जागतिक योग दिनानिमित्त, चंद्रपूरमधील मातोश्री लोन, जगन्नाथ बाबा नगर येथे नवजीवन योग मंडळाने एका भव्य योग प्रात्यक्षिक कार्यक्रमाचे आयोजन केले. या कार्यक्रमाला नगरसेवक तथा माजी उपमहापौर राहुल पावडे प्रमुख अतिथी म्हणून उपस्थित होते. उपस्थितांना मार्गदर्शन करताना राहुल पावडे यांनी निरोगी आणि आनंदी जीवनासाठी योगाचे महत्त्व अधोरेखित केले. आजच्या धावपळीच्या व तणावग्रस्त जीवनशैलीत शारीरिक व मानसिक आरोग्य जपण्यासाठी नियमित योगाभ्यास करणे अत्यंत आवश्यक असून, प्रत्येकाने दररोज किमान ३० मिनिटे योगासाठी दिल्यास आरोग्य उत्तम राहण्यास मदत होते, असे त्यांनी सांगितले. राहुल पावडे यांनी पंतप्रधान नरेंद्र मोदी आणि योगगुरू स्वामी रामदेव यांच्या प्रयत्नांमुळे योगाला जागतिक स्तरावर विशेष ओळख मिळाल्याचे नमूद केले. भारताची प्राचीन योग परंपरा आज जगभर पोहोचली असून, योग हा केवळ एक व्यायाम नसून उत्तम जीवनशैलीचा आधार आहे, असे सांगत त्यांनी प्रत्येक नागरिकाला योग आपल्या दैनंदिन जीवनाचा भाग बनवण्याचे आवाहन केले. कार्यक्रमादरम्यान, नवजीवन योग मंडळाच्या सदस्यांनी विविध योगासने, सूर्यनमस्कार तसेच प्राणायामाचे प्रात्यक्षिक सादर केले. परिसरातील नागरिक, महिला, युवक व ज्येष्ठ नागरिक मोठ्या संख्येने उपस्थित राहून त्यांनी उत्स्फूर्त सहभाग नोंदवला आणि योगाचे महत्त्व जाणून घेतले. नवजीवन योग मंडळाच्या पदाधिकारी व सदस्यांनी हा कार्यक्रम यशस्वी करण्यासाठी विशेष परिश्रम घेतले.

Disha News

Media house चंद्रपूर, चंद्रपूर, महाराष्ट्र•

4 hrs ago

जागतिक योग दिनानिमित्त, चंद्रपूरमधील मातोश्री लोन, जगन्नाथ बाबा नगर येथे नवजीवन योग मंडळाने एका भव्य योग प्रात्यक्षिक कार्यक्रमाचे आयोजन केले. या कार्यक्रमाला नगरसेवक तथा माजी उपमहापौर राहुल पावडे प्रमुख अतिथी म्हणून उपस्थित होते. उपस्थितांना मार्गदर्शन करताना राहुल पावडे यांनी निरोगी आणि आनंदी जीवनासाठी योगाचे महत्त्व अधोरेखित केले. आजच्या धावपळीच्या व तणावग्रस्त जीवनशैलीत शारीरिक व मानसिक आरोग्य जपण्यासाठी नियमित योगाभ्यास करणे अत्यंत आवश्यक असून, प्रत्येकाने दररोज किमान ३० मिनिटे योगासाठी दिल्यास आरोग्य उत्तम राहण्यास मदत होते, असे त्यांनी सांगितले. राहुल पावडे यांनी पंतप्रधान नरेंद्र मोदी आणि योगगुरू स्वामी रामदेव यांच्या प्रयत्नांमुळे योगाला जागतिक स्तरावर विशेष ओळख मिळाल्याचे नमूद केले. भारताची प्राचीन योग परंपरा आज जगभर पोहोचली असून, योग हा केवळ एक व्यायाम नसून उत्तम जीवनशैलीचा आधार आहे, असे सांगत त्यांनी प्रत्येक नागरिकाला योग आपल्या दैनंदिन जीवनाचा भाग बनवण्याचे आवाहन केले. कार्यक्रमादरम्यान, नवजीवन योग मंडळाच्या सदस्यांनी विविध योगासने, सूर्यनमस्कार तसेच प्राणायामाचे प्रात्यक्षिक सादर केले. परिसरातील नागरिक, महिला, युवक व ज्येष्ठ नागरिक मोठ्या संख्येने उपस्थित राहून त्यांनी उत्स्फूर्त सहभाग नोंदवला आणि योगाचे महत्त्व जाणून घेतले. नवजीवन योग मंडळाच्या पदाधिकारी व सदस्यांनी हा कार्यक्रम यशस्वी करण्यासाठी विशेष परिश्रम घेतले.