पिंपरी चिंचवड महानगरपालिकेच्या वतीने आयोजित 'विचार प्रबोधन पर्व' आणि 'पुण्यश्लोक' महानाट्याला शहरवासियांकडून उत्स्फूर्त प्रतिसाद मिळाला. १ जून २०२६ रोजी पुण्यश्लोक अहिल्यादेवी होळकर यांच्या ३०१ व्या जयंतीनिमित्त हजारो नागरिकांनी त्यांना अभिवादन केले. 'पुण्यश्लोक अहिल्यादेवी होळकरांचा विजय असो' अशा घोषणांनी नाट्यगृह दुमदुमले होते, तर पारंपरिक ढोल पथकाद्वारे मानवंदना देण्यात आली. धनगरी नृत्यासह पिंगळा आणि वासुदेव यांसारख्या कलाकारांनी विविध प्रसंगांतून अहिल्यादेवींचे कार्य सादर करत रसिकांची टाळ्यांची दाद मिळवली. महापालिकेच्या वतीने सांगवी येथील नटसम्राट निळू फुले रंगमंदिरात 'पुण्यश्लोक' या भव्य महानाट्याचे आयोजन करण्यात आले होते. सुमारे ७५ कलाकारांनी सादर केलेल्या या महानाट्यातून अहिल्यादेवींचे दूरदर्शी नेतृत्व, प्रजेप्रती असलेली अपार बांधिलकी, धर्मनिरपेक्ष दृष्टिकोन आणि समाजहितासाठी केलेले कार्य यांचे प्रभावी चित्रण करण्यात आले. आमदार शंकर जगताप यांच्या हस्ते अहिल्यादेवींच्या प्रतिमेला पुष्पहार अर्पण करून महानाट्याची सुरुवात झाली. यावेळी नगरसदस्य माऊली जगताप, कार्यकारी अभियंता विजय भोजने, जनता संपर्क अधिकारी प्रफुल्ल पुराणिक यांच्यासह माजी नगरसदस्य राजू दुर्गे, पुण्यश्लोक फाउंडेशनचे धनंजय तानले, सामाजिक कार्यकर्ते अशोक खरात, सूर्यकांत गोफणे, नवनाथ बिडे, अभिमन्यू गाडेकर, विना सोनवलकर, अजय दुधभाते, बिरू व्हनमाने, सचिन सरक, दिपक भोजने, भरत महानवर, विजय महानवर, सुनील माने, विजय अर्जुन, सुमेध कावळे, देवराम बिरगड, विठ्ठल देवकाते आणि अन्य नागरिक उपस्थित होते. नेत्रदीपक अभिनय, भव्य नेपथ्य, सुरेख प्रकाशयोजना आणि भावस्पर्शी संगीताच्या माध्यमातून साकारलेल्या या महानाट्याने प्रेक्षकांना इतिहासाच्या वैभवशाली दालनात घेऊन जाण्याचा अविस्मरणीय अनुभव दिला. याच जयंतीनिमित्त, मोरवाडी चौक, पिंपरी येथे 'विचार प्रबोधन पर्व' अंतर्गत विविध सांस्कृतिक कार्यक्रमांचे आयोजन करण्यात आले होते. अंबादास पडळकर आणि त्यांच्या ३० सहकाऱ्यांनी आकर्षक गजनृत्य सादर करत कार्यक्रमाची सुरुवात केली. त्यानंतर सामना ढोलपथक, मुंबई यांनी ढोलवादनातून अहिल्यादेवी होळकरांना अनोखे अभिवादन केले. 'सुवर्ण महाराष्ट्राचा लोकोत्सव' या विशेष कार्यक्रमातून महाराष्ट्राच्या समृद्ध लोकपरंपरा आणि सांस्कृतिक वारशाचे दर्शन घडले. भूपाळी, वासुदेव, पिंगळा, वाघ्या-मुरळी, धनगरी नृत्य, शाहिरी पोवाडे, आदिवासी आणि डोंबारी अशा विविध लोककला व व्यक्तीछटांच्या सादरीकरणाने प्रेक्षक मंत्रमुग्ध झाले. शाहिरी कार्यक्रमातून अहिल्यादेवी होळकर यांच्या कार्याचा आणि विचारांचा जागर घडवून आणण्यात आला. या सर्व कार्यक्रमांमधून लोककला, इतिहास आणि सांस्कृतिक वारसाचा अनोखा संगम अनुभवण्याची संधी नागरिकांना मिळाली, तसेच अहिल्यादेवींचे जीवन आजच्या पिढीसाठी प्रेरणेचा अखंड स्रोत असून त्यांच्या कार्याचा आदर्श समाजाने अंगीकारावा, असा संदेश देण्यात आला.

City Mirror News

Media house पिंपरी चिंचवड, पुणे, महाराष्ट्र•

17 hrs ago

पिंपरी चिंचवड महानगरपालिकेच्या वतीने आयोजित 'विचार प्रबोधन पर्व' आणि 'पुण्यश्लोक' महानाट्याला शहरवासियांकडून उत्स्फूर्त प्रतिसाद मिळाला. १ जून २०२६ रोजी पुण्यश्लोक अहिल्यादेवी होळकर यांच्या ३०१ व्या जयंतीनिमित्त हजारो नागरिकांनी त्यांना अभिवादन केले. 'पुण्यश्लोक अहिल्यादेवी होळकरांचा विजय असो' अशा घोषणांनी नाट्यगृह दुमदुमले होते, तर पारंपरिक ढोल पथकाद्वारे मानवंदना देण्यात आली. धनगरी नृत्यासह पिंगळा आणि वासुदेव यांसारख्या कलाकारांनी विविध प्रसंगांतून अहिल्यादेवींचे कार्य सादर करत रसिकांची टाळ्यांची दाद मिळवली. महापालिकेच्या वतीने सांगवी येथील नटसम्राट निळू फुले रंगमंदिरात 'पुण्यश्लोक' या भव्य महानाट्याचे आयोजन करण्यात आले होते. सुमारे ७५ कलाकारांनी सादर केलेल्या या महानाट्यातून अहिल्यादेवींचे दूरदर्शी नेतृत्व, प्रजेप्रती असलेली अपार बांधिलकी, धर्मनिरपेक्ष दृष्टिकोन आणि समाजहितासाठी केलेले कार्य यांचे प्रभावी चित्रण करण्यात आले. आमदार शंकर जगताप यांच्या हस्ते अहिल्यादेवींच्या प्रतिमेला पुष्पहार अर्पण करून महानाट्याची सुरुवात झाली. यावेळी नगरसदस्य माऊली जगताप, कार्यकारी अभियंता विजय भोजने, जनता संपर्क अधिकारी प्रफुल्ल पुराणिक यांच्यासह माजी नगरसदस्य राजू दुर्गे, पुण्यश्लोक फाउंडेशनचे धनंजय तानले, सामाजिक कार्यकर्ते अशोक खरात, सूर्यकांत गोफणे, नवनाथ बिडे, अभिमन्यू गाडेकर, विना सोनवलकर, अजय दुधभाते, बिरू व्हनमाने, सचिन सरक, दिपक भोजने,

भरत महानवर, विजय महानवर, सुनील माने, विजय अर्जुन, सुमेध कावळे, देवराम बिरगड, विठ्ठल देवकाते आणि अन्य नागरिक उपस्थित होते. नेत्रदीपक अभिनय, भव्य नेपथ्य, सुरेख प्रकाशयोजना आणि भावस्पर्शी संगीताच्या माध्यमातून साकारलेल्या या महानाट्याने प्रेक्षकांना इतिहासाच्या वैभवशाली दालनात घेऊन जाण्याचा अविस्मरणीय अनुभव दिला. याच जयंतीनिमित्त, मोरवाडी चौक, पिंपरी येथे 'विचार प्रबोधन पर्व' अंतर्गत विविध सांस्कृतिक कार्यक्रमांचे आयोजन करण्यात आले होते. अंबादास पडळकर आणि त्यांच्या ३० सहकाऱ्यांनी आकर्षक गजनृत्य सादर करत कार्यक्रमाची सुरुवात केली. त्यानंतर सामना ढोलपथक, मुंबई यांनी ढोलवादनातून अहिल्यादेवी होळकरांना अनोखे अभिवादन केले. 'सुवर्ण महाराष्ट्राचा लोकोत्सव' या विशेष कार्यक्रमातून महाराष्ट्राच्या समृद्ध लोकपरंपरा आणि सांस्कृतिक वारशाचे दर्शन घडले. भूपाळी, वासुदेव, पिंगळा, वाघ्या-मुरळी, धनगरी नृत्य, शाहिरी पोवाडे, आदिवासी आणि डोंबारी अशा विविध लोककला व व्यक्तीछटांच्या सादरीकरणाने प्रेक्षक मंत्रमुग्ध झाले. शाहिरी कार्यक्रमातून अहिल्यादेवी होळकर यांच्या कार्याचा आणि विचारांचा जागर घडवून आणण्यात आला. या सर्व कार्यक्रमांमधून लोककला, इतिहास आणि सांस्कृतिक वारसाचा अनोखा संगम अनुभवण्याची संधी नागरिकांना मिळाली, तसेच अहिल्यादेवींचे जीवन आजच्या पिढीसाठी प्रेरणेचा अखंड स्रोत असून त्यांच्या कार्याचा आदर्श समाजाने अंगीकारावा, असा संदेश देण्यात आला.