ଜିଲ୍ଲା ମୁଖ୍ୟ ଚିକିତ୍ସାଳୟରେ ବାୟୋ-ଆନାଲାଜର ମେସିନ ଅଚଳ, ରକ୍ତ ପରୀକ୍ଷା ପାଇଁ ରୋଗୀ ହନ୍ତସନ୍ତ, ଆମ୍ ଆଦମୀ ପାର୍ଟିର ଚିକିତ୍ସାଳୟ ପରିଦର୍ଶନ ଓ ନିନ୍ଦା ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ବାୟୋ-ଆନାଲାଜର ମେସିନ ଅଚଳ ହୋଇପଡିଥିବା ବେଳେ ରକ୍ତ ପରୀକ୍ଷା ପାଇଁ ରୋଗୀ ହନ୍ତସନ୍ତ ହେଉଛନ୍ତି। ଆମ୍ ଆଦମୀ ପାର୍ଟିର କର୍ମକର୍ତ୍ତାମାନେ ଚିକିତ୍ସାଳୟ ପରିଦର୍ଶନ କରିଥିଲେ। ପ୍ରକାଶ ଥାଉକି କାମାକ୍ଷାନଗ ବ୍ଲକ ତୁମୁଁସିଙ୍ଗା ଗ୍ରାମର ଗୋଟିଏ ଚଉଦ ମାସର ଶିଶୁ ବିଷାକ୍ତ ପଦାର୍ଥ ଖାଇ ଗତ କାଲି ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ। ଡାକ୍ତର ତାଙ୍କର ତିନୋଟି ପରୀକ୍ଷା (ସିବିସି, ଆରବିସି ଓ ସିଆରପି) କରିବା ପାଇଁଁ ପରାମର୍ଶ ଦେଇଥିଲେ। ରକ୍ତ ନମୁନା ଦେବା ପରେ ତାଙ୍କୁ ରିପୋର୍ଟ ମଧ୍ୟାହ୍ନ ବାରଟାରେ ମିଳିବ ବୋଲି ଟେକନିସିଆନ କହିଥିଲେ। ରୋଗୀଙ୍କ ସମ୍ପର୍କୀୟ ଦିନ ବାରଟାରେ ଯିବାରୁ ତାଙ୍କୁ ଅପରାହ୍ନ ତିନିଟାରେ ସମସ୍ତ ରିପୋର୍ଟ ମିଳିବ ବୋଲି କହିଥିଲେ। ଅପରାହ୍ନ ତିନିଟାରେ ଦୁଇଟି ରିପୋର୍ଟ ମିଳିଥିଲା ଆଉ ଗୋଟିଏ ରିପୋର୍ଟ ପାଇଁ ମେସିନ ଖରାପ ଅଛି, ଆସନ୍ତା କାଲି ରିପୋର୍ଟ ମିଳିବ ବୋଲି କହିଥିଲେ। ରୋଗୀଙ୍କ ସମ୍ପର୍କୀୟ ବ୍ୟସ୍ତ ହୋଇ କୋହଭରା କଣ୍ଠରେ ଆମ୍ ଆଦମୀ ପାର୍ଟି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜିତେନ୍ଦ୍ର ବେହେରାଙ୍କ ସହ ଯୋଗାଯୋଗ କରିଥିଲେ। ଯେହେତୁ ଶିଶୁଟି ବିଷାକ୍ତ ପଦାର୍ଥ ଖାଇ ଦେଇଥିଲା ଶିଶୁର ରକ୍ତ ପରୀକ୍ଷା ତୁରନ୍ତ ବାହାରେ କରାଇ ନେବାପାଇଁ ସେ ପରାମର୍ଶ ଦେଇଥିଲେ। ସୌଭାଗ୍ୟ ବଶତଃ ଶିଶୁର ସ୍ବାସ୍ଥ୍ୟ ଭଲ ହୋଇଗଲା। ଯଦି ଗୁରୁତର ଅବସ୍ଥାରେ ପିଲାଟି ଥାନ୍ତା ଏବଂ କିଛି ଦୁଃଖଦ ଘଟଣା ଘଟିଥାନ୍ତା, ଏଥିପାଇଁ ଦାୟୀ କିଏ ହୋଇଥାନ୍ତା ? ଏସମ୍ପର୍କରେ ଆମ୍ ଆଦମୀ ପାର୍ଟିର ଏକ ଟିମ୍ ସଂସଦୀୟ କ୍ଷେତ୍ର ସଭାପତି ପଙ୍କଜ ନାୟକ, ଜିଲ୍ଲା ସଭାପତି ରମେଶ ଚନ୍ଦ୍ର ପଣ୍ଡା, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜିତେନ୍ଦ୍ର ବେହେରା, ଜିଲ୍ଲା ସାଧାରଣ ସମ୍ପାଦକ ଅନିଲ ସାମଲ, ଗଁଦିଆ ବ୍ଲକ ଯୁବ ସଭାପତି ଅରବିନ୍ଦ ବେହେରା ପ୍ରମୁଖ ଆଜି ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଁଞ୍ଚି ଘଟଣାର ତଥ୍ୟ ସଂଗ୍ରହ କରିଥିଲେ। ସୂଚନା ଅନୁସାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଯେଉଁ ବାୟୋ-ଆନାଲାଇଜର ମେସିନ ରହିଛି ତାହା ଅନେକ ପୁରୁଣା ଏବଂ ବାରମ୍ବାର ଖରାପ ହେଉଛି। ତାଛଡ଼ା ଯେତିକି ରକ୍ତ ନମୁନା ପରୀକ୍ଷା ପାଇଁ ସେହି ମେସିନ ସକ୍ଷମ ତାର ଦୁଇ ଗୁଣା ରକ୍ତ ନମୁନା ପରୀକ୍ଷା କରାଯାଉଥିରୁ ମେସିନଟି ବାରମ୍ବାର ଖରାପ ହେଉଛି। ମେସିନ ମରାମତି ପାଇଁ ଏଠାରେ କେହି ଟେକନିସିଆନ ବା ଯନ୍ତ୍ରୀ ନାହାଁନ୍ତି। ଫଳରେ ଦୁଇ ଦିନ ହେଲା ମେସିନ ଖରାପ ହୋଇପଡିଛି। ଫଳରେ ଲୋକମାନେ ବାହାରେ ହଜାର ହଜାର ଟଙ୍କା ଖର୍ଚ୍ଚାନ୍ତ ହୋଇ ରକ୍ତ ପରୀକ୍ଷା କରୁଛନ୍ତି। ସୂଚନା ଥାଉ କି ଏହି ମେସିନ ଲିଭର ଫଙ୍କସନ ଟେଷ୍ଟ (LFT), କିଡନୀ ଫଙ୍କସନ ଟେଷ୍ଟ (KFT/RFT), ଲିପିଡ ପ୍ରୋଫାଇଲ୍ ଟେଷ୍ଟ (Lipid profile -ହୃଦୟ ସ୍ବାସ୍ଥ୍ୟ), କୋଲଷ୍ଟୋରାଲ ପରୀକ୍ଷା, ମଧୁମେହ ବା ଡାଇବେଟିସ ପରୀକ୍ଷା, ଇଲେକ୍ଟ୍ରୋଲାଇଟ ଏବଂ ମିନେରାଲ ପରୀକ୍ଷା, ଅଗ୍ନାଶୟ ରୋଗ ଓ ହୃଦଘାତ ରୋଗ ନିରୂପଣ ପାଇଁ ଏହି ମେସିନ ବ୍ୟବହାର ହୋଇଥାଏ। ଜିଲ୍ଲା ବାସୀଙ୍କୁ ମେଡିକାଲ କଲେଜ ସ୍ବପ୍ନ ଦେଖାଇ ସାମାନ୍ୟ ରକ୍ତ ପରୀକ୍ଷା ପାଇଁ ମାତ୍ର ପଇଁତିରିଶି ଲକ୍ଷ ଟଙ୍କାର ମେସିନ ଗୋଟିଏ ଯୋଗାଇ ନ ପାରୁଥିବା ବିଜେପି ସରକାରକୁ ଆମ୍ ଆଦମୀ ପାର୍ଟି କଡ଼ା ନିନ୍ଦା କରିଛି। ଚିକିତ୍ସାଳୟ ପାଇଁ କୋଠା ତିଆରି ହେଉଛି ଭଲ କଥା, କିନ୍ତୁ ନିରାମୟରେ ଔଷଧ ନଥିବାବେଳେ ଡାକ୍ତର ନିଯୁକ୍ତି ହେଉନି କି ଷ୍ଟାଫ ନିଯୁକ୍ତି ହେଉନି। କେବଳ କଣ୍ଟ୍ରାକ୍ଟଚୁଆଲରେ ପିଲାମାନଙ୍କୁ ରଖାଯାଇ କାମ ତୁଲାଉଛନ୍ତି। ଏସବୁ ସମସ୍ୟା ଦୂର କରିବାପାଇଁ ଗତ ବର୍ଷ ସେପ୍ଟେମ୍ବର ମାସରେ ଦଶ ଦିନ ବ୍ୟାପି ଜିଲ୍ଲା ମୁଖ୍ୟ ଚିକିତ୍ସାଳୟ ସମ୍ମୁଖରେ ଆମ୍ ଆଦମୀ ପାର୍ଟି ଆନ୍ଦୋଳନ କରିଥିଲା। ପୁନର୍ବାର ଏପରି ସମସ୍ୟା ଦେଖାଦେଲାଣି। ରକ୍ତ ପରୀକ୍ଷା ପାଇଁ ଆଉ ଗୋଟିଏ ନୂଆ ମେସିନ କିଣାଯିବା ଏବଂ ସ୍ଥାୟୀ କର୍ମଚାରୀ ନିଯୁକ୍ତି ପାଇଁ ଆମ୍ ଆଦମୀ ପାର୍ଟି ଦାବି କରୁଛି। ଏହି ସମସ୍ୟାର ତୁରନ୍ତ ସମାଧାନ ନହେଲେ ଦଳ ପୁଣି ଆନ୍ଦୋଳନ କରିବ ବୋଲି ସୂଚନା ଦେଇଛି ।

Tapasdas 6372788705

Photographer Gandia, Dhenkanal•

2 hrs ago

ପ୍ରଭୁ ରାମଙ୍କ ପ୍ରତିମୂର୍ତ୍ତି ପୂଜାର୍ଚନା କଲେ ଭବ ପ୍ରସାଦ ଦାସ ପ୍ରଭୁ ରାମଙ୍କ ପ୍ରତିମୂର୍ତ୍ତି ପୂଜାର୍ଚନା କଲେ ଭବ ପ୍ରସାଦ ଦାସ