्रात '३३५ सफल गोल्ड' या कंपनीचे सोयाबीन बियाणे पेरले होते. मात्र, पेरणी करून बराच कालावधी उलटूनही शेतात केवळ १० टक्के बियाणे उगवले, तर ९० टक्के बियाणे जमिनीत कुजून गेल्याने शेतकरी कुटुंबाचे मोठे आर्थिक नुकसान झाले आहे. या फसवणुकीबाबत शेख चांदपाशा निजामोद्दीन यांनी मुखेड येथील तालुका कृषी अधिकारी कार्यालय आणि संबंधित बियाणे विक्रेत्या कृषी सेवा केंद्राकडे रीतसर तक्रार दाखल केली आहे. तरीही, कृषी विभागाचे कर्मचारी नुकसानीचा पंचनामा करण्यास टाळाटाळ आणि विलंब करत आहेत. प्रशासनाच्या या बेजबाबदार कारभारामुळे शेतकरी अधिकच चिंतेत आहेत. शेख चांदपाशा निजामोद्दीन यांनी प्रशासनाला तातडीने पंचनामा करून संबंधित कंपनीकडून नुकसान भरपाई मिळवून देण्याचा इशारा दिला आहे. जर वेळेवर न्याय मिळाला नाही, तर आपण थेट ग्राहक मंचाचा दरवाजा ठोठावू, असे त्यांनी स्पष्ट केले आहे. पावसाची दडी आणि बोगस बियाणे अशा दुहेरी संकटात सापडलेल्या बळीराजाला न्याय मिळावा आणि दोषी कंपनीवर कडक कारवाई व्हावी, अशी मागणी जोर धरू लागली आहे.