खालसा म्हाळुंगे-मलंगड येथे जिवंत कासव, साळींदराचे मांस जप्त; दोघांना अटक, दोघे फरार वनपथकाची धडक कारवाई; शिकारीचे साहित्य व मोबाईलसह १ लाख १८ हजार ८२० रुपयांचा मुद्देमाल जप्त चंदगड प्रतिनिधी : संजय आगाशे चंदगड तालुक्यातील पाटणे वनपरिक्षेत्राच्या हद्दीतील तुडयेपासून काही अंतरावर असलेल्या खालसा म्हाळुंगे-मलंगड येथे वनपथकाने धडक कारवाई करत एका घरावर छापा टाकला. या कारवाईत जिवंत कासव तसेच साळींदराची शिकार करून त्याचे मांस शिजविले जात असल्याचे निदर्शनास आले. वनपथकाने घटनास्थळावरून साळींदराचे शिल्लक मांस, शिकारीसाठी वापरण्यात आलेले साहित्य, मोबाईल फोन तसेच मांस शिजविण्यासाठी वापरलेली भांडी असा एकूण १ लाख १८ हजार ८२० रुपयांचा मुद्देमाल जप्त केला. वनपथकाला मिळालेल्या गुप्त माहितीनुसार खालसा म्हाळुंगे-मलंगड येथील एका घरावर छापा टाकण्यात आला. यावेळी घरामध्ये जिवंत कासव पकडून ठेवलेले आढळून आले. तसेच साळींदराची शिकार करून त्याचे मांस शिजविले जात असल्याचेही वनकर्मचाऱ्यांच्या निदर्शनास आले. त्यानंतर वनविभागाने तातडीने कारवाई करत संबंधित साहित्य व मुद्देमाल ताब्यात घेतला. वनपथकाच्या कारवाईदरम्यान संशयितांपैकी दोघे जण घटनास्थळावरून पसार झाले. या प्रकरणात पुंडलिक निंगाप्पा गुरव (वय ४६, रा. खालसा म्हाळुंगे-मलंगड, ता. चंदगड, मूळ रा. गोल्याळी, ता. खानापूर, जि. बेळगाव), देवाप्पा बाबू कुलम (वय ३४), रामलिंग धोंडीबा गवस (वय ३१) आणि तुकाराम शंकर गावडे (वय ४०, तिघेही रा. गोल्याळी, ता. खानापूर, जि. बेळगाव) यांच्याविरुद्ध गुन्हा दाखल करण्यात आला आहे. यापैकी दोघांना अटक करण्यात आली असून दोघे जण फरार झाले आहेत. ही कारवाई पाटणे वनपरिक्षेत्राचे वनक्षेत्रपाल शितल पाटील, वनपाल वर्षा पावसकर, जॉन्सन डिसोझा, बाळासाहेब भांडकोळी, वनरक्षक श्रेया रायके यांच्यासह अन्य वनकर्मचाऱ्यांच्या पथकाने केली. दरम्यान, घटनास्थळावरून फरार झालेल्या दोन्ही संशयितांचा वनविभागाकडून शोध सुरू आहे. वन्यजीवांची शिकार व त्यांची बेकायदेशीर विक्री अथवा तस्करी करणाऱ्यांविरोधात वनविभागाने कठोर कारवाईचा इशारा दिला आहे. या कारवाईमुळे वन्यजीव संरक्षणाबाबत वनविभागाची दक्षता पुन्हा एकदा अधोरेखित झाली आहे.

Sanjay Aagashe

Accountant चांदगड, कोल्हापूर, महाराष्ट्र•

3 hrs ago

खालसा म्हाळुंगे-मलंगड येथे जिवंत कासव, साळींदराचे मांस जप्त; दोघांना अटक, दोघे फरार वनपथकाची धडक कारवाई; शिकारीचे साहित्य व मोबाईलसह १ लाख १८ हजार ८२० रुपयांचा मुद्देमाल जप्त चंदगड प्रतिनिधी : संजय आगाशे चंदगड तालुक्यातील पाटणे वनपरिक्षेत्राच्या हद्दीतील तुडयेपासून काही अंतरावर असलेल्या खालसा म्हाळुंगे-मलंगड येथे वनपथकाने धडक कारवाई करत एका घरावर छापा टाकला. या कारवाईत जिवंत कासव तसेच साळींदराची शिकार करून त्याचे मांस शिजविले जात असल्याचे निदर्शनास आले. वनपथकाने घटनास्थळावरून साळींदराचे शिल्लक मांस, शिकारीसाठी वापरण्यात आलेले साहित्य, मोबाईल फोन तसेच मांस शिजविण्यासाठी वापरलेली भांडी असा एकूण १ लाख १८ हजार ८२० रुपयांचा मुद्देमाल जप्त केला. वनपथकाला मिळालेल्या गुप्त माहितीनुसार खालसा म्हाळुंगे-मलंगड येथील एका घरावर छापा टाकण्यात आला. यावेळी घरामध्ये जिवंत कासव पकडून ठेवलेले आढळून आले. तसेच साळींदराची शिकार करून त्याचे मांस शिजविले जात असल्याचेही वनकर्मचाऱ्यांच्या निदर्शनास आले. त्यानंतर वनविभागाने तातडीने कारवाई करत संबंधित साहित्य व मुद्देमाल ताब्यात घेतला. वनपथकाच्या कारवाईदरम्यान संशयितांपैकी दोघे जण घटनास्थळावरून पसार झाले. या प्रकरणात पुंडलिक निंगाप्पा गुरव (वय ४६, रा. खालसा म्हाळुंगे-मलंगड, ता. चंदगड, मूळ रा. गोल्याळी, ता. खानापूर, जि. बेळगाव), देवाप्पा बाबू कुलम (वय ३४), रामलिंग धोंडीबा गवस (वय ३१) आणि तुकाराम शंकर गावडे (वय ४०, तिघेही रा. गोल्याळी, ता. खानापूर, जि. बेळगाव) यांच्याविरुद्ध गुन्हा दाखल करण्यात आला आहे. यापैकी दोघांना अटक करण्यात आली असून दोघे जण फरार झाले आहेत. ही कारवाई पाटणे वनपरिक्षेत्राचे वनक्षेत्रपाल शितल पाटील, वनपाल वर्षा पावसकर, जॉन्सन डिसोझा, बाळासाहेब भांडकोळी, वनरक्षक श्रेया रायके यांच्यासह अन्य वनकर्मचाऱ्यांच्या पथकाने केली. दरम्यान, घटनास्थळावरून फरार झालेल्या दोन्ही संशयितांचा वनविभागाकडून शोध सुरू आहे. वन्यजीवांची शिकार व त्यांची बेकायदेशीर विक्री अथवा तस्करी करणाऱ्यांविरोधात वनविभागाने कठोर कारवाईचा इशारा दिला आहे. या कारवाईमुळे वन्यजीव संरक्षणाबाबत वनविभागाची दक्षता पुन्हा एकदा अधोरेखित झाली आहे.