खरीप २०२६-२७ साठी राज्य सज्ज; १४५.२० लाख हेक्टर पेरणीचे लक्ष्य... पर्जन्यमान ९२% राहण्याचा अंदाज; ‘एल निनो’च्या पार्श्वभूमीवर विशेष उपाययोजना पुणे : प्रतिनिधी आगामी खरीप हंगाम २०२६-२७ यशस्वी करण्यासाठी राज्य शासनाने व्यापक नियोजन केले असून सुमारे १४५.२० लाख हेक्टर क्षेत्रावर पेरणीचे उद्दिष्ट निश्चित करण्यात आले आहे. सोयाबीन, भात, मका, तूर, उडीद, कापूस आणि ऊस या प्रमुख पिकांचा यात समावेश आहे. राज्याचे कृषी मंत्री दत्तात्रय भरणे यांनी पुण्यात झालेल्या राज्यस्तरीय कार्यशाळेनंतर ही माहिती दिली. शिवाजीनगर परिसरातील सारथी संस्थेच्या नव्या सभागृहात खरीप हंगाम नियोजनाबाबत ही महत्त्वाची बैठक पार पडली. या कार्यशाळेत कृषी विभागाच्या पूर्वतयारीचा सविस्तर आढावा घेण्यात आला. विविध विभागांचे अधिकारी, कृषी तज्ज्ञ आणि संशोधक मोठ्या संख्येने उपस्थित होते. यंदाच्या हंगामात पावसाचे प्रमाण दीर्घकालीन सरासरीच्या सुमारे ९२ टक्के राहण्याचा अंदाज भारतीय हवामान खात्याने व्यक्त केला आहे. मात्र ‘एल निनो’च्या प्रभावामुळे पावसात अनियमितता आणि काही भागात दुष्काळसदृश परिस्थिती निर्माण होण्याची शक्यता वर्तवण्यात आली आहे. या पार्श्वभूमीवर कृषी विभागाने हवामान बदलाशी सुसंगत तंत्रज्ञानाचा वापर वाढवण्यावर भर दिला आहे. शेतकऱ्यांना आवश्यक असलेली बियाणे आणि खते वेळेत उपलब्ध व्हावीत, यासाठीही शासनाने ठोस पावले उचलली आहेत. यावर्षी सुमारे २०.१७ लाख क्विंटल बियाण्यांची गरज असून २८.०५ लाख क्विंटल बियाणे उपलब्ध असल्याची माहिती देण्यात आली. खतांच्या बाबतीतही ४८.८० लाख मेट्रिक टन वाटप मंजूर झाले असून आतापर्यंत २५.१७ लाख मेट्रिक टन साठा उपलब्ध आहे. त्यामुळे टंचाईची शक्यता नसल्याचा विश्वास कृषी मंत्र्यांनी व्यक्त केला. हवामानातील बदल लक्षात घेऊन शेतकऱ्यांना विविध पर्याय सुचविण्यात आले आहेत. यामध्ये हवामान प्रतिरोधक बियाण्यांचा वापर, उताराला आडवी पेरणी, बीबीएफ तंत्रज्ञान, शेततळ्यांची निर्मिती, मल्चिंग आणि सूक्ष्म सिंचन पद्धतींचा अवलंब यांचा समावेश आहे. ‘महाकृषि’ अॅपसह विविध डिजिटल माध्यमांतून शेतकऱ्यांपर्यंत माहिती पोहोचवण्याचे काम सुरू असल्याचेही सांगण्यात आले. दरम्यान, राज्य शासनाने शेतकऱ्यांना दिलासा देण्यासाठी महत्त्वपूर्ण निर्णय घेतले आहेत. मुख्यमंत्री देवेंद्र फडणवीस यांनी जाहीर केलेल्या कर्जमाफी योजनेची अंमलबजावणी अंतिम टप्प्यात असून ३० जूनपर्यंत ती पूर्ण होण्याची शक्यता आहे. यासंदर्भात पात्र शेतकऱ्यांची माहिती संकलित करण्याचे काम सुरू आहे. नैसर्गिक आपत्तीमुळे मागील काळात मोठ्या प्रमाणावर पिकांचे नुकसान झाले आहे. फेब्रुवारी २०२५ पासून १३६ लाखांहून अधिक शेतकऱ्यांच्या १०५ लाख हेक्टर क्षेत्रावर परिणाम झाला असून त्यासाठी २० हजार कोटी रुपयांहून अधिक मदत मंजूर करण्यात आली आहे. अलीकडील अवकाळी पावसामुळेही नुकसान झाले असून त्याचे पंचनामे सुरू आहेत. पत्रकार परिषदेदरम्यान कर्जमाफीसंदर्भातील प्रश्नांवर कृषी मंत्र्यांनी थेट संबंधित बँक अधिकाऱ्यांशी संपर्क साधत माहिती स्पष्ट केली. त्यामुळे उपस्थित पत्रकारांच्या शंकांचे निरसन झाले. एकूणच, हवामानातील अनिश्चितता आणि मागील नुकसानीच्या पार्श्वभूमीवरही राज्य शासनाने व्यापक तयारी करत खरीप हंगाम यशस्वी करण्याचा निर्धार व्यक्त केला आहे.

NEWS 24 MAHARASHTRA

Media house पिंपरी चिंचवड, पुणे, महाराष्ट्र•

11 hrs ago

खरीप २०२६-२७ साठी राज्य सज्ज; १४५.२० लाख हेक्टर पेरणीचे लक्ष्य... पर्जन्यमान ९२% राहण्याचा अंदाज; ‘एल निनो’च्या पार्श्वभूमीवर विशेष उपाययोजना पुणे : प्रतिनिधी आगामी खरीप हंगाम २०२६-२७ यशस्वी करण्यासाठी राज्य शासनाने व्यापक नियोजन केले असून सुमारे १४५.२० लाख हेक्टर क्षेत्रावर पेरणीचे उद्दिष्ट निश्चित करण्यात आले आहे. सोयाबीन, भात, मका, तूर, उडीद, कापूस आणि ऊस या प्रमुख पिकांचा यात समावेश आहे. राज्याचे कृषी मंत्री दत्तात्रय भरणे यांनी पुण्यात झालेल्या राज्यस्तरीय कार्यशाळेनंतर ही माहिती दिली. शिवाजीनगर परिसरातील सारथी संस्थेच्या नव्या सभागृहात खरीप हंगाम नियोजनाबाबत ही महत्त्वाची बैठक पार पडली. या कार्यशाळेत कृषी विभागाच्या पूर्वतयारीचा सविस्तर आढावा घेण्यात आला. विविध विभागांचे अधिकारी, कृषी तज्ज्ञ आणि संशोधक मोठ्या संख्येने उपस्थित होते. यंदाच्या हंगामात पावसाचे प्रमाण दीर्घकालीन सरासरीच्या सुमारे ९२ टक्के राहण्याचा अंदाज भारतीय हवामान खात्याने व्यक्त केला आहे. मात्र ‘एल निनो’च्या प्रभावामुळे पावसात अनियमितता आणि काही भागात दुष्काळसदृश परिस्थिती निर्माण होण्याची शक्यता वर्तवण्यात आली आहे. या पार्श्वभूमीवर कृषी विभागाने हवामान बदलाशी सुसंगत तंत्रज्ञानाचा वापर वाढवण्यावर भर दिला आहे. शेतकऱ्यांना आवश्यक असलेली बियाणे आणि खते वेळेत उपलब्ध व्हावीत, यासाठीही शासनाने ठोस पावले उचलली आहेत. यावर्षी सुमारे २०.१७ लाख क्विंटल बियाण्यांची गरज असून २८.०५ लाख क्विंटल बियाणे उपलब्ध असल्याची माहिती देण्यात आली. खतांच्या बाबतीतही ४८.८० लाख मेट्रिक टन वाटप मंजूर झाले असून आतापर्यंत २५.१७ लाख मेट्रिक टन साठा उपलब्ध आहे. त्यामुळे टंचाईची शक्यता नसल्याचा विश्वास कृषी मंत्र्यांनी व्यक्त केला. हवामानातील बदल लक्षात घेऊन शेतकऱ्यांना विविध पर्याय सुचविण्यात आले आहेत. यामध्ये हवामान प्रतिरोधक बियाण्यांचा वापर, उताराला आडवी पेरणी, बीबीएफ तंत्रज्ञान, शेततळ्यांची निर्मिती, मल्चिंग आणि सूक्ष्म सिंचन पद्धतींचा अवलंब यांचा समावेश आहे. ‘महाकृषि’ अॅपसह विविध डिजिटल माध्यमांतून शेतकऱ्यांपर्यंत माहिती पोहोचवण्याचे काम सुरू असल्याचेही सांगण्यात आले. दरम्यान, राज्य शासनाने शेतकऱ्यांना दिलासा देण्यासाठी महत्त्वपूर्ण निर्णय घेतले आहेत. मुख्यमंत्री देवेंद्र फडणवीस यांनी जाहीर केलेल्या कर्जमाफी योजनेची अंमलबजावणी अंतिम टप्प्यात असून ३० जूनपर्यंत ती पूर्ण होण्याची शक्यता आहे. यासंदर्भात पात्र शेतकऱ्यांची माहिती संकलित करण्याचे काम सुरू आहे. नैसर्गिक आपत्तीमुळे मागील काळात मोठ्या प्रमाणावर पिकांचे नुकसान झाले आहे. फेब्रुवारी २०२५ पासून १३६ लाखांहून अधिक शेतकऱ्यांच्या १०५ लाख हेक्टर क्षेत्रावर परिणाम झाला असून त्यासाठी २० हजार कोटी रुपयांहून अधिक मदत मंजूर करण्यात आली आहे. अलीकडील अवकाळी पावसामुळेही नुकसान झाले असून त्याचे पंचनामे सुरू आहेत. पत्रकार परिषदेदरम्यान कर्जमाफीसंदर्भातील प्रश्नांवर कृषी मंत्र्यांनी थेट संबंधित बँक अधिकाऱ्यांशी संपर्क साधत माहिती स्पष्ट केली. त्यामुळे उपस्थित पत्रकारांच्या शंकांचे निरसन झाले. एकूणच, हवामानातील अनिश्चितता आणि मागील नुकसानीच्या पार्श्वभूमीवरही राज्य शासनाने व्यापक तयारी करत खरीप हंगाम यशस्वी करण्याचा निर्धार व्यक्त केला आहे.