દમણના પેટ્રોલ પંપ પર અચાનક વાહનોની લાંબી કતારો જોવા મળી. પેટ્રોલ ભરાવવા માટે લોકો મોટી સંખ્યામાં ઉમટી પડ્યા હતા, જેના કારણે ભારે ભીડ સર્જાઈ.

દમણના પેટ્રોલ પંપ પર અચાનક વાહનોની લાંબી કતારો જોવા મળી. પેટ્રોલ ભરાવવા માટે લોકો મોટી સંખ્યામાં ઉમટી પડ્યા હતા, જેના કારણે ભારે ભીડ સર્જાઈ.

ઉમરગામમાં નકલી નોટો બતાવીને છેતરપિંડી કરવાનો પ્રયાસ કરનાર બે શખ્સોને સ્થાનિક લોકોએ પકડી પાડ્યા છે. તેમને પોલીસને હવાલે કરાતા, હવે આ ગુનામાં અન્ય કોણ સામેલ છે તેની તપાસ ચાલી રહી છે.

ધરમપુર પોલીસે પ્લાસ્ટિકના કેરેટની આડમાં સેલવાસથી ચીખલી-નવસારી તરફ લઈ જવાઈ રહેલો ₹8.5 લાખથી વધુનો વિદેશી દારૂનો જથ્થો ઝડપી પાડ્યો છે. આ દારૂ આઇસર ટેમ્પોમાં ભરીને લઈ જવાતો હતો. પોલીસે એક ઇસમને દારૂના જથ્થા સાથે ઝડપી પાડી કાયદેસરની કાર્યવાહી હાથ ધરી છે.

સુરતમાં કાયદો-વ્યવસ્થાની સ્થિતિ વણસી, 24 કલાકમાં ત્રીજી હત્યાથી હાહાકાર મચી ગયો છે. લિંબાયતમાં અંગત અદાવતમાં યુવકની કરપીણ હત્યા કરાઈ, જ્યારે ડિંડોલીમાં બેવડી હત્યા થઈ હતી. આ ઘટનાઓએ પોલીસ તંત્રની કામગીરી પર ગંભીર સવાલો ઉભા કર્યા છે.

સુરતના ભેસ્તાન વિસ્તારમાં એક યુવકનો હાથમાં ધારદાર હથિયાર સાથે ધમકી આપતો વીડિયો વાયરલ થયો છે. યુવક સોશિયલ મીડિયા પર બિભત્સ ગાળો બોલીને લોકોને જાનથી મારી નાખવાની ધમકી આપી રહ્યો છે. આ વીડિયો વાયરલ થતાં જ પોલીસે આ મામલે તપાસ શરૂ કરી દીધી છે.

સુરતના લસકાણા પોલીસ સ્ટેશનના PIએ વધતા મોબાઈલ સ્નેચિંગ ગુનાઓને રોકવા માટે પોલીસ સ્ટાફને વિશેષ તાલીમ આપી. આ તાલીમમાં આરોપીઓ કેવી રીતે પળવારમાં મોબાઈલ છીનવી ભાગી જાય છે, તેનું પ્રેક્ટિકલ ડેમોસ્ટ્રેશન કરાયું. પોલીસે નાગરિકોને પણ જાહેરમાં મોબાઈલ ઉપયોગ કરતી વખતે સાવચેત રહેવા અપીલ કરી છે.

સુરતમાં ગુંડાગીરીના વધતા બનાવો વચ્ચે પાંડેસરામાં એક યુવક પર કારમાં આવેલા ગુંડાઓએ હુમલો કર્યો. હુમલાનો વીડિયો વાયરલ થતાં શહેરમાં ભયનો માહોલ સર્જાયો છે અને પોલીસની ભૂમિકા પર સવાલો ઉઠ્યા છે.

દમણના પાતલિયા કોસ્ટલ હાઇવે પર બે કાર વચ્ચે મોટો અકસ્માત સર્જાયો હતો. આ ઘટનાથી ટ્રાફિક જામ થયો અને સ્થાનિકોમાં અફરાતફરી મચી ગઈ. પોલીસ ઘટના સ્થળે પહોંચી વધુ તપાસ કરી રહી છે.