कुही तालुक्यातील पचखेडी येथील पोस्ट ऑफिसचा कारभार गेल्या दोन महिन्यांपासून पूर्णपणे ठप्प झाला आहे, कारण नव्याने रुजू झालेले पोस्टमास्तर खरात यांची आयडी अद्याप तयार झालेली नाही. हे पोस्ट ऑफिस परिसरातील शेतकरी, शेतमजूर, ज्येष्ठ नागरिक, महिला आणि सर्वसामान्य नागरिकांच्या आर्थिक व्यवहारांचा एक विश्वासार्ह आधार आहे. मात्र, प्रशासनातील या हलगर्जीपणामुळे येथील सर्व कामकाज अक्षरशः थांबले आहे, ज्याला जनतेप्रती असलेल्या असंवेदनशीलतेचे ज्वलंत उदाहरण म्हटले जात आहे. या गंभीर परिस्थितीमुळे 'लाडकी बहीण योजने'चे पैसे अडकले असून, केवायसीची कामे बंद पडली आहेत. लोकांना पैसे जमा करता येत नाहीत आणि काढताही येत नाहीत. ज्यांनी आयुष्यभराची पुंजी पोस्टात ठेवली आहे किंवा फिक्स डिपॉझिट केले आहे, त्यांना आज स्वतःचेच पैसे मिळवता येत नाहीत, ही बाब अत्यंत संतापजनक आहे. विशेष म्हणजे, सध्या शेतीचा हंगाम सुरू असल्याने बियाणे, खते आणि औषधे खरेदीसाठी शेतकऱ्यांना पैशांची नितांत गरज असताना त्यांना त्यांचेच पैसे मिळत नाहीत, याहून मोठी शोकांतिका कोणती, असा प्रश्न उपस्थित केला जात आहे. एका कर्मचाऱ्याची आयडी तयार करण्यासाठी दोन महिने लागत असतील, तर पोस्ट विभाग कोणत्या युगात काम करत आहे, असा संतप्त सवाल विचारला जात आहे. 'डिजिटल इंडिया' आणि ऑनलाइन सेवांच्या गप्पा मारणारे अधिकारी पचखेडीसारख्या ग्रामीण भागातील वास्तव पाहण्यास तयार नाहीत का, असाही प्रश्न विचारला आहे. जनतेच्या अडचणींकडे डोळेझाक करणे हे प्रशासनाचे काम नसल्याचे स्पष्ट म्हटले आहे. या सर्व प्रकाराची माहिती वरिष्ठ अधिकाऱ्यांना नसणे अशक्य असून, माहिती असूनही उपायोजना होत नसतील तर तो निष्काळजीपणा आहे, अन्यथा ती अकार्यक्षमतेची निशाणी आहे. दोन्ही परिस्थितीत सामान्य जनतेचेच नुकसान होत आहे. या पार्श्वभूमीवर, पोस्ट खात्याने तात्काळ संबंधित पोस्टमास्तरांची आयडी कार्यान्वित करून सेवा पूर्ववत करावी, अशी मागणी करण्यात आली आहे. अन्यथा, गावकरी सामूहिक आंदोलन करून पोस्ट ऑफिसला ताळे ठोकण्याचा इशारा गावकऱ्यांनी दिला आहे. पचखेडी ग्रामपंचायत सदस्य प्रदीप शेंडे यांनी याला अत्यंत गंभीर बाब संबोधत, याचा थेट फटका शेतकरी, शेतमजूर, महिला व ज्येष्ठ नागरिकांना बसत असून 'लाडकी बहीण योजने'चे लाभार्थीही त्रस्त असल्याचे म्हटले आहे. वरिष्ठ अधिकाऱ्यांनी तात्काळ लक्ष घालून सेवा सुरळीत करावी, अन्यथा मोठे आंदोलन उभारून ऑफिसला ताळे ठोकू, असा इशारा त्यांनी दिला. तसेच, पचखेडीचे उपसरपंच दिलीप भोयर यांनीही याला प्रशासनाचे मोठे अपयश ठरवत, संबंधित विभागाने याकडे गांभीर्याने पाहून पोस्टमास्तरांची आयडी त्वरित कार्यान्वित करावी आणि नागरिकांना होत असलेला मनस्ताप थांबवावा, अन्यथा नाईलाजास्तव रस्त्यावर उतरावे लागेल, असे म्हटले आहे. या सर्व प्रकारामुळे पचखेडी पोस्ट ऑफिस केवळ 'शोभेची वास्तू' बनले असून, अनेक सेवा ठप्प झाल्याने येथील सर्व कामे रखडली आहेत.

Sharad shahare

कुही, नागपूर, महाराष्ट्र•

9 hrs ago

कुही तालुक्यातील पचखेडी येथील पोस्ट ऑफिसचा कारभार गेल्या दोन महिन्यांपासून पूर्णपणे ठप्प झाला आहे, कारण नव्याने रुजू झालेले पोस्टमास्तर खरात यांची आयडी अद्याप तयार झालेली नाही. हे पोस्ट ऑफिस परिसरातील शेतकरी, शेतमजूर, ज्येष्ठ नागरिक, महिला आणि सर्वसामान्य नागरिकांच्या आर्थिक व्यवहारांचा एक विश्वासार्ह आधार आहे. मात्र, प्रशासनातील या हलगर्जीपणामुळे येथील सर्व कामकाज अक्षरशः थांबले आहे, ज्याला जनतेप्रती असलेल्या असंवेदनशीलतेचे ज्वलंत उदाहरण म्हटले जात आहे. या गंभीर परिस्थितीमुळे 'लाडकी बहीण योजने'चे पैसे अडकले असून, केवायसीची कामे बंद पडली आहेत. लोकांना पैसे जमा करता येत नाहीत आणि काढताही येत नाहीत. ज्यांनी आयुष्यभराची पुंजी पोस्टात ठेवली आहे किंवा फिक्स डिपॉझिट केले आहे, त्यांना आज स्वतःचेच पैसे मिळवता येत नाहीत, ही बाब अत्यंत संतापजनक आहे. विशेष म्हणजे, सध्या शेतीचा हंगाम सुरू असल्याने बियाणे, खते आणि औषधे खरेदीसाठी शेतकऱ्यांना पैशांची नितांत गरज असताना त्यांना त्यांचेच पैसे मिळत नाहीत, याहून मोठी शोकांतिका कोणती, असा प्रश्न उपस्थित केला जात आहे. एका कर्मचाऱ्याची आयडी तयार करण्यासाठी दोन महिने लागत असतील, तर पोस्ट विभाग कोणत्या युगात काम करत आहे, असा संतप्त सवाल विचारला जात आहे. 'डिजिटल इंडिया' आणि ऑनलाइन सेवांच्या गप्पा मारणारे अधिकारी पचखेडीसारख्या ग्रामीण भागातील वास्तव पाहण्यास तयार नाहीत का,

असाही प्रश्न विचारला आहे. जनतेच्या अडचणींकडे डोळेझाक करणे हे प्रशासनाचे काम नसल्याचे स्पष्ट म्हटले आहे. या सर्व प्रकाराची माहिती वरिष्ठ अधिकाऱ्यांना नसणे अशक्य असून, माहिती असूनही उपायोजना होत नसतील तर तो निष्काळजीपणा आहे, अन्यथा ती अकार्यक्षमतेची निशाणी आहे. दोन्ही परिस्थितीत सामान्य जनतेचेच नुकसान होत आहे. या पार्श्वभूमीवर, पोस्ट खात्याने तात्काळ संबंधित पोस्टमास्तरांची आयडी कार्यान्वित करून सेवा पूर्ववत करावी, अशी मागणी करण्यात आली आहे. अन्यथा, गावकरी सामूहिक आंदोलन करून पोस्ट ऑफिसला ताळे ठोकण्याचा इशारा गावकऱ्यांनी दिला आहे. पचखेडी ग्रामपंचायत सदस्य प्रदीप शेंडे यांनी याला अत्यंत गंभीर बाब संबोधत, याचा थेट फटका शेतकरी, शेतमजूर, महिला व ज्येष्ठ नागरिकांना बसत असून 'लाडकी बहीण योजने'चे लाभार्थीही त्रस्त असल्याचे म्हटले आहे. वरिष्ठ अधिकाऱ्यांनी तात्काळ लक्ष घालून सेवा सुरळीत करावी, अन्यथा मोठे आंदोलन उभारून ऑफिसला ताळे ठोकू, असा इशारा त्यांनी दिला. तसेच, पचखेडीचे उपसरपंच दिलीप भोयर यांनीही याला प्रशासनाचे मोठे अपयश ठरवत, संबंधित विभागाने याकडे गांभीर्याने पाहून पोस्टमास्तरांची आयडी त्वरित कार्यान्वित करावी आणि नागरिकांना होत असलेला मनस्ताप थांबवावा, अन्यथा नाईलाजास्तव रस्त्यावर उतरावे लागेल, असे म्हटले आहे. या सर्व प्रकारामुळे पचखेडी पोस्ट ऑफिस केवळ 'शोभेची वास्तू' बनले असून, अनेक सेवा ठप्प झाल्याने येथील सर्व कामे रखडली आहेत.