साई भक्तांकडून साईबाबांच्या पवित्र धुनीसाठी १००० गावरान गोवऱ्यांचे अर्पण; पुणे येथील भक्तांचा सन्मान पाथरी (प्रतिनिधी) : शहरातील साईबाबा जन्मस्थान मंदिर येथे सोमवार (दि. ९ मार्च) रोजी साई भक्तांनी श्रद्धेने पवित्र धुनीसाठी गावरान गोवऱ्यांचे अर्पण केले. पुणे येथील साई भक्त श्रीमती उषा अनंतराव घोटणकर व श्रीमती मिना संजय राव देशपांडे यांनी साईबाबा यांच्या पवित्र धुनीसाठी प्रत्येकी ५०० अशा एकूण १००० गावरान गाईच्या गोवऱ्या अर्पण केल्या. या भक्तीपूर्ण अर्पणाबद्दल मंदिर व्यवस्थापन मंडळाच्या वतीने मंदिर अधीक्षक सौ. छाया कुलकर्णी यांच्या हस्ते दोन्ही साई भक्तांचा शाल, श्रीफळ व साईबाबांच्या पवित्र धुनीतील उदी देऊन सत्कार करण्यात आला. यावेळी मंदिर अधीक्षक सौ. छाया कुलकर्णी यांनी सांगितले की, द्वारकामाई येथे साईबाबांचे वास्तव्य होते. त्यांच्या समोर अखंड धुनी प्रज्वलित असायची. त्या धुनीतील पवित्र उदी साईबाबा भक्तांना देत असत. या उदीमुळे आजार तसेच विविध प्रापंचिक अडचणी दूर होतात, असा भक्तांचा दृढ विश्वास आहे. आजही साई भक्त पाथरी येथील प्रतिकात्मक द्वारकामाई असलेल्या धुनीमध्ये लाकूड, गावरान गाईच्या गोवऱ्या व श्रीफळ अर्पण करून आपल्या मनोकामना व्यक्त करतात. साईकृपेने त्या पूर्ण होतात, अशी भावना भक्तांमध्ये आहे. याबाबत अधिक माहिती देताना साईबाबा जन्मस्थान मंदिराचे कार्यकारी अधिकारी मुकुंद दिनकरराव चौधरी यांनी सांगितले की, देशभरातून येणारे साई भक्त येथे धुनीसाठी विविध प्रकारे अर्पण करून साईबाबांप्रती आपली श्रद्धा व्यक्त करीत असतात.

10 hrs ago

Kapil Ashokrao Shinde

मानवत, परभणी, महाराष्ट्र•

10 hrs ago

साई भक्तांकडून साईबाबांच्या पवित्र धुनीसाठी १००० गावरान गोवऱ्यांचे अर्पण; पुणे येथील भक्तांचा सन्मान पाथरी (प्रतिनिधी) : शहरातील साईबाबा जन्मस्थान मंदिर येथे सोमवार (दि. ९ मार्च) रोजी साई भक्तांनी श्रद्धेने पवित्र धुनीसाठी गावरान गोवऱ्यांचे अर्पण केले. पुणे येथील साई भक्त श्रीमती उषा अनंतराव घोटणकर व श्रीमती मिना संजय राव देशपांडे यांनी साईबाबा यांच्या पवित्र धुनीसाठी प्रत्येकी ५०० अशा एकूण १००० गावरान गाईच्या गोवऱ्या अर्पण केल्या. या भक्तीपूर्ण अर्पणाबद्दल मंदिर व्यवस्थापन मंडळाच्या वतीने मंदिर अधीक्षक सौ. छाया कुलकर्णी यांच्या हस्ते दोन्ही साई भक्तांचा शाल, श्रीफळ व साईबाबांच्या पवित्र धुनीतील उदी देऊन सत्कार करण्यात आला. यावेळी मंदिर अधीक्षक सौ. छाया कुलकर्णी यांनी सांगितले की, द्वारकामाई येथे साईबाबांचे वास्तव्य होते. त्यांच्या समोर अखंड धुनी प्रज्वलित असायची. त्या धुनीतील पवित्र उदी साईबाबा भक्तांना देत असत. या उदीमुळे आजार तसेच विविध प्रापंचिक अडचणी दूर होतात, असा भक्तांचा दृढ विश्वास आहे. आजही साई भक्त पाथरी येथील प्रतिकात्मक द्वारकामाई असलेल्या धुनीमध्ये लाकूड, गावरान गाईच्या गोवऱ्या व श्रीफळ अर्पण करून आपल्या मनोकामना व्यक्त करतात. साईकृपेने त्या पूर्ण होतात, अशी भावना भक्तांमध्ये आहे. याबाबत अधिक माहिती देताना साईबाबा जन्मस्थान मंदिराचे कार्यकारी अधिकारी मुकुंद दिनकरराव चौधरी यांनी सांगितले की, देशभरातून येणारे साई भक्त येथे धुनीसाठी विविध प्रकारे अर्पण करून साईबाबांप्रती आपली श्रद्धा व्यक्त करीत असतात.

More news from महाराष्ट्र and nearby areas