চতিয়াৰ বিশিষ্ট সাংস্কৃতিক কৰ্মী মহানন্দ শ‌ইকীয়াৰ মৃত্যু। চতিয়া কছাৰীগাঁওৰ অন্যতম বিশিষ্ট সাংস্কৃতিক ব্যক্তিত্ব, সমাজ সংগঠক তথা বিশিষ্ট নাট্যকাৰ মহানন্দ শইকীয়াৰ (৮১ ) নিজ বাসগৃহত কালি আকস্মিক দেহাৱসান ঘটে। তেখেত চতিয়াৰ ইতিহাসৰ অনন্য সংগীত সাধক ‘গানমাষ্টৰ’ স্বৰ্গীয় গোলোক শইকীয়াৰ সুযোগ্য সন্তান আছিল। মহানন্দ শইকীয়া আছিল কছাৰীগাঁও অঞ্চলৰ সাংস্কৃতিক জগতখনৰ এক প্ৰেৰণাদায়ী নাম। বিশেষকৈ গাঁওখনৰ ঐতিহাসিক ৰাস মহোৎসৱ আৰু ভাওনা সংস্কৃতিালৈ তেখেতৰ অনবদ্য অৱদান চিৰযুগমীয়া হৈ ৰ’ব। ৰাস উৎসৱত ‘গোপী’ৰ চৰিত্ৰত অভিনয় কৰি তেখেতে পৰিৱেশন কৰা মনপৰশা ‘দিহানাম’ আৰু গীত-মাতে সমগ্ৰ গাঁওখনকে সদায় মুখৰিত আৰু সুৰীয়া কৰি ৰাখিছিল।সংস্কৃতিৰ উপৰিও তেখেতে সামাজিক ক্ষেত্রতো সক্ৰিয় ভূমিকা পালন কৰিছিল। ৩ নং চতিয়া পঞ্চায়তৰ সম্পাদক হিচাপে সফলতাৰে কাৰ্যনিৰ্বাহ কৰি অৱসৰ গ্ৰহণ কৰা শইকীয়াৰ পাৰদৰ্শিতা দেখি সেই সময়ৰ অফিচাৰ সকলেও তেওঁক সমীহ কৰি চলিছিল৷তেখেত এগৰাকী সফল নাট্যকাৰো আছিল। ১৯৭৩ চনৰ পৰাই তেখেতে প্রতীকধৰ্মী নাটক ৰচনাৰে নিজৰ নাট্যযাত্ৰা অব্যাহত ৰাখিছিল। তেখেতে ৰচনা কৰা উল্লেখযোগ্য নাটকসমূহৰ ভিতৰত ‘ইন্টাৰভিউ’, ‘সভানেত্ৰী’, ‘ল’ৰাৰজা’ আদি অন্যতম। উল্লেখ্য যে, তেখেতৰ নাটকসমূহত বিশিষ্ট নাট্য পৰিচালক অভিনেতা ভৱানী ভূঞা আৰু ড° অঞ্জন কুমাৰ ওজাৰ দৰে গুণী শিল্পীয়ে বিভিন্ন সময়ত অভিনয় কৰিছিল। তেখেতৰ অকাল বিয়োগত সমগ্ৰ চতিয়া অঞ্চলৰ লগতে সাংস্কৃতিক জগতখনত গভীৰ শোকৰ ছাঁ পৰিছে। তেখেতৰ মৃত্যু ত নদুৱাৰৰ বিধায়ক পদ্ম হাজৰিকা;চতিয়া পৌৰ সভাৰ পৌৰপতি দিপশিখা সন্দিকৈ;৩ নং চতিয়া গাওঁ পঞ্চায়তৰ সভাপতি উদয় শংকৰ শইকীয়া;কছৰী গাওঁ গাও সংগঠন;যুৱক সংঘকে ধৰি বহু গুনমুগ্ধই শ্ৰদ্ধাঞ্জলি জ্ঞাপন কৰে আৰু তেখেতৰ বিদেহ আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়লবৰ্গলৈ সমবেদনা জ্ঞাপন কৰে।মৃত্যুৰ সময়ত তেখেতে পত্নী দুই পুত্ৰ -জীয়ৰী আৰু নাতি-নাতিনী এৰি থৈ যায়৷

অঞ্জন শ‌ইকীয়া

না-দুৱাৰ, বিশ্বনাথ, অসম•

1 day ago

চতিয়াৰ বিশিষ্ট সাংস্কৃতিক কৰ্মী মহানন্দ শ‌ইকীয়াৰ মৃত্যু। চতিয়া কছাৰীগাঁওৰ অন্যতম বিশিষ্ট সাংস্কৃতিক ব্যক্তিত্ব, সমাজ সংগঠক তথা বিশিষ্ট নাট্যকাৰ মহানন্দ শইকীয়াৰ (৮১ ) নিজ বাসগৃহত কালি আকস্মিক দেহাৱসান ঘটে। তেখেত চতিয়াৰ ইতিহাসৰ অনন্য সংগীত সাধক ‘গানমাষ্টৰ’ স্বৰ্গীয় গোলোক শইকীয়াৰ সুযোগ্য সন্তান আছিল। মহানন্দ শইকীয়া আছিল কছাৰীগাঁও অঞ্চলৰ সাংস্কৃতিক জগতখনৰ এক প্ৰেৰণাদায়ী নাম। বিশেষকৈ গাঁওখনৰ ঐতিহাসিক ৰাস মহোৎসৱ আৰু ভাওনা সংস্কৃতিালৈ তেখেতৰ অনবদ্য অৱদান চিৰযুগমীয়া হৈ ৰ’ব। ৰাস উৎসৱত ‘গোপী’ৰ চৰিত্ৰত অভিনয় কৰি তেখেতে পৰিৱেশন কৰা মনপৰশা ‘দিহানাম’ আৰু গীত-মাতে সমগ্ৰ গাঁওখনকে সদায় মুখৰিত আৰু সুৰীয়া কৰি ৰাখিছিল।সংস্কৃতিৰ উপৰিও তেখেতে সামাজিক ক্ষেত্রতো সক্ৰিয় ভূমিকা পালন কৰিছিল। ৩ নং চতিয়া পঞ্চায়তৰ সম্পাদক হিচাপে সফলতাৰে কাৰ্যনিৰ্বাহ কৰি অৱসৰ গ্ৰহণ কৰা শইকীয়াৰ পাৰদৰ্শিতা দেখি সেই সময়ৰ অফিচাৰ সকলেও তেওঁক সমীহ কৰি চলিছিল৷তেখেত এগৰাকী সফল নাট্যকাৰো আছিল। ১৯৭৩ চনৰ পৰাই তেখেতে প্রতীকধৰ্মী নাটক ৰচনাৰে নিজৰ নাট্যযাত্ৰা অব্যাহত ৰাখিছিল। তেখেতে ৰচনা কৰা উল্লেখযোগ্য নাটকসমূহৰ ভিতৰত ‘ইন্টাৰভিউ’, ‘সভানেত্ৰী’, ‘ল’ৰাৰজা’ আদি অন্যতম। উল্লেখ্য যে, তেখেতৰ নাটকসমূহত বিশিষ্ট নাট্য পৰিচালক অভিনেতা ভৱানী ভূঞা আৰু ড° অঞ্জন কুমাৰ ওজাৰ দৰে গুণী শিল্পীয়ে বিভিন্ন সময়ত অভিনয় কৰিছিল। তেখেতৰ অকাল বিয়োগত সমগ্ৰ চতিয়া অঞ্চলৰ লগতে সাংস্কৃতিক জগতখনত গভীৰ শোকৰ ছাঁ পৰিছে। তেখেতৰ মৃত্যু ত নদুৱাৰৰ বিধায়ক পদ্ম হাজৰিকা;চতিয়া পৌৰ সভাৰ পৌৰপতি দিপশিখা সন্দিকৈ;৩ নং চতিয়া গাওঁ পঞ্চায়তৰ সভাপতি উদয় শংকৰ শইকীয়া;কছৰী গাওঁ গাও সংগঠন;যুৱক সংঘকে ধৰি বহু গুনমুগ্ধই শ্ৰদ্ধাঞ্জলি জ্ঞাপন কৰে আৰু তেখেতৰ বিদেহ আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়লবৰ্গলৈ সমবেদনা জ্ঞাপন কৰে।মৃত্যুৰ সময়ত তেখেতে পত্নী দুই পুত্ৰ -জীয়ৰী আৰু নাতি-নাতিনী এৰি থৈ যায়৷