ଯୌଥ ପରିବାର ବ୍ୟବସ୍ଥା ଦିନେ ହିନ୍ଦୁ ଧର୍ମାବଲମ୍ବୀମାନଙ୍କ ସାମାଜିକ ଓ ଆର୍ଥିକ ବ୍ୟବସ୍ଥାର ମୁଖ୍ୟ ଆଧାର ଥିଲା। କିନ୍ତୁ ସମୟ ବଦଳିବା ସହ ଲୋକେ ଏକୁଟିଆ ଏବଂ ଅଲଗା ରହିଲେ ଅଧିକ ଖୁସି ପାଇବେ ଭାବି ନିଜକୁ ଏହି ବ୍ୟବସ୍ଥାରୁ ଦୂରେଇ ନେଲେ, ଯାହାଫଳରେ ସମସ୍ତଙ୍କ ଘର ଭାଙ୍ଗିଗଲା। ପୂର୍ବରୁ ଯେଉଁ ପରିବାରରେ ୧୨, ୧୫ କିମ୍ବା ୧୮ ଜଣ ସଦସ୍ୟ ଏକାଠି ରହୁଥିଲେ, ଏବେ ସେଠାରେ ମାତ୍ର ୩ ରୁ ୪ ଜଣ ରହୁଛନ୍ତି। ପାରିବାରିକ ସମ୍ପର୍କ ଏତେ ବିଗିଡିଗଲାଣି ଯେ ଘରେ ଗୋଟିଏ ପୁଅ ଥିଲେ ମଧ୍ୟ ସେ ମାଆବାପାଙ୍କୁ ଅଲଗା କରିଦେଉଛି। ଆଜିର ସମୟରେ ଲୋକେ ପୁଣି ସେହି ପୁରୁଣା ଦିନକୁ ଝୁରୁଥିଲେ ମଧ୍ୟ ସେହି ଯୌଥ ପାରିବାରିକ ବ୍ୟବସ୍ଥାକୁ ପୁଣି ଥରେ ଆରମ୍ଭ କରିବା ଆଉ ସମ୍ଭବ ହେଉନାହିଁ। ଏଭଳି ସମୟରେ ମଧ୍ୟ ଆମ ଦେଶରେ କିଛି ପରିବାର ଅଛନ୍ତି ଯେଉଁମାନେ ଏବେ ବି ଯୌଥ ପରିବାର ବ୍ୟବସ୍ଥାକୁ ବଜାୟ ରଖିଛନ୍ତି। ଆନ୍ଧ୍ରପ୍ରଦେଶର ଅନନ୍ତପୁର ଜିଲ୍ଲା ଅନ୍ତର୍ଗତ କୁରଲାପଲ୍ଲୀ ଗ୍ରାମରେ ବସବାସ କରୁଥିବା ନାଗାପ୍ପା ପରିବାର ଏହାର ଏକ ବଡ଼ ଉଦାହରଣ। ଏହି ପରିବାରରେ ୬ ପିଢ଼ିର ୮୩ ଜଣ ସଦସ୍ୟ ଏକାଠି ରହୁଛନ୍ତି। ପାଖାପାଖି ଲାଗିରହିଥିବା ଚାରିଟି କୋଠାରେ ରହୁଥିଲେ ମଧ୍ୟ ସମସ୍ତ ସଦସ୍ୟ ଏକାଠି ରୋଷେଇ କରିବା ସହ ଏକାଠି ଖାଇଥାନ୍ତି ଏବଂ ଘରର ସବୁ କାମ ସହ ବିଭିନ୍ନ ଦାୟିତ୍ବ ମିଳିମିଶି ତୁଲାନ୍ତି। ସମସ୍ତେ ନିଜ ରୋଜଗାରର ଅର୍ଥକୁ ଏକାଠି ଖର୍ଚ୍ଚ କରନ୍ତି ଏବଂ ପରିବାରରେ ପ୍ରତିଦିନ କାହାର ନା କାହାର ଜନ୍ମଦିନ କିମ୍ବା ବିବାହ ବାର୍ଷିକୀ ଉତ୍ସବ ବହୁ ଆନନ୍ଦର ସହ ପାଳନ କରାଯାଏ। ଘରର ଯେକୌଣସି ଗୁରୁତ୍ବପୂର୍ଣ୍ଣ ନିଷ୍ପତ୍ତି ସମସ୍ତେ ଏକାଠି ନିଅନ୍ତି ଏବଂ କୌଣସି ମତଭେଦ ସୃଷ୍ଟି ହେଲେ ସେହି ଦିନ ହିଁ ସମସ୍ତେ ବସି ତାହାର ସମାଧାନ କରନ୍ତି। ଏତେ ସଂଖ୍ୟକ ସଦସ୍ୟଙ୍କ ମଧ୍ୟରେ ଏଭଳି ସମ୍ପର୍କ ଓ ଏକାଠି ରହିବାର ଧାରାକୁ ବଜାୟ ରଖି ଏହି ପରିବାର ଆଜି ଭାରତର ଅନ୍ୟ ଲୋକମାନଙ୍କ ପାଇଁ ଏକ ଆଦର୍ଶ ପାଲଟିଛି।

Santosh kumar

Court reporter କୋସାଗୁମୁଡା, ନବରଙ୍ଗପୁର, ଓଡ଼ିଶା•

2 hrs ago

ଯୌଥ ପରିବାର ବ୍ୟବସ୍ଥା ଦିନେ ହିନ୍ଦୁ ଧର୍ମାବଲମ୍ବୀମାନଙ୍କ ସାମାଜିକ ଓ ଆର୍ଥିକ ବ୍ୟବସ୍ଥାର ମୁଖ୍ୟ ଆଧାର ଥିଲା। କିନ୍ତୁ ସମୟ ବଦଳିବା ସହ ଲୋକେ ଏକୁଟିଆ ଏବଂ ଅଲଗା ରହିଲେ ଅଧିକ ଖୁସି ପାଇବେ ଭାବି ନିଜକୁ ଏହି ବ୍ୟବସ୍ଥାରୁ ଦୂରେଇ ନେଲେ, ଯାହାଫଳରେ ସମସ୍ତଙ୍କ ଘର ଭାଙ୍ଗିଗଲା। ପୂର୍ବରୁ ଯେଉଁ ପରିବାରରେ ୧୨, ୧୫ କିମ୍ବା ୧୮ ଜଣ ସଦସ୍ୟ ଏକାଠି ରହୁଥିଲେ, ଏବେ ସେଠାରେ ମାତ୍ର ୩ ରୁ ୪ ଜଣ ରହୁଛନ୍ତି। ପାରିବାରିକ ସମ୍ପର୍କ ଏତେ ବିଗିଡିଗଲାଣି ଯେ ଘରେ ଗୋଟିଏ ପୁଅ ଥିଲେ ମଧ୍ୟ ସେ ମାଆବାପାଙ୍କୁ ଅଲଗା କରିଦେଉଛି। ଆଜିର ସମୟରେ ଲୋକେ ପୁଣି ସେହି ପୁରୁଣା ଦିନକୁ ଝୁରୁଥିଲେ ମଧ୍ୟ ସେହି ଯୌଥ ପାରିବାରିକ ବ୍ୟବସ୍ଥାକୁ ପୁଣି ଥରେ ଆରମ୍ଭ କରିବା ଆଉ ସମ୍ଭବ ହେଉନାହିଁ। ଏଭଳି ସମୟରେ ମଧ୍ୟ ଆମ ଦେଶରେ କିଛି ପରିବାର ଅଛନ୍ତି ଯେଉଁମାନେ ଏବେ ବି ଯୌଥ ପରିବାର ବ୍ୟବସ୍ଥାକୁ ବଜାୟ ରଖିଛନ୍ତି। ଆନ୍ଧ୍ରପ୍ରଦେଶର ଅନନ୍ତପୁର ଜିଲ୍ଲା ଅନ୍ତର୍ଗତ କୁରଲାପଲ୍ଲୀ ଗ୍ରାମରେ ବସବାସ କରୁଥିବା ନାଗାପ୍ପା ପରିବାର ଏହାର ଏକ ବଡ଼ ଉଦାହରଣ। ଏହି ପରିବାରରେ ୬ ପିଢ଼ିର ୮୩ ଜଣ ସଦସ୍ୟ ଏକାଠି ରହୁଛନ୍ତି। ପାଖାପାଖି ଲାଗିରହିଥିବା ଚାରିଟି କୋଠାରେ ରହୁଥିଲେ ମଧ୍ୟ ସମସ୍ତ ସଦସ୍ୟ ଏକାଠି ରୋଷେଇ କରିବା ସହ ଏକାଠି ଖାଇଥାନ୍ତି ଏବଂ ଘରର ସବୁ କାମ ସହ ବିଭିନ୍ନ ଦାୟିତ୍ବ ମିଳିମିଶି ତୁଲାନ୍ତି। ସମସ୍ତେ ନିଜ ରୋଜଗାରର ଅର୍ଥକୁ ଏକାଠି ଖର୍ଚ୍ଚ କରନ୍ତି ଏବଂ ପରିବାରରେ ପ୍ରତିଦିନ କାହାର ନା କାହାର ଜନ୍ମଦିନ କିମ୍ବା ବିବାହ ବାର୍ଷିକୀ ଉତ୍ସବ ବହୁ ଆନନ୍ଦର ସହ ପାଳନ କରାଯାଏ। ଘରର ଯେକୌଣସି ଗୁରୁତ୍ବପୂର୍ଣ୍ଣ ନିଷ୍ପତ୍ତି ସମସ୍ତେ ଏକାଠି ନିଅନ୍ତି ଏବଂ କୌଣସି ମତଭେଦ ସୃଷ୍ଟି ହେଲେ ସେହି ଦିନ ହିଁ ସମସ୍ତେ ବସି ତାହାର ସମାଧାନ କରନ୍ତି। ଏତେ ସଂଖ୍ୟକ ସଦସ୍ୟଙ୍କ ମଧ୍ୟରେ ଏଭଳି ସମ୍ପର୍କ ଓ ଏକାଠି ରହିବାର ଧାରାକୁ ବଜାୟ ରଖି ଏହି ପରିବାର ଆଜି ଭାରତର ଅନ୍ୟ ଲୋକମାନଙ୍କ ପାଇଁ ଏକ ଆଦର୍ଶ ପାଲଟିଛି।