ಚಳ್ಳಕೆರೆ ನಗರದ ಪಾವಗಡ ರಸ್ತೆ ಮಾರ್ಗದಲ್ಲಿ ಗೊಬ್ಬರ, ಬಿತ್ತನೆ ಬೀಜ ಮತ್ತು ಔಷಧಿ ಮಾರಾಟದ ಅಂಗಡಿಗಳಿಗೆ ಭೇಟಿ ನೀಡಿದ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಡಾ.ಎಸ್.ಟಿ. ರಮೇಶ್ ಅವರು, ರೈತರ ವಿಶ್ವಾಸ ಉಳಿಸಿಕೊಳ್ಳುವ ರೀತಿಯಲ್ಲಿ ಉತ್ತಮ ಗುಣಮಟ್ಟದ ಗೊಬ್ಬರ ಮತ್ತು ಬೀಜ ಮಾರಾಟ ಮಾಡುವಂತೆ ಸೂಚಿಸಿದರು. ತಾಲೂಕಿನಲ್ಲಿ ಇಲಾಖೆಯಿಂದ 115 ಅಂಗಡಿಗಳು ಪರವಾನಗಿ ಪಡೆದಿವೆ ಎಂದು ಅವರು ಮಾಹಿತಿ ನೀಡಿದರು. ಮಾರಾಟಗಾರರು ಗೊಬ್ಬರ, ಬೀಜ ಮತ್ತು ಔಷಧಿ ಮಾರಾಟ ಮಾಡಲು ಇಲಾಖೆಯಿಂದ ಪಡೆದ ಪರವಾನಗಿ ಪತ್ರ ಹಾಗೂ ಬೀಜಗಳ ದರಪಟ್ಟಿಯನ್ನು ಸಾರ್ವಜನಿಕವಾಗಿ ಪ್ರಕಟಿಸಬೇಕು. ರೈತರು ಖರೀದಿಸುವ ಉತ್ಪನ್ನಗಳಿಗೆ ಅಧಿಕೃತ ಜಿಎಸ್‌ಟಿ ಬಿಲ್ ನೀಡಬೇಕು ಮತ್ತು ಖರೀದಿ ರಸೀದಿಯಲ್ಲಿ ರೈತರ ಸಹಿ ಪಡೆದುಕೊಳ್ಳಬೇಕು ಎಂದು ನಿರ್ದೇಶಕರು ತಾಕೀತು ಮಾಡಿದರು. ಅಲ್ಲದೆ, ಸರ್ಕಾರ ನಿಗದಿಪಡಿಸಿದ ಎಂಆರ್‌ಪಿ ಬೆಲೆಯಲ್ಲಿಯೇ ಮಾರಾಟ ಮಾಡಬೇಕು ಹಾಗೂ ಗೊಬ್ಬರ, ಬಿತ್ತನೆ ಬೀಜ ಮತ್ತು ಔಷಧಿಗಳ ದರ ಹಾಗೂ ಅಂಗಡಿಯಲ್ಲಿನ ದಾಸ್ತಾನು ಪ್ರಮಾಣವನ್ನು ಪ್ರತಿದಿನ ಪ್ರಕಟಣೆ ಫಲಕದಲ್ಲಿ ಬರೆಯಬೇಕು ಎಂದರು. ತಾಲೂಕಿಗೆ ಬೇಕಾಗುವಷ್ಟು ಯೂರಿಯಾ ಸರಬರಾಜು ಇದ್ದು, ರೈತರು ಆತಂಕ ಪಡುವ ಅಗತ್ಯವಿಲ್ಲ. ಕೃಷಿ ಬೆಳೆಗಳಿಗೆ ರಾಸಾಯನಿಕ ಡಿಎಪಿ ಬಳಕೆ ಬದಲು ನ್ಯಾನೋ ಬಳಸಲು ರೈತರು ಆಸಕ್ತಿ ಬೆಳೆಸಿಕೊಳ್ಳಬೇಕೆಂದು ಅವರು ಸಲಹೆ ನೀಡಿದರು. ಪ್ರಸ್ತುತ ಮುಂಗಾರು ಶೇಂಗಾ ಬಿತ್ತನೆಗೆ ಇಲಾಖೆಯಿಂದ ನಿಗದಿತ ಗುರಿಯಂತೆ ದಾಸ್ತಾನು ಮಾಡಿಕೊಂಡು ರೈತರಿಗೆ ವಿತರಿಸಲಾಗುತ್ತಿದೆ. ಆರಂಭದಲ್ಲಿ ಸರ್ಕಾರ ಒಂದು ಕ್ವಿಂಟಲ್‌ಗೆ 11,300 ರೂ. ದರ ನಿಗದಿಪಡಿಸಿತ್ತು. ರೈತರಿಗೆ ಇದು ದುಬಾರಿ ಬೆಲೆಯಾಗಿದ್ದರಿಂದ, ಕ್ಷೇತ್ರದ ಶಾಸಕ ರಘುಮೂರ್ತಿ ಅವರು ಸರ್ಕಾರದ ಹಂತದಲ್ಲಿ ಪ್ರಸ್ತಾಪಿಸಿದ್ದ ಹಿನ್ನೆಲೆಯಲ್ಲಿ ಒಂದು ಕ್ವಿಂಟಲ್‌ಗೆ 500 ರೂ. ಕಡಿಮೆ ಮಾಡಲಾಗಿದೆ. ಈಗ ಎಸ್‌ಸಿ, ಎಸ್‌ಟಿ ರೈತರಿಗೆ 2,100 ರೂ. ಸಬ್ಸಿಡಿ ಕಳೆದು 8,700 ರೂ.ಗೆ, ಹಾಗೂ ಸಾಮಾನ್ಯ ವರ್ಗದ ರೈತರಿಗೆ 1,400 ರೂ. ಸಬ್ಸಿಡಿ ಕಳೆದು 9,400 ರೂ.ಗೆ ಒಂದು ಕ್ವಿಂಟಲ್ ಬಿತ್ತನೆ ಶೇಂಗಾ ವಿತರಿಸಲಾಗುತ್ತದೆ. ತಾಲೂಕಿನ ಎಲ್ಲಾ ರೈತರ ಅನುಕೂಲಕ್ಕಾಗಿ ಚಳ್ಳಕೆರೆ ನಗರದ ಎಪಿಎಂಸಿ ಮಳಿಗೆಯಲ್ಲಿ ಮತ್ತು ತಳಕು, ನಾಯಕನಹಟ್ಟಿ ಹಾಗೂ ಪರಶುರಾಮಪುರ ಹೋಬಳಿ ಕೇಂದ್ರಗಳ ಕೃಷಿ ಇಲಾಖೆಗಳಲ್ಲಿ ಶೇಂಗಾ ಬೀಜ ವಿತರಣೆಗೆ ಕ್ರಮ ವಹಿಸಲಾಗಿದೆ ಎಂದು ಡಾ. ರಮೇಶ್ ಮಾಹಿತಿ ನೀಡಿದರು.

Suresh Belagere

Video Creator ಚಿತ್ರದುರ್ಗ, ಚಿತ್ರದುರ್ಗ, ಕರ್ನಾಟಕ•

2 hrs ago

ಚಳ್ಳಕೆರೆ ನಗರದ ಪಾವಗಡ ರಸ್ತೆ ಮಾರ್ಗದಲ್ಲಿ ಗೊಬ್ಬರ, ಬಿತ್ತನೆ ಬೀಜ ಮತ್ತು ಔಷಧಿ ಮಾರಾಟದ ಅಂಗಡಿಗಳಿಗೆ ಭೇಟಿ ನೀಡಿದ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಡಾ.ಎಸ್.ಟಿ. ರಮೇಶ್ ಅವರು, ರೈತರ ವಿಶ್ವಾಸ ಉಳಿಸಿಕೊಳ್ಳುವ ರೀತಿಯಲ್ಲಿ ಉತ್ತಮ ಗುಣಮಟ್ಟದ ಗೊಬ್ಬರ ಮತ್ತು ಬೀಜ ಮಾರಾಟ ಮಾಡುವಂತೆ ಸೂಚಿಸಿದರು. ತಾಲೂಕಿನಲ್ಲಿ ಇಲಾಖೆಯಿಂದ 115 ಅಂಗಡಿಗಳು ಪರವಾನಗಿ ಪಡೆದಿವೆ ಎಂದು ಅವರು ಮಾಹಿತಿ ನೀಡಿದರು. ಮಾರಾಟಗಾರರು ಗೊಬ್ಬರ, ಬೀಜ ಮತ್ತು ಔಷಧಿ ಮಾರಾಟ ಮಾಡಲು ಇಲಾಖೆಯಿಂದ ಪಡೆದ ಪರವಾನಗಿ ಪತ್ರ ಹಾಗೂ ಬೀಜಗಳ ದರಪಟ್ಟಿಯನ್ನು ಸಾರ್ವಜನಿಕವಾಗಿ ಪ್ರಕಟಿಸಬೇಕು. ರೈತರು ಖರೀದಿಸುವ ಉತ್ಪನ್ನಗಳಿಗೆ ಅಧಿಕೃತ ಜಿಎಸ್‌ಟಿ ಬಿಲ್ ನೀಡಬೇಕು ಮತ್ತು ಖರೀದಿ ರಸೀದಿಯಲ್ಲಿ ರೈತರ ಸಹಿ ಪಡೆದುಕೊಳ್ಳಬೇಕು ಎಂದು ನಿರ್ದೇಶಕರು ತಾಕೀತು ಮಾಡಿದರು. ಅಲ್ಲದೆ, ಸರ್ಕಾರ ನಿಗದಿಪಡಿಸಿದ ಎಂಆರ್‌ಪಿ ಬೆಲೆಯಲ್ಲಿಯೇ ಮಾರಾಟ ಮಾಡಬೇಕು ಹಾಗೂ ಗೊಬ್ಬರ, ಬಿತ್ತನೆ ಬೀಜ ಮತ್ತು ಔಷಧಿಗಳ ದರ ಹಾಗೂ ಅಂಗಡಿಯಲ್ಲಿನ ದಾಸ್ತಾನು ಪ್ರಮಾಣವನ್ನು ಪ್ರತಿದಿನ ಪ್ರಕಟಣೆ ಫಲಕದಲ್ಲಿ ಬರೆಯಬೇಕು ಎಂದರು. ತಾಲೂಕಿಗೆ ಬೇಕಾಗುವಷ್ಟು ಯೂರಿಯಾ ಸರಬರಾಜು ಇದ್ದು, ರೈತರು ಆತಂಕ ಪಡುವ ಅಗತ್ಯವಿಲ್ಲ. ಕೃಷಿ ಬೆಳೆಗಳಿಗೆ ರಾಸಾಯನಿಕ ಡಿಎಪಿ ಬಳಕೆ ಬದಲು ನ್ಯಾನೋ ಬಳಸಲು ರೈತರು ಆಸಕ್ತಿ ಬೆಳೆಸಿಕೊಳ್ಳಬೇಕೆಂದು ಅವರು ಸಲಹೆ ನೀಡಿದರು. ಪ್ರಸ್ತುತ ಮುಂಗಾರು ಶೇಂಗಾ ಬಿತ್ತನೆಗೆ ಇಲಾಖೆಯಿಂದ ನಿಗದಿತ ಗುರಿಯಂತೆ ದಾಸ್ತಾನು ಮಾಡಿಕೊಂಡು ರೈತರಿಗೆ ವಿತರಿಸಲಾಗುತ್ತಿದೆ. ಆರಂಭದಲ್ಲಿ ಸರ್ಕಾರ ಒಂದು ಕ್ವಿಂಟಲ್‌ಗೆ 11,300 ರೂ. ದರ ನಿಗದಿಪಡಿಸಿತ್ತು. ರೈತರಿಗೆ ಇದು ದುಬಾರಿ ಬೆಲೆಯಾಗಿದ್ದರಿಂದ, ಕ್ಷೇತ್ರದ ಶಾಸಕ ರಘುಮೂರ್ತಿ ಅವರು ಸರ್ಕಾರದ ಹಂತದಲ್ಲಿ ಪ್ರಸ್ತಾಪಿಸಿದ್ದ ಹಿನ್ನೆಲೆಯಲ್ಲಿ ಒಂದು ಕ್ವಿಂಟಲ್‌ಗೆ 500 ರೂ. ಕಡಿಮೆ ಮಾಡಲಾಗಿದೆ. ಈಗ ಎಸ್‌ಸಿ, ಎಸ್‌ಟಿ ರೈತರಿಗೆ 2,100 ರೂ. ಸಬ್ಸಿಡಿ ಕಳೆದು 8,700 ರೂ.ಗೆ, ಹಾಗೂ ಸಾಮಾನ್ಯ ವರ್ಗದ ರೈತರಿಗೆ 1,400 ರೂ. ಸಬ್ಸಿಡಿ ಕಳೆದು 9,400 ರೂ.ಗೆ ಒಂದು ಕ್ವಿಂಟಲ್ ಬಿತ್ತನೆ ಶೇಂಗಾ ವಿತರಿಸಲಾಗುತ್ತದೆ. ತಾಲೂಕಿನ ಎಲ್ಲಾ ರೈತರ ಅನುಕೂಲಕ್ಕಾಗಿ ಚಳ್ಳಕೆರೆ ನಗರದ ಎಪಿಎಂಸಿ ಮಳಿಗೆಯಲ್ಲಿ ಮತ್ತು ತಳಕು, ನಾಯಕನಹಟ್ಟಿ ಹಾಗೂ ಪರಶುರಾಮಪುರ ಹೋಬಳಿ ಕೇಂದ್ರಗಳ ಕೃಷಿ ಇಲಾಖೆಗಳಲ್ಲಿ ಶೇಂಗಾ ಬೀಜ ವಿತರಣೆಗೆ ಕ್ರಮ ವಹಿಸಲಾಗಿದೆ ಎಂದು ಡಾ. ರಮೇಶ್ ಮಾಹಿತಿ ನೀಡಿದರು.