మాచర్ల పట్టణంలో తన కూతురు ప్రేమించిన వ్యక్తిని పెళ్లి చేసుకుందన్న కోపంతో కన్నతండ్రే ఆమెను హత్య చేశాడు. గుండెలపై ఆడించుకున్న చేతులతోనే గొంతునులిమి చంపిన తండ్రి, ఈ హత్యను ఆత్మహత్యగా చిత్రీకరించడానికి పక్కా ప్రణాళికతో ప్రయత్నించాడు. అయితే, సాంకేతిక ఆధారాలతో ఇది హత్యే అని నిర్ధారించిన పోలీసులు, నిందితుడిని అదుపులోకి తీసుకొని విచారిస్తున్నారు. 22వ వార్డు యాదవ బజార్‌కు చెందిన చంద్రశ్రీను కుమార్తె చౌడేశ్వరి ఇంటర్ వరకు చదివింది. ఆమె తమ ఇంటికి సమీపంలో ఉండే జమ్మలమడకకు చెందిన నాగరాజుతో ప్రేమలో పడి, పెద్దలు ఒప్పుకోరని భావించి ఇంటి నుండి వెళ్లిపోయి వివాహం చేసుకుంది. వారు కొన్ని రోజులు చెన్నైలో ఉండి, ఆపై నర్సరావుపేటలోని స్నేహితుడి ఇంటికి చేరుకున్నారు. కూతురు వెళ్లిపోవడంతో చంద్రశ్రీను పోలీసులకు ఫిర్యాదు చేయగా, వారం రోజులైనా ఆచూకీ లభించకపోవడంతో మాచర్ల పోలీస్ స్టేషన్ వద్ద పెట్రోల్ పోసుకొని ఆత్మహత్యాయత్నానికి ప్రయత్నించాడు. గురజాల డీఎస్పీ రంగంలోకి దిగి ఆచూకీ కనుగొంటామని హామీ ఇవ్వడంతో, చంద్రశ్రీను బంధువులతో కలిసి ఇంటికి వెళ్ళాడు. మూడు రోజుల తర్వాత, పోలీసులు చౌడేశ్వరి, నాగరాజు ఆచూకీ కనుగొని మాచర్ల పోలీస్ స్టేషన్‌కు తీసుకువచ్చారు. ఇరువర్గాల పెద్దమనుషులతో మాట్లాడించిన పోలీసులు, ఇరువురూ మేజర్లు కావడంతో తామేమీ చేయలేమని తెలిపారు. అనంతరం జరిగిన పంచాయితీలో చౌడేశ్వరి నాగరాజు వద్దే ఉంటానని స్పష్టం చేసింది. అయితే, ఐదు రోజులు ఎవరింటికి వాళ్లు వెళ్లి, ఆ తర్వాతే నిర్ణయం తీసుకోవాలని పెద్దమనుషులు సూచించారు. చంద్రశ్రీను చౌడేశ్వరిని తన ఇంటికి తీసుకువచ్చిన తర్వాత, మరుసటి రోజు ఆమె ఉరివేసుకొని చనిపోయిందని అందరికీ చెప్పాడు. దీంతో అంతా మనస్తాపంతోనే మరణించిందని భావించారు. కానీ, పోలీసులు కేసు నమోదు చేసి పోస్టుమార్టం నిర్వహించగా అసలు నిజం వెలుగులోకి వచ్చింది. చౌడేశ్వరిని ఆమె తండ్రే చంపి, కొన ఊపిరితో ఉండగానే ఉరివేసినట్లు నివేదికలో తేలింది. ఈ నేపథ్యంలో పోలీసులు చంద్రశ్రీనును అరెస్టు చేసి విచారణ జరుపుతున్నారు. తమకు ఇష్టం లేని ప్రేమ వివాహం చేసుకుందన్న ఒకే ఒక్క కారణంతో కన్న కూతురిని హత్య చేసి, ఆత్మహత్యగా చిత్రీకరించిన ఈ తండ్రి తీరును అందరూ అసహ్యించుకుంటున్నారు.

Y.S.RAJ KUMAR PATNAIK

Marketing Executive మహారాణిపేట, విశాఖపట్నం, ఆంధ్రప్రదేశ్•

2 hrs ago

మాచర్ల పట్టణంలో తన కూతురు ప్రేమించిన వ్యక్తిని పెళ్లి చేసుకుందన్న కోపంతో కన్నతండ్రే ఆమెను హత్య చేశాడు. గుండెలపై ఆడించుకున్న చేతులతోనే గొంతునులిమి చంపిన తండ్రి, ఈ హత్యను ఆత్మహత్యగా చిత్రీకరించడానికి పక్కా ప్రణాళికతో ప్రయత్నించాడు. అయితే, సాంకేతిక ఆధారాలతో ఇది హత్యే అని నిర్ధారించిన పోలీసులు, నిందితుడిని అదుపులోకి తీసుకొని విచారిస్తున్నారు. 22వ వార్డు యాదవ బజార్‌కు చెందిన చంద్రశ్రీను కుమార్తె చౌడేశ్వరి ఇంటర్ వరకు చదివింది. ఆమె తమ ఇంటికి సమీపంలో ఉండే జమ్మలమడకకు చెందిన నాగరాజుతో ప్రేమలో పడి, పెద్దలు ఒప్పుకోరని భావించి ఇంటి నుండి వెళ్లిపోయి వివాహం చేసుకుంది. వారు కొన్ని రోజులు చెన్నైలో ఉండి, ఆపై నర్సరావుపేటలోని స్నేహితుడి ఇంటికి చేరుకున్నారు. కూతురు వెళ్లిపోవడంతో చంద్రశ్రీను పోలీసులకు ఫిర్యాదు చేయగా, వారం రోజులైనా ఆచూకీ లభించకపోవడంతో మాచర్ల పోలీస్ స్టేషన్ వద్ద పెట్రోల్ పోసుకొని ఆత్మహత్యాయత్నానికి ప్రయత్నించాడు. గురజాల డీఎస్పీ రంగంలోకి దిగి ఆచూకీ కనుగొంటామని హామీ ఇవ్వడంతో, చంద్రశ్రీను బంధువులతో కలిసి ఇంటికి వెళ్ళాడు. మూడు రోజుల తర్వాత, పోలీసులు చౌడేశ్వరి, నాగరాజు ఆచూకీ కనుగొని మాచర్ల పోలీస్ స్టేషన్‌కు తీసుకువచ్చారు. ఇరువర్గాల పెద్దమనుషులతో మాట్లాడించిన పోలీసులు, ఇరువురూ మేజర్లు కావడంతో తామేమీ చేయలేమని తెలిపారు. అనంతరం జరిగిన పంచాయితీలో చౌడేశ్వరి నాగరాజు వద్దే ఉంటానని స్పష్టం చేసింది. అయితే, ఐదు రోజులు ఎవరింటికి వాళ్లు వెళ్లి, ఆ తర్వాతే నిర్ణయం తీసుకోవాలని పెద్దమనుషులు సూచించారు. చంద్రశ్రీను చౌడేశ్వరిని తన ఇంటికి తీసుకువచ్చిన తర్వాత, మరుసటి రోజు ఆమె ఉరివేసుకొని చనిపోయిందని అందరికీ చెప్పాడు. దీంతో అంతా మనస్తాపంతోనే మరణించిందని భావించారు. కానీ, పోలీసులు కేసు నమోదు చేసి పోస్టుమార్టం నిర్వహించగా అసలు నిజం వెలుగులోకి వచ్చింది. చౌడేశ్వరిని ఆమె తండ్రే చంపి, కొన ఊపిరితో ఉండగానే ఉరివేసినట్లు నివేదికలో తేలింది. ఈ నేపథ్యంలో పోలీసులు చంద్రశ్రీనును అరెస్టు చేసి విచారణ జరుపుతున్నారు. తమకు ఇష్టం లేని ప్రేమ వివాహం చేసుకుందన్న ఒకే ఒక్క కారణంతో కన్న కూతురిని హత్య చేసి, ఆత్మహత్యగా చిత్రీకరించిన ఈ తండ్రి తీరును అందరూ అసహ్యించుకుంటున్నారు.