ఏడుపాయల మహాశివరాత్రి జాతరలో ఘనంగా బండ్ల ఊరేంపు బోనాల సమర్పణ ఏడుపాయలలో వైభవంగా బండ్ల ప్రదర్శన ఏడుపాయల జాతర వైభవంగా సాగుతోంది. వన దుర్గా ప్రాంగణం భక్తజన సంద్రమైంది. మహా జాతరలో ప్రధాన ఘట్టం రెండవ రోజు ఎడ్ల బండ్ల ప్రదర్శన కనుల పండువగా, అత్యంత వైభవోపేతంగా సాగింది. సోమవారం ఉదయం నుంచి మహిళలు నెత్తిన బోనాలు... మరోవైపు శివసత్తుల పూనకాలు ... పోతరాజుల విన్యాసాలతో జాతర మార్మోగింది. మహా శివరాత్రి ఉపవాసాలు ఆచరించిన భక్తులు ఉదయమే అమ్మవారిని దర్శించుకుని విరమించారు. మునుపెన్నడూ లేనివిధంగా కలెక్టర్ రాహుల్ రాజ్ ఆధ్వర్యంలో ప్రభుత్వ శాఖల సమన్వయంతో భక్తులకు ఎలాంటి అసౌకర్యం కలగకుండా ఏర్పాట్లు చేశారు. తెలంగాణలోని వివిధ జిల్లాలతోపాటు, కర్ణా టక, మహారాష్ట్ర నుంచి భక్తులు పెద్ద ఎత్తున తరలివచ్చారు. పొద్దంతా బోనాల సందడి నెలకొంది. దప్పుల మోతలు, శివసత్తుల శిగాలు, పోతరాజుల నృత్యాలతో ఏడుపాయల ప్రాంగణంలో తెలంగాణ సంస్కృతి ఉట్టిపడింది. సమాచార శాఖ ఆధ్వర్యంలో కళా ప్రదర్శనలు ఆకట్టుకున్నాయి. ఘనంగా బండ్ల ఊరేగింపు బండ్ల ఊరేగింపు సాయంత్రం కనుల పండువగా నిర్వహించారు. అనవాయితీ ప్రకారం పాపన్నపేట సంస్థానాధీశుల బండి ముందు కొబ్బరికాయ కొట్టి బండ్ల ప్రదర్శన ప్రారంభించారు. పాపన్నపేట, టేక్మాల్, అల్లాదుర్గం, కొల్చారం మండలంలోని వివిధ గ్రామాలకు చెందిన ఎడ్ల బండ్లు, గుమ్మటాల బండ్లు పెద్దసంఖ్యలో ఊరేగింపులో పాల్గొన్నాయి. ఎస్పీ డీవీ శ్రీనివాస్ రావు బందోబస్త్ పర్యవేక్షించారు.

మెదక్ న్యూస్

హవేలీఘనాపూర్, మెదక్, తెలంగాణ•

1 day ago

ఏడుపాయల మహాశివరాత్రి జాతరలో ఘనంగా బండ్ల ఊరేంపు బోనాల సమర్పణ ఏడుపాయలలో వైభవంగా బండ్ల ప్రదర్శన ఏడుపాయల జాతర వైభవంగా సాగుతోంది. వన దుర్గా ప్రాంగణం భక్తజన సంద్రమైంది. మహా జాతరలో ప్రధాన ఘట్టం రెండవ రోజు ఎడ్ల బండ్ల ప్రదర్శన కనుల పండువగా, అత్యంత వైభవోపేతంగా సాగింది. సోమవారం ఉదయం నుంచి మహిళలు నెత్తిన బోనాలు... మరోవైపు శివసత్తుల పూనకాలు ... పోతరాజుల విన్యాసాలతో జాతర మార్మోగింది. మహా శివరాత్రి ఉపవాసాలు ఆచరించిన భక్తులు ఉదయమే అమ్మవారిని దర్శించుకుని విరమించారు. మునుపెన్నడూ లేనివిధంగా కలెక్టర్ రాహుల్ రాజ్ ఆధ్వర్యంలో ప్రభుత్వ శాఖల సమన్వయంతో భక్తులకు ఎలాంటి అసౌకర్యం కలగకుండా ఏర్పాట్లు చేశారు. తెలంగాణలోని వివిధ జిల్లాలతోపాటు, కర్ణా టక, మహారాష్ట్ర నుంచి భక్తులు పెద్ద ఎత్తున తరలివచ్చారు. పొద్దంతా బోనాల సందడి నెలకొంది. దప్పుల మోతలు, శివసత్తుల శిగాలు, పోతరాజుల నృత్యాలతో ఏడుపాయల ప్రాంగణంలో తెలంగాణ సంస్కృతి ఉట్టిపడింది. సమాచార శాఖ ఆధ్వర్యంలో కళా ప్రదర్శనలు ఆకట్టుకున్నాయి. ఘనంగా బండ్ల ఊరేగింపు బండ్ల ఊరేగింపు సాయంత్రం కనుల పండువగా నిర్వహించారు. అనవాయితీ ప్రకారం పాపన్నపేట సంస్థానాధీశుల బండి ముందు కొబ్బరికాయ కొట్టి బండ్ల ప్రదర్శన ప్రారంభించారు. పాపన్నపేట, టేక్మాల్, అల్లాదుర్గం, కొల్చారం మండలంలోని వివిధ గ్రామాలకు చెందిన ఎడ్ల బండ్లు, గుమ్మటాల బండ్లు పెద్దసంఖ్యలో ఊరేగింపులో పాల్గొన్నాయి. ఎస్పీ డీవీ శ్రీనివాస్ రావు బందోబస్త్ పర్యవేక్షించారు.