पिंपरी-चिंचवडमधील ताथवडे परिसरातून एक अत्यंत धक्कादायक आणि हृदयद्रावक घटना समोर आली आहे, जिथे आर्थिक विवंचनेमुळे आईसह तिच्या दोन मुलांचा संशयास्पद मृत्यू झाल्याने खळबळ उडाली आहे. कल्पना सूर्यवंशी आणि तिची दोन मुले घरात मृतावस्थेत आढळून आली. घरातून कोणताही प्रतिसाद न मिळाल्याने नातेवाईकांनी दरवाजा तोडून आत प्रवेश केला, तेव्हा त्यांना हा प्रकार निदर्शनास आला. प्राथमिक माहितीनुसार, संबंधित महिला गृहकर्जाच्या हप्त्यांमुळे आणि घर लिलावाच्या नोटिशीमुळे प्रचंड मानसिक तणावाखाली होती, त्यामुळेच तिने हे पाऊल उचलल्याचा संशय व्यक्त केला जात आहे. मात्र, यासोबतच अन्नातून विषबाधा झाल्याची शक्यताही वर्तवली जात आहे. ही घटना आत्महत्या आहे की यामागे अन्य काही कारण आहे, याचा उलगडा वैद्यकीय अहवालानंतरच होणार असल्याचे वाकड पोलिसांनी सांगितले. वरिष्ठ पोलीस निरीक्षक अशोक कडलक यांच्या मार्गदर्शनाखाली वाकड पोलीस या प्रकरणाचा पुढील तपास करत आहेत.

Thenayak

हवेली, पुणे, महाराष्ट्र•

5 hrs ago

पिंपरी-चिंचवडमधील ताथवडे परिसरातून एक अत्यंत धक्कादायक आणि हृदयद्रावक घटना समोर आली आहे, जिथे आर्थिक विवंचनेमुळे आईसह तिच्या दोन मुलांचा संशयास्पद मृत्यू झाल्याने खळबळ उडाली आहे. कल्पना सूर्यवंशी आणि तिची दोन मुले घरात मृतावस्थेत आढळून आली. घरातून कोणताही प्रतिसाद न मिळाल्याने नातेवाईकांनी दरवाजा तोडून आत प्रवेश केला, तेव्हा त्यांना हा प्रकार निदर्शनास आला. प्राथमिक माहितीनुसार, संबंधित महिला गृहकर्जाच्या हप्त्यांमुळे आणि घर लिलावाच्या नोटिशीमुळे प्रचंड मानसिक तणावाखाली होती, त्यामुळेच तिने हे पाऊल उचलल्याचा संशय व्यक्त केला जात आहे. मात्र, यासोबतच अन्नातून विषबाधा झाल्याची शक्यताही वर्तवली जात आहे. ही घटना आत्महत्या आहे की यामागे अन्य काही कारण आहे, याचा उलगडा वैद्यकीय अहवालानंतरच होणार असल्याचे वाकड पोलिसांनी सांगितले. वरिष्ठ पोलीस निरीक्षक अशोक कडलक यांच्या मार्गदर्शनाखाली वाकड पोलीस या प्रकरणाचा पुढील तपास करत आहेत.