అంతర్జాతీయ యోగా దినోత్సవం సందర్భంగా జూన్ 21న హుస్నాబాద్‌లోని ఎల్లమ్మ చెరువు వద్ద ఘనంగా నిర్వహించిన యోగా కార్యక్రమంలో రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ పాల్గొన్నారు. ఈ సందర్భంగా మంత్రి యువత, విద్యార్థులు, వివిధ సంఘాల ప్రతినిధులు, ప్రజలతో కలిసి యోగాసనాలు చేశారు, అనంతరం యోగా దినోత్సవాన్ని పురస్కరించుకుని కేక్ కట్ చేశారు. ఈ సందర్భంగా మాట్లాడుతూ, యోగా భారతదేశం ప్రపంచానికి అందించిన గొప్ప ఆధ్యాత్మిక, ఆరోగ్య సంపద అని మంత్రి ప్రభాకర్ అన్నారు. వేల సంవత్సరాల చరిత్ర కలిగిన యోగా మన జీవన విధానంలో అంతర్భాగంగా కొనసాగుతూ వస్తోందని ఆయన పేర్కొన్నారు. శారీరక దృఢత్వం, మానసిక ప్రశాంతత, ఏకాగ్రత పెంపొందించడంలో యోగా కీలక పాత్ర పోషిస్తుందని ఆయన వివరించారు. ప్రజల్లో యోగా పట్ల మరింత అవగాహన, ప్రేరణ కల్పించే లక్ష్యంతో హుస్నాబాద్‌లో 12 సూర్య నమస్కార భంగిమలను ప్రతిబింబించే విగ్రహాలను ఏర్పాటు చేస్తున్నట్లు మంత్రి వెల్లడించారు. ఈ విగ్రహాలు యోగా ప్రాముఖ్యతను భావితరాలకు తెలియజేసేలా ఉంటాయని ఆయన చెప్పారు. ప్రస్తుత వేగవంతమైన జీవనశైలిలో ఒత్తిడి, అనారోగ్య సమస్యలు పెరుగుతున్న నేపథ్యంలో ప్రతి ఒక్కరూ యోగాను నిత్యజీవితంలో భాగంగా చేసుకోవాలని మంత్రి పిలుపునిచ్చారు. యోగ సాధనకు వయస్సుతో ఎలాంటి సంబంధం లేదని, చిన్నారుల నుంచి వృద్ధుల వరకు అందరూ యోగా చేయవచ్చని ఆయన పేర్కొన్నారు. రోజువారీ యోగా ద్వారా ఆరోగ్యవంతమైన వ్యక్తులు, ఆరోగ్యకరమైన కుటుంబాలు, సమాజం నిర్మాణం సాధ్యమవుతుందని మంత్రి పొన్నం ప్రభాకర్ అన్నారు. ‘ఆరోగ్య హుస్నాబాద్ – ఆరోగ్య తెలంగాణ – ఆరోగ్య భారత్’ లక్ష్య సాధనలో యోగా కీలక సాధనంగా నిలుస్తుందని ఆయన ఆకాంక్షించారు. ఈ కార్యక్రమంలో ప్రజాప్రతినిధులు, అధికారులు, యువకులు, మహిళలు, యోగా సాధకులు పెద్ద సంఖ్యలో పాల్గొన్నారు.

ప్రభాకర్

Farmer బెజ్జంకి, సిద్దిపేట, తెలంగాణ•

3 hrs ago

అంతర్జాతీయ యోగా దినోత్సవం సందర్భంగా జూన్ 21న హుస్నాబాద్‌లోని ఎల్లమ్మ చెరువు వద్ద ఘనంగా నిర్వహించిన యోగా కార్యక్రమంలో రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ పాల్గొన్నారు. ఈ సందర్భంగా మంత్రి యువత, విద్యార్థులు, వివిధ సంఘాల ప్రతినిధులు, ప్రజలతో కలిసి యోగాసనాలు చేశారు, అనంతరం యోగా దినోత్సవాన్ని పురస్కరించుకుని కేక్ కట్ చేశారు. ఈ సందర్భంగా మాట్లాడుతూ, యోగా భారతదేశం ప్రపంచానికి అందించిన గొప్ప ఆధ్యాత్మిక, ఆరోగ్య సంపద అని మంత్రి ప్రభాకర్ అన్నారు. వేల సంవత్సరాల చరిత్ర కలిగిన యోగా మన జీవన విధానంలో అంతర్భాగంగా కొనసాగుతూ వస్తోందని ఆయన పేర్కొన్నారు. శారీరక దృఢత్వం, మానసిక ప్రశాంతత, ఏకాగ్రత పెంపొందించడంలో యోగా కీలక పాత్ర పోషిస్తుందని ఆయన వివరించారు. ప్రజల్లో యోగా పట్ల మరింత అవగాహన, ప్రేరణ కల్పించే లక్ష్యంతో హుస్నాబాద్‌లో 12

సూర్య నమస్కార భంగిమలను ప్రతిబింబించే విగ్రహాలను ఏర్పాటు చేస్తున్నట్లు మంత్రి వెల్లడించారు. ఈ విగ్రహాలు యోగా ప్రాముఖ్యతను భావితరాలకు తెలియజేసేలా ఉంటాయని ఆయన చెప్పారు. ప్రస్తుత వేగవంతమైన జీవనశైలిలో ఒత్తిడి, అనారోగ్య సమస్యలు పెరుగుతున్న నేపథ్యంలో ప్రతి ఒక్కరూ యోగాను నిత్యజీవితంలో భాగంగా చేసుకోవాలని మంత్రి పిలుపునిచ్చారు. యోగ సాధనకు వయస్సుతో ఎలాంటి సంబంధం లేదని, చిన్నారుల నుంచి వృద్ధుల వరకు అందరూ యోగా చేయవచ్చని ఆయన పేర్కొన్నారు. రోజువారీ యోగా ద్వారా ఆరోగ్యవంతమైన వ్యక్తులు, ఆరోగ్యకరమైన కుటుంబాలు, సమాజం నిర్మాణం సాధ్యమవుతుందని మంత్రి పొన్నం ప్రభాకర్ అన్నారు. ‘ఆరోగ్య హుస్నాబాద్ – ఆరోగ్య తెలంగాణ – ఆరోగ్య భారత్’ లక్ష్య సాధనలో యోగా కీలక సాధనంగా నిలుస్తుందని ఆయన ఆకాంక్షించారు. ఈ కార్యక్రమంలో ప్రజాప్రతినిధులు, అధికారులు, యువకులు, మహిళలు, యోగా సాధకులు పెద్ద సంఖ్యలో పాల్గొన్నారు.