कामगार दिनाच्या निमित्ताने महावितरणच्या 48 गुणवंत कामगारांचा जाहीर सत्कार करून गौरव करण्यात आला कामगार दिनानिमित्त महावितरणच्या ४८ गुणवंत कामगारांचा गौरव लातूर (प्रतिनिधी) : महाराष्ट्र राज्याच्या ६७ व्या स्थापना दिनानिमित्त महावितरणच्या परिमंडल कार्यालयात राष्ट्रध्वज वंदनाचा कार्यक्रम उत्साहात पार पडला. यावेळी कामगार दिनानिमित्त आयोजित गुणवंत कामगार गौरव समारंभात ४८ तांत्रिक कामगारांचा सन्मान करण्यात आला. मुख्य अभियंता अरविंद बुलबुले यांच्या हस्ते ७ यंत्रचालक व ४१ तंत्रज्ञ कामगारांना सन्मानचिन्ह व प्रमाणपत्र देऊन गौरविण्यात आले. या प्रसंगी उपमुख्य औद्योगिक संबंध अधिकारी महेंद्र चुनारकर, सहाय्यक विधी अधिकारी श्रीकांत चेडे, उपव्यवस्थापक मासं प्रिया शितोळे, सहाय्यक अभियंता सुदर्शन बोळेगावे, निम्नस्तर लिपिक अमीत नाचणे तसेच स्वाभिमानी संघटनेचे प्रशांत खंडागळे उपस्थित होते. गौरव सोहळ्यात उल्लेखनीय वीजसेवा देत ग्राहकांमध्ये महावितरणची सकारात्मक प्रतिमा निर्माण करणाऱ्या कर्मचाऱ्यांचा विशेष सन्मान करण्यात आला. यामध्ये लातूर जिल्ह्यातील २०, बीड जिल्ह्यातील १५ तर धाराशीव जिल्ह्यातील १३ कामगारांचा समावेश होता. यावेळी मार्गदर्शन करताना मुख्य अभियंता अरविंद बुलबुले यांनी सांगितले की, बदलत्या वीजसेवा क्षेत्रात ग्राहकाभिमुख सेवा देणे अत्यंत महत्त्वाचे आहे. अपघातमुक्त व सुरक्षित सेवा देण्यासाठी सतर्क राहून काम करणे आवश्यक असून, वीजयंत्रणेच्या देखभाल-दुरुस्तीदरम्यान सुरक्षेचे नियम काटेकोरपणे पाळावेत, असे त्यांनी सांगितले. तसेच महसूल वाढीसाठी वीजबिल वसुलीचे कार्यही तितक्याच जबाबदारीने पार पाडावे, असेही त्यांनी नमूद केले. कार्यक्रमाचे प्रास्ताविक महेंद्र चुनारकर यांनी केले. सूत्रसंचालन सिद्धार्थ कुसभागे यांनी केले तर आभार प्रदर्शन यशोदा पालकर यांनी मानले.

Laxman Ugile

उदगीर, लातूर, महाराष्ट्र•

16 hrs ago

कामगार दिनाच्या निमित्ताने महावितरणच्या 48 गुणवंत कामगारांचा जाहीर सत्कार करून गौरव करण्यात आला कामगार दिनानिमित्त महावितरणच्या ४८ गुणवंत कामगारांचा गौरव लातूर (प्रतिनिधी) : महाराष्ट्र राज्याच्या ६७ व्या स्थापना दिनानिमित्त महावितरणच्या परिमंडल कार्यालयात राष्ट्रध्वज वंदनाचा कार्यक्रम उत्साहात पार पडला. यावेळी कामगार दिनानिमित्त आयोजित गुणवंत कामगार गौरव समारंभात ४८ तांत्रिक कामगारांचा सन्मान करण्यात आला. मुख्य अभियंता अरविंद बुलबुले यांच्या हस्ते ७ यंत्रचालक व ४१ तंत्रज्ञ कामगारांना सन्मानचिन्ह व प्रमाणपत्र देऊन गौरविण्यात आले. या प्रसंगी उपमुख्य औद्योगिक संबंध अधिकारी महेंद्र चुनारकर, सहाय्यक विधी अधिकारी श्रीकांत चेडे, उपव्यवस्थापक मासं प्रिया शितोळे, सहाय्यक अभियंता सुदर्शन बोळेगावे, निम्नस्तर लिपिक अमीत नाचणे तसेच स्वाभिमानी संघटनेचे प्रशांत खंडागळे उपस्थित होते. गौरव सोहळ्यात उल्लेखनीय वीजसेवा देत ग्राहकांमध्ये महावितरणची सकारात्मक प्रतिमा निर्माण करणाऱ्या कर्मचाऱ्यांचा विशेष सन्मान करण्यात आला. यामध्ये लातूर जिल्ह्यातील २०, बीड जिल्ह्यातील १५ तर धाराशीव जिल्ह्यातील १३ कामगारांचा समावेश होता. यावेळी मार्गदर्शन करताना मुख्य अभियंता अरविंद बुलबुले यांनी सांगितले की, बदलत्या वीजसेवा क्षेत्रात ग्राहकाभिमुख सेवा देणे अत्यंत महत्त्वाचे आहे. अपघातमुक्त व सुरक्षित सेवा देण्यासाठी सतर्क राहून काम करणे आवश्यक असून, वीजयंत्रणेच्या देखभाल-दुरुस्तीदरम्यान सुरक्षेचे नियम काटेकोरपणे पाळावेत, असे त्यांनी सांगितले. तसेच महसूल वाढीसाठी वीजबिल वसुलीचे कार्यही तितक्याच जबाबदारीने पार पाडावे, असेही त्यांनी नमूद केले. कार्यक्रमाचे प्रास्ताविक महेंद्र चुनारकर यांनी केले. सूत्रसंचालन सिद्धार्थ कुसभागे यांनी केले तर आभार प्रदर्शन यशोदा पालकर यांनी मानले.