निर्भीड आपली जनता मिडिया ग्रुपच्या वर्धापन दिनानिमित्त मोहोळ तालुक्यातील बेगमपूर येथील विश्वजित मंगल कार्यालयात विविध क्षेत्रांत उल्लेखनीय कार्य करणाऱ्या कर्तृत्ववान व्यक्तींच्या गौरव समारंभाचे आयोजन करण्यात आले. या समारंभात सोलापूर लोकसभा मतदारसंघाच्या खासदार प्रणिती शिंदे यांच्या हस्ते, माजी जि. प. उपाध्यक्ष बाळराजे पाटील यांच्या प्रमुख उपस्थितीत, मोहोळ तालुक्यातील समाजाच्या विविध क्षेत्रांत महत्त्वाचे योगदान देणाऱ्या व्यक्तींचा सत्कार करून सन्मानचिन्ह प्रदान करण्यात आले. यावेळी मार्गदर्शन करताना खासदार प्रणिती शिंदे यांनी मोहोळ तालुक्याला जात, धर्म, पंथ यापलीकडे जाऊन पुरोगामी विचार जपणारा तालुका संबोधले. निर्भीड आपली जनता मिडिया ग्रुपने तालुक्यातील कर्तृत्ववान व्यक्तींचा केलेला हा गौरव इतरांसाठी प्रेरणादायी असल्याचे त्या म्हणाल्या. समाजासाठी निःस्वार्थपणे कार्य करणाऱ्या व्यक्तींची दखल घेतली जाणे आणि हा संदेश समाजात पोहोचणे अत्यंत महत्त्वाचे आहे, असेही त्यांनी नमूद केले. अशा सन्मानामुळे भविष्यात आणखी अनेक जण सामाजिक कार्यासाठी पुढे येण्यास प्रेरित होतील, अशी आशा त्यांनी व्यक्त केली. या कार्यक्रमास माजी जिल्हा परिषद उपाध्यक्ष बाळराजे पाटील, निर्भीड आपली जनता मिडिया ग्रुपचे संपादक व कार्यक्रमाचे आयोजक सोमनाथ मुसांडे, सभापती अस्लम चौधरी, मोहोळ तालुका काँग्रेसचे अध्यक्ष सुलेमान तांबोळी, जिल्हा उपाध्यक्ष राजेश पवार, आरिफ पठाण, पांडुरंग सरवळे यांच्यासह मोहोळ तालुक्यातील विविध क्षेत्रांतील अनेक मान्यवर मोठ्या संख्येने उपस्थित होते.

Akkalkot news

Fitness Trainer अक्कलकोट, सोलापूर, महाराष्ट्र•

1 hr ago

निर्भीड आपली जनता मिडिया ग्रुपच्या वर्धापन दिनानिमित्त मोहोळ तालुक्यातील बेगमपूर येथील विश्वजित मंगल कार्यालयात विविध क्षेत्रांत उल्लेखनीय कार्य करणाऱ्या कर्तृत्ववान व्यक्तींच्या गौरव समारंभाचे आयोजन करण्यात आले. या समारंभात सोलापूर लोकसभा मतदारसंघाच्या खासदार प्रणिती शिंदे यांच्या हस्ते, माजी जि. प. उपाध्यक्ष बाळराजे पाटील यांच्या प्रमुख उपस्थितीत, मोहोळ तालुक्यातील समाजाच्या विविध क्षेत्रांत महत्त्वाचे योगदान देणाऱ्या व्यक्तींचा सत्कार करून सन्मानचिन्ह प्रदान करण्यात आले. यावेळी मार्गदर्शन करताना खासदार प्रणिती शिंदे यांनी मोहोळ तालुक्याला जात, धर्म, पंथ यापलीकडे जाऊन पुरोगामी विचार जपणारा तालुका संबोधले. निर्भीड आपली जनता मिडिया ग्रुपने तालुक्यातील कर्तृत्ववान व्यक्तींचा केलेला हा गौरव इतरांसाठी प्रेरणादायी असल्याचे त्या म्हणाल्या. समाजासाठी निःस्वार्थपणे कार्य करणाऱ्या व्यक्तींची दखल घेतली जाणे आणि हा संदेश समाजात पोहोचणे अत्यंत महत्त्वाचे आहे, असेही त्यांनी नमूद केले. अशा सन्मानामुळे भविष्यात आणखी अनेक जण सामाजिक कार्यासाठी पुढे येण्यास प्रेरित होतील, अशी आशा त्यांनी व्यक्त केली. या कार्यक्रमास माजी जिल्हा परिषद उपाध्यक्ष बाळराजे पाटील, निर्भीड आपली जनता मिडिया ग्रुपचे संपादक व कार्यक्रमाचे आयोजक सोमनाथ मुसांडे, सभापती अस्लम चौधरी, मोहोळ तालुका काँग्रेसचे अध्यक्ष सुलेमान तांबोळी, जिल्हा उपाध्यक्ष राजेश पवार, आरिफ पठाण, पांडुरंग सरवळे यांच्यासह मोहोळ तालुक्यातील विविध क्षेत्रांतील अनेक मान्यवर मोठ्या संख्येने उपस्थित होते.