ସୁବର୍ଣ୍ଣପୁର ଜିଲ୍ଲାର ପଟାଭାଡ଼ିସ୍ଥିତ କୋଶଳ ଉଚ୍ଚ ବିଦ୍ୟାଳୟ ପରିସରରେ ଏକ ତ୍ରି ଦିବସୀୟ ଆଚାର୍ଯ୍ୟ ଆଚାର୍ଯ୍ୟା ପ୍ରଶିକ୍ଷଣ ଶିବିର ଉଦଘାଟିତ ହୋଇଛି। ନୂତନ ଶିକ୍ଷା ବର୍ଷ ପାଇଁ ନୂଆ ଢାଞ୍ଚା ଓ ଶିକ୍ଷାଦାନ ଶୈଳୀରେ ଶିକ୍ଷକମାନଙ୍କ ଦକ୍ଷତା ବୃଦ୍ଧି କରିବା ଏହି ଶିବିରର ମୁଖ୍ୟ ଉଦ୍ଦେଶ୍ୟ। ଗ୍ରୀଷ୍ମ ଅବକାଶ ପରେ ଆୟୋଜିତ ଏହି ପ୍ରଶିକ୍ଷଣ ବର୍ଗରେ ତାଲିମ ପ୍ରାପ୍ତ ହେବା ପରେ ଶିଶୁମାନେ ଅଧିକ ଲାଭବାନ ହେବେ ଓ ସେମାନଙ୍କ ଅଗ୍ରଗତି ପଥ ସୁଗମ ହେବ ବୋଲି ଆଶା କରାଯାଉଛି। ଏହି ପ୍ରଶିକ୍ଷଣରେ ନବରଙ୍ଗପୁର, କୋରାପୁଟ, ବୌଦ୍ଧ ସମେତ ଅନେକ ସ୍ଥାନରୁ ପ୍ରାୟ ୪୫ ଜଣ ଗୁରୁଜୀ ଗୁରୁମା ଯୋଗଦେଇ ତାଲିମ ଗ୍ରହଣ କରିଛନ୍ତି। ଉଦଘାଟନୀ ସମାରୋହରେ ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ ଅଞ୍ଜଳୀନା ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ, ଭାରତୀୟ ଶିକ୍ଷା ବିକାଶ ସଂସ୍ଥାନର ପ୍ରତିଷ୍ଠାତା ଶ୍ରୀମହନ୍ତ ମହାମଣ୍ଡଳେଶ୍ୱର କମଳାକାନ୍ତ ଦାସ ମହାରାଜ ସ୍ୱତନ୍ତ୍ର ଅତିଥି ଭାବରେ ଉପସ୍ଥିତ ଥିଲେ। ସଂସ୍ଥାନର କାର୍ଯ୍ୟକାରୀ ସମ୍ପାଦକ ପ୍ରକାଶ ଚନ୍ଦ୍ର ବିଷୋୟୀ ଏବଂ ବିଦ୍ୟାଳୟର ସଭାପତି ତଥା ବିଶିଷ୍ଟ ସମାଜସେବୀ ଶ୍ରୀବତ୍ସ ମଲ୍ଲିକ ମଧ୍ୟ ସମାରୋହରେ ଅଂଶଗ୍ରହଣ କରିଥିଲେ। ସୁବର୍ଣ୍ଣପୁର ମହାବିଦ୍ୟାଳୟର ପ୍ରାଣୀ ବିଜ୍ଞାନ ବିଭାଗର ବରିଷ୍ଠ ଅଧ୍ୟାପକ ଉମାକାନ୍ତ ନାଗ ମୁଖ୍ୟ ବକ୍ତା ଭାବେ ଯୋଗଦେଇ ବିଭିନ୍ନ ଉପଦେଶାତ୍ମକ ବାଣୀ ପ୍ରଦାନ କରିବା ସହ ଆଦର୍ଶ ଶିକ୍ଷକ ହେବାକୁ ପରାମର୍ଶ ଦେଇଥିଲେ। ବିଦ୍ୟାଳୟର ପ୍ରଧାନ ଆଚାର୍ଯ୍ୟ ପରମା ନାଏକ ଅତିଥିମାନଙ୍କୁ ସ୍ୱାଗତ କରିବା ସହ ଶିବିରର ଉଦ୍ଦେଶ୍ୟ ବିଷୟରେ କହିଥିଲେ। ସମ୍ପାଦକ ସଞ୍ଜୟ କୁମାର ସାହୁ ଧନ୍ୟବାଦ ଅର୍ପଣ କରିଥିବା ବେଳେ, ସହ ପ୍ରଧାନ ଆଚାର୍ଯ୍ୟା ସୁଶ୍ରୀ ସ୍ମିତାରାଣୀ ନାଏକ ମଞ୍ଚ ପରିଚାଳନା କରିଥିଲେ। ଶିକ୍ଷକ ପ୍ରମୋଦ ସାହୁ, ଦୀପକ କୁମ୍ଭାର, ସୁମନ ସାହୁ, ଶୁକ୍ଳମ୍ବର ବନଛୋର ଏବଂ ଶିକ୍ଷୟିତ୍ରୀ ଦିପ୍ତିମୟୀ ପଲିଆ, କାମିନୀ ଜେନା, ବୁଲି ବିଶ୍ୱାଳ, ରମିଲା ସାହୁ, ଅନନ୍ୟା ପଧାନ, ନମିତା କୁମ୍ଭାର, ରୁପା ପଧାନ ପ୍ରମୁଖ ଏହି କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ।

Santosh Nayak PRESS

Local News Reporter Balangir, Odisha•

2 hrs ago

ସୁବର୍ଣ୍ଣପୁର ଜିଲ୍ଲାର ପଟାଭାଡ଼ିସ୍ଥିତ କୋଶଳ ଉଚ୍ଚ ବିଦ୍ୟାଳୟ ପରିସରରେ ଏକ ତ୍ରି ଦିବସୀୟ ଆଚାର୍ଯ୍ୟ ଆଚାର୍ଯ୍ୟା ପ୍ରଶିକ୍ଷଣ ଶିବିର ଉଦଘାଟିତ ହୋଇଛି। ନୂତନ ଶିକ୍ଷା ବର୍ଷ ପାଇଁ ନୂଆ ଢାଞ୍ଚା ଓ ଶିକ୍ଷାଦାନ ଶୈଳୀରେ ଶିକ୍ଷକମାନଙ୍କ ଦକ୍ଷତା ବୃଦ୍ଧି କରିବା ଏହି ଶିବିରର ମୁଖ୍ୟ ଉଦ୍ଦେଶ୍ୟ। ଗ୍ରୀଷ୍ମ ଅବକାଶ ପରେ ଆୟୋଜିତ ଏହି ପ୍ରଶିକ୍ଷଣ ବର୍ଗରେ ତାଲିମ ପ୍ରାପ୍ତ ହେବା ପରେ ଶିଶୁମାନେ ଅଧିକ ଲାଭବାନ ହେବେ ଓ ସେମାନଙ୍କ ଅଗ୍ରଗତି ପଥ ସୁଗମ ହେବ ବୋଲି ଆଶା କରାଯାଉଛି। ଏହି ପ୍ରଶିକ୍ଷଣରେ ନବରଙ୍ଗପୁର, କୋରାପୁଟ, ବୌଦ୍ଧ ସମେତ ଅନେକ ସ୍ଥାନରୁ ପ୍ରାୟ ୪୫ ଜଣ ଗୁରୁଜୀ ଗୁରୁମା ଯୋଗଦେଇ ତାଲିମ ଗ୍ରହଣ କରିଛନ୍ତି। ଉଦଘାଟନୀ ସମାରୋହରେ ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ ଅଞ୍ଜଳୀନା ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ, ଭାରତୀୟ ଶିକ୍ଷା ବିକାଶ ସଂସ୍ଥାନର ପ୍ରତିଷ୍ଠାତା ଶ୍ରୀମହନ୍ତ ମହାମଣ୍ଡଳେଶ୍ୱର କମଳାକାନ୍ତ ଦାସ ମହାରାଜ ସ୍ୱତନ୍ତ୍ର ଅତିଥି ଭାବରେ ଉପସ୍ଥିତ ଥିଲେ। ସଂସ୍ଥାନର କାର୍ଯ୍ୟକାରୀ ସମ୍ପାଦକ ପ୍ରକାଶ ଚନ୍ଦ୍ର ବିଷୋୟୀ ଏବଂ ବିଦ୍ୟାଳୟର ସଭାପତି ତଥା ବିଶିଷ୍ଟ ସମାଜସେବୀ ଶ୍ରୀବତ୍ସ ମଲ୍ଲିକ ମଧ୍ୟ ସମାରୋହରେ ଅଂଶଗ୍ରହଣ କରିଥିଲେ। ସୁବର୍ଣ୍ଣପୁର ମହାବିଦ୍ୟାଳୟର ପ୍ରାଣୀ ବିଜ୍ଞାନ ବିଭାଗର ବରିଷ୍ଠ ଅଧ୍ୟାପକ ଉମାକାନ୍ତ ନାଗ ମୁଖ୍ୟ ବକ୍ତା ଭାବେ ଯୋଗଦେଇ ବିଭିନ୍ନ ଉପଦେଶାତ୍ମକ ବାଣୀ ପ୍ରଦାନ କରିବା ସହ ଆଦର୍ଶ ଶିକ୍ଷକ ହେବାକୁ ପରାମର୍ଶ ଦେଇଥିଲେ। ବିଦ୍ୟାଳୟର ପ୍ରଧାନ ଆଚାର୍ଯ୍ୟ ପରମା ନାଏକ ଅତିଥିମାନଙ୍କୁ ସ୍ୱାଗତ କରିବା ସହ ଶିବିରର ଉଦ୍ଦେଶ୍ୟ ବିଷୟରେ କହିଥିଲେ। ସମ୍ପାଦକ ସଞ୍ଜୟ କୁମାର ସାହୁ ଧନ୍ୟବାଦ ଅର୍ପଣ କରିଥିବା ବେଳେ, ସହ ପ୍ରଧାନ ଆଚାର୍ଯ୍ୟା ସୁଶ୍ରୀ ସ୍ମିତାରାଣୀ ନାଏକ ମଞ୍ଚ ପରିଚାଳନା କରିଥିଲେ। ଶିକ୍ଷକ ପ୍ରମୋଦ ସାହୁ, ଦୀପକ କୁମ୍ଭାର, ସୁମନ ସାହୁ, ଶୁକ୍ଳମ୍ବର ବନଛୋର ଏବଂ ଶିକ୍ଷୟିତ୍ରୀ ଦିପ୍ତିମୟୀ ପଲିଆ, କାମିନୀ ଜେନା, ବୁଲି ବିଶ୍ୱାଳ, ରମିଲା ସାହୁ, ଅନନ୍ୟା ପଧାନ, ନମିତା କୁମ୍ଭାର, ରୁପା ପଧାନ ପ୍ରମୁଖ ଏହି କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ।