ଓଡ଼ିଶା ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଡେଙ୍ଗାପଦର ଗ୍ରାମ ପଞ୍ଚାୟତ ସ୍ତରରେ "ବିକାଶର ଧାରା ଓଡ଼ିଶା ସାର" କାର୍ଯ୍ୟକ୍ରମ ଆୟୋଜିତ ହୋଇଛି।

ଓଡ଼ିଶା ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଡେଙ୍ଗାପଦର ଗ୍ରାମ ପଞ୍ଚାୟତ ସ୍ତରରେ "ବିକାଶର ଧାରା ଓଡ଼ିଶା ସାର" କାର୍ଯ୍ୟକ୍ରମ ଆୟୋଜିତ ହୋଇଛି।

ଦୂର୍ବନ୍ଧ ଗ୍ରାମର ବୈଷ୍ଣବ ନଗରରେ ରାସ୍ତା ଏବଂ ନାଳ ନିର୍ମାଣ କାର୍ଯ୍ୟ ତୁରନ୍ତ ଆରମ୍ଭ କରିବାକୁ ଦାବି କରାଯାଇଛି। ଏହି ଅଞ୍ଚଳରେ ପ୍ରାୟ ୨୦ଟି ପରିବାର ବସବାସ କରୁଛନ୍ତି। ସ୍ଥାନୀୟ ପଞ୍ଚାୟତକୁ ଏ ବିଷୟରେ ଜଣାଇବାରୁ, ସେମାନେ କହିଛନ୍ତି ଯେ ପ୍ଲଟ ମାଲିକମାନେ ପଞ୍ଚାୟତକୁ ଜମି ହସ୍ତାନ୍ତର କରିନାହାନ୍ତି। ଏହାର ପ୍ରତିବାଦରେ ଗ୍ରାମବାସୀ ପ୍ରଶ୍ନ କରିଛନ୍ତି ଯେ, ଯଦି ଜମି ପଞ୍ଚାୟତକୁ ହସ୍ତାନ୍ତର କରାଯାଇନାହିଁ, ତେବେ ପଞ୍ଚାୟତ କିପରି ବିଦ୍ୟୁତ୍ ଏବଂ ପାଣି ସଂଯୋଗ ଯୋଗାଇଲା? ଏଣୁ, ବୈଷ୍ଣବ ନଗରରେ ରାସ୍ତା ଓ ନାଳ କାମ ଶୀଘ୍ର ଆରମ୍ଭ ହେଲେ ସାହିର ସମସ୍ତ ଲୋକ ସହଯୋଗ କରିବେ ବୋଲି ପ୍ରତିଶ୍ରୁତି ଦିଆଯାଇଛି।

ଗଞ୍ଜାମ ଜିଲ୍ଲାର ହିଞ୍ଜିଳିକାଟୁଠାରେ ଏକ ଅଭାବନୀୟ ଘଟଣା ଘଟିଛି, ଯେଉଁଥିରେ ଏକ ଆବାସିକ ବିଦ୍ୟାଳୟ ହଷ୍ଟେଲରୁ ଜଣେ ନବମ ଶ୍ରେଣୀ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି।

ଗଞ୍ଜାମ ଏନଏସିର ୫ ନମ୍ବର ୱାର୍ଡରେ, ପୁରୁଣା ପେଟ୍ରୋଲ ପମ୍ପରୁ ଲକ୍ଷ୍ମୀ ମହାନ୍ତିଙ୍କ ଘର ପର୍ଯ୍ୟନ୍ତ ୪୦୦ ମିଟର ଫେବର ବ୍ଲକ ରାସ୍ତା ନିର୍ମାଣ ପାଇଁ ୧୫ ଲକ୍ଷ ୮୦ ହଜାର ଟଙ୍କା ଅନୁମୋଦିତ ହୋଇଥିଲା। ଏହି କାର୍ଯ୍ୟ ୨୪/୦୬/୨୦୨୬ ରେ ଆରମ୍ଭ ହୋଇଥିବା କୁହାଯାଇଛି। କିନ୍ତୁ ଦୁଃଖର ବିଷୟ ଯେ, ଏହି ରାସ୍ତା ନିର୍ମାଣ କାର୍ଯ୍ୟ ସରିବାର ମାତ୍ର ଦୁଇ ମାସ ମଧ୍ୟରେ ରାସ୍ତାର ଗାର୍ଡ ୱାଲ ଭାଙ୍ଗିଯାଇଛି ଏବଂ ରାସ୍ତାଟି ମଧ୍ୟ ଦବିଯାଉଥିବାର ନଜରକୁ ଆସିଛି। ଏହିଭଳି ନିମ୍ନମାନର କାର୍ଯ୍ୟ କରି ଠିକାଦାର ମାଲେମାଲ ହୋଇଥିବା ଅଭିଯୋଗ ହୋଇଛି। ଏଥିପ୍ରତି ଗଞ୍ଜାମ ଏନଏସି ପ୍ରଶାସନ ଆଗାମୀ ଦିନରେ ଠିକାଦାରଙ୍କ ପ୍ରତି କି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି, ତାହା ଦେଖିବାକୁ ବାକି ରହିଲା।

ଗଞ୍ଜାମ ଜିଲ୍ଲା ବ୍ରହ୍ମପୁରର ଗୋଳନ୍ଥରା ଥାନା ଅଧୀନରେ ଥିବା ଏକ ଘରୋଇ ଇଞ୍ଜିନିୟରିଂ କଲେଜ ହଷ୍ଟେଲରୁ ଜଣେ ଛାତ୍ରୀଙ୍କ ମୃତଦେହ ଉଦ୍ଧାର ଘଟଣା ପୋଲିସ ପାଇଁ ଚିନ୍ତାର କାରଣ ପାଲଟିଛି। ମୃତ ଛାତ୍ରୀ ଜଣକ ବୁଗୁଡ଼ା ଥାନା ଅନ୍ତର୍ଗତ ଘୋଡାପଡା ଗ୍ରାମର ସ୍ମୃତି ଭୋଳ ବୋଲି ଜଣାପଡିଥିବା ବେଳେ, ପୋଲିସ କହିଛି ଯେ ଏହି ଘଟଣାରେ ଛାତ୍ରୀଙ୍କ ପୁରୁଷ ବନ୍ଧୁ ତଥା ମନ୍ତ୍ରୀ ବିଭୂତି ଜେନାଙ୍କ ପୁତୁରା ବିଶ୍ୱଜିତ ଜେନାଙ୍କୁ ଗିରଫ କରାଯାଇଛି। ତେବେ ଗିରଫ ପରେ ଅଭିଯୁକ୍ତଙ୍କ ଫୋଟ ମୃତକଙ୍କ ପରିବାର କିମ୍ବା ସାମ୍ବାଦିକମାନଙ୍କୁ ହସ୍ତାନ୍ତର କରାନଯାଇଥିବାରୁ ପରିବାର ସଦସ୍ୟମାନେ ଏହାକୁ ନେଇ ସନ୍ଦେହ ପ୍ରକାଶ କରିଛନ୍ତି। ସେମାନେ ଅଭିଯୋଗ କରିଛନ୍ତି ଯେ ଶକ୍ତିଶାଳୀ ମନ୍ତ୍ରୀଙ୍କ ଚାପରେ ପୋଲିସ ଅଭିଯୁକ୍ତ ବିଶ୍ୱଜିତଙ୍କ ବଦଳରେ ଅନ୍ୟ କାହାକୁ ଗିରଫ କରିଥିବା ସନ୍ଦେହ ରହିଛି। ଗିରଫ ପରେ ପରିବାର ସଦସ୍ୟମାନେ ବ୍ରହ୍ମପୁର ଏସପିଙ୍କୁ ଭେଟି ଅଭିଯୁକ୍ତଙ୍କ ଗିରଫ ସମୟର ଫୋଟ ଓ ଭିଡିଓ ମାଗିଥିବା ବେଳେ, ପୋଲିସ ବର୍ତ୍ତମାନ ସୁଦ୍ଧା ତାହା ପ୍ରଦାନ କରିବାରେ ଅସମର୍ଥ ରହିଛି। ମଦ, ଜୁଆ କିମ୍ବା ଅନ୍ୟ କୌଣସି ଘଟଣା ଘଟିଲେ ଗିରଫ ଅଭିଯୁକ୍ତମାନଙ୍କ ଫୋଟ ପୋଲିସ ସୋସିଆଲ ମିଡିଆ ଏବଂ ଗଣମାଧ୍ୟମରେ ଦେଉଥିବା ବେଳେ ଏତେବଡ଼ ସମ୍ବେଦନଶୀଳ ଘଟଣାରେ ପୋଲିସ ଅଭିଯୁକ୍ତକୁ ଘଣ୍ଟ ଘୋଡ଼ାଇବା ଘଟଣାକୁ ନେଇ ମୃତକଙ୍କ ପରିବାର ପୋଲିସର କାର୍ଯ୍ୟ ଉପରେ ସିଧାସଳଖ ପ୍ରଶ୍ନ ଉଠାଇଛନ୍ତି। ମୃତ ଛାତ୍ରୀଙ୍କ ସମ୍ପର୍କୀୟମାନେ ପୋଲିସର କାର୍ଯ୍ୟକୁ ନାପସନ୍ଦ କରିବା ସହ ପୋଲିସ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି।

ଗଞ୍ଜାମ ଜିଲ୍ଲାର ବୁଗୁଡ଼ା ବ୍ଲକ ଅଧ୍ୟକ୍ଷା କେ ପ୍ରିୟଦର୍ଶିନୀ ଆଚାରୀ ବିଜେପିରୁ ପୁଣି ବିଜେଡିକୁ ଫେରିବା ପରେ ବୁଗୁଡ଼ା ରାଜନୀତିରେ ହଟଚମଟ ସୃଷ୍ଟି ହୋଇଛି। ଅଧ୍ୟକ୍ଷା ମନ୍ତ୍ରୀ ଗୋକୁଳାନନ୍ଦ ମଲ୍ଲିକଙ୍କ ଉପରେ ସାଙ୍ଘାତିକ ଅଭିଯୋଗ ଆଣିଛନ୍ତି ଯେ, ସେ ମନ୍ତ୍ରୀଙ୍କ ପାଇଁ ଦଳ ଛାଡ଼ିଥିଲେ, ମନ୍ତ୍ରୀ ତାଙ୍କ ସ୍ୱାମୀଙ୍କ କ୍ରସର ବ୍ୟବସାୟକୁ କ୍ଷତି ପହଞ୍ଚାଇଛନ୍ତି, ବ୍ଲକରେ ଦୁଇ ବର୍ଷ ହେଲା ଉନ୍ନୟନମୂଳକ କାମ ଠପ୍ ହୋଇଛି, ତାଙ୍କୁ ସବୁ ସ୍ଥାନରେ ଅସମ୍ମାନ କରାଯିବା ସହ ତାଙ୍କ ଜିନିଷପତ୍ର ଭଙ୍ଗାରୁଜା କରାଯାଇଛି ଏବଂ ସ୍କୁଲ ଫଳକରୁ ତାଙ୍କ ନାମ ଜାଣିଶୁଣି ବାଦ ଦିଆଯାଇଛି। ଏହି ବିବାଦୀୟ ମନ୍ତବ୍ୟ ପରେ ଏବେ ସୋଡକ ଓ ଢୁଙ୍କାପଡା ପାହାଡ଼କୁ ନେଇ ପ୍ରଶ୍ନ ଉଠିଛି। ସୋଡ଼କ ଗ୍ରାମବାସୀ ଅଭିଯୋଗ କରିଛନ୍ତି ଯେ, ଅଧ୍ୟକ୍ଷାଙ୍କ ସ୍ୱାମୀ କେ ନୀଳମାଧବ ଆଚାରୀ ସରକାରୀ ନିୟମକୁ ଉଲ୍ଲଂଘନ କରି ବାରୁଦ ସାହାଯ୍ୟରେ ବିସ୍ଫୋରଣ କରି ଅଢ଼େଇ ଶହ ଫୁଟରୁ ଅଧିକ ପାହାଡ଼ ଖୋଳି ପଥର ଉଠାଇଛନ୍ତି। ସେମାନେ ଆହୁରି କହିଛନ୍ତି ଯେ ଏହି ବ୍ଲାଷ୍ଟିଂ ଯୋଗୁଁ ଅନେକ ଘର ଫାଟିବା ସହ ବନ୍ୟଜନ୍ତୁଙ୍କ ଜୀବନ ହାନି ହୋଇଛି ଏବଂ ବ୍ୟାପକ ଧନଜୀବନ କ୍ଷତିଗ୍ରସ୍ତ ହୋଇଛି। ଗ୍ରାମବାସୀ ଲିଜଧାରୀ କେ ନୀଳମାଧବ ଆଚାରୀଙ୍କ ବିରୋଧରେ ଉଚିତ୍ ତଦନ୍ତ ଓ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ସୋଡକ ସରପଞ୍ଚ ଉତ୍କଳ ପ୍ରଧାନ ଏକ ସାଙ୍ଘାତିକ ଅଭିଯୋଗ ଆଣିଛନ୍ତି ଯେ କୌଣସି ପଲ୍ଲୀ ସଭା ନକରି, ଦିବାଲୋକରେ ଭାରି ବିସ୍ଫୋରକ ସାମଗ୍ରୀ ବ୍ୟବହାର କରି ବେଆଇନ ଭାବେ ପାହାଡ଼ ଖନନ ପାଇଁ ଜିଲ୍ଲା ପ୍ରଶାସନ ଓ ଖଣି ବିଭାଗ କିପରି ଅନୁମତି ଦେଲା ତାହା ଆଶ୍ଚର୍ଯ୍ୟଜନକ। ଅନ୍ୟପକ୍ଷରେ, ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ମଧ୍ୟ ଢୁଙ୍କାପଡା ଗ୍ରାମରେ ଥିବା ଦହି ମୁଣ୍ଡିଆ ପାହାଡ଼ରେ ବେଆଇନ ଖଣି ଖନନ କରି ସରକାରୀ ଜମିରେ ନିଜ ଇଚ୍ଛାରେ ରାସ୍ତା ନିର୍ମାଣ କରି ପଥର ଲୁଟ୍ ହୋଇଥିବା ଅଭିଯୋଗ କରିଛନ୍ତି। ସେ ସୋଡକ ଓ ଢୁଙ୍କାପଡା ଗ୍ରାମର ବାସିନ୍ଦାଙ୍କ ବାରମ୍ବାର ଅଭିଯୋଗ ପରେ ଦୁଇ ପାହାଡ଼ର ତଦନ୍ତ କରି ଉଚିତ ପଦକ୍ଷେପ ନେବା ପାଇଁ ଖଣି ବିଭାଗ ଅଧିକାରୀଙ୍କ ସହ ଆଲୋଚନା କରିଥିବା ପ୍ରକାଶ କରିଛନ୍ତି। ଯୁବ ନେତା ପ୍ରଭାକର ପଣ୍ଡା ଓ ଦୀପକ ପ୍ରଧାନ ମଧ୍ୟ ବେଆଇନ ଭାବେ ବିସ୍ଫୋରକ ବ୍ୟବହାର କରି ପଥର ଖନନ ଓ ଲୁଟକୁ ନିନ୍ଦା କରିଛନ୍ତି। ତେବେ, ପାହାଡ଼ ଲିଜଧାରୀ କେ ନୀଳମାଧବ ଆଚାରୀ ନିଜ ପ୍ରତିକ୍ରିୟାରେ କହିଛନ୍ତି ଯେ, ସେ ସରକାରଙ୍କ ନିତିନିୟମ ଅନୁସାରେ ସମସ୍ତ ତଥ୍ୟ ପ୍ରଦାନ କରି ଲିଜ୍ ପାଇଛନ୍ତି ଏବଂ କୌଣସି ବେଆଇନ ଖଣି ଖନନ ହୋଇନାହିଁ। ତାଙ୍କ ମତରେ ଏହି ଅଭିଯୋଗ ସମ୍ପୂର୍ଣ୍ଣ ମିଥ୍ୟା ଅଟେ। ସେ ଆହୁରି ମଧ୍ୟ କହିଛନ୍ତି ଯେ, ଉକ୍ତ ପାହାଡ଼ ସମସ୍ୟାକୁ ନେଇ ଖଣି ବିଭାଗ, ଜିଲ୍ଲା ପ୍ରଶାସନ, ପଲ୍ୟୁସନ କଣ୍ଟ୍ରୋଲ ବୋର୍ଡ଼ ଏବଂ ଗ୍ରୀନ୍ ଟ୍ରିବ୍ୟୁନାଲ ବିରୋଧରେ ହାଇକୋର୍ଟରେ ଜନସ୍ୱାର୍ଥ ମାମଲା ରୁଜୁ କରାଯାଇଛି ଏବଂ ତାଙ୍କର କୌଣସି ଅସୁବିଧା ହେବ ନାହିଁ। (ରିପୋର୍ଟ: ଗଣେଶ ପାଣିଗ୍ରାହୀ)

ଗଜପତି ଜିଲ୍ଲାର ମୋହନା ଥାନା ଅନ୍ତର୍ଗତ ଜରଉ ଘାଟିରେ ଏକ ହାଇବା ଓଲଟି ପଡ଼ିବାରୁ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ କରିବା ସହ ମୃତକଙ୍କୁ ମେଡିକାଲରେ ଭର୍ତ୍ତି କରିଛି।

ଓଡ଼ିଶା ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ବାଲିପଡ଼ା ଗ୍ରାମ ପଞ୍ଚାୟତ ସ୍ତରରେ ଏକ କାର୍ଯ୍ୟକ୍ରମ ଆୟୋଜିତ ହୋଇଛି। ଏହି ପରିପ୍ରେକ୍ଷୀରେ 'ବିକାଶର ଧାରା ଓଡ଼ିଶା ସାର' କାର୍ଯ୍ୟକ୍ରମ ପାଳନ କରାଯାଇଛି।