କେନ୍ଦୁଝର ସଦର ନିର୍ବାଚନ ମଣ୍ଡଳୀ ଅନ୍ତର୍ଗତ କାଠବାରି ଗ୍ରାମପଞ୍ଚାୟତର ଲକ୍ଷ୍ମିପୋଷି ଗ୍ରାମଠାରେ ଜୁନ୍ ୨୨ ତାରିଖରେ ଆମ୍ ଆଦମୀ ପାର୍ଟି (ଆପ୍) ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ରାଜ୍ୟ ସରକାରଙ୍କ ବିଭିନ୍ନ ବିଫଳତା ଏବଂ ଜନବିରୋଧୀ ନୀତିକୁ ନେଇ ଦଳ ପକ୍ଷରୁ କଡ଼ା ସମାଲୋଚନା କରାଯାଇଛି। ଦଳ ଅଭିଯୋଗ କରିଛି ଯେ ସରକାର ନିର୍ବାଚନ ପୂର୍ବରୁ ଦେଇଥିବା ଅନେକ ପ୍ରତିଶ୍ରୁତି ବର୍ତ୍ତମାନ ପାଣିର ଗାରରେ ପରିଣତ ହୋଇଛି। ବୈଠକରେ ବକ୍ତାମାନେ ଦର୍ଶାଇଛନ୍ତି ଯେ ସର୍ବସାଧାରଣଙ୍କୁ ୩୦୦ ୟୁନିଟ୍ ମାଗଣା ବିଜୁଳି, ₹୩୦୦୦ ଭତ୍ତା, ଏବଂ ପେଟ୍ରୋଲ ଦର ହ୍ରାସ ନେଇ କରାଯାଇଥିବା ପ୍ରତିଶ୍ରୁତି କେବଳ ଭୋଟ୍ ହାସଲ କରିବାର ଏକ କୌଶଳ ଥିଲା। ସରକାରଙ୍କ ଏହି ମିଥ୍ୟା ପ୍ରତିଶ୍ରୁତି ଯୋଗୁଁ ଆଜି ସାଧାରଣ ଜନତା ଠକାମିର ଶିକାର ହୋଇଛନ୍ତି ବୋଲି ଦଳ ଦୃଢ଼ ମତ ପ୍ରକାଶ କରିଛି। ଏହା ସହିତ ଦରଦାମ୍ ବୃଦ୍ଧି ଓ ମୌଳିକ ସୁବିଧାରୁ ବଞ୍ଚିତ ହେଉଥିବା ଜନସାଧାରଣଙ୍କ ସମସ୍ୟାକୁ ସରକାର ଅଣଦେଖା କରୁଥିବା ଅଭିଯୋଗ କରାଯାଇଛି। ଆଗାମୀ ଦିନରେ ସରକାରଙ୍କ ଏହି ସମସ୍ତ ବିଫଳତାକୁ ଲୋକଲୋଚନକୁ ଆଣିବା ସହ ଘରେ ଘରେ ପହଞ୍ଚିବା ପାଇଁ ଦଳୀୟ କର୍ମୀମାନଙ୍କୁ ଆହ୍ୱାନ ଦିଆଯାଇଛି। କେନ୍ଦୁଝର ଜିଲ୍ଲାରେ ଆମ୍ ଆଦମୀ ପାର୍ଟି ଏହି ସମସ୍ୟା ଗୁଡ଼ିକ ବିରୋଧରେ ଜନ ଆନ୍ଦୋଳନକୁ ଜୋରଦାର କରିବ ବୋଲି ସଭାପତି ପ୍ରେମାନନ୍ଦ ସିଂ ପ୍ରକାଶ କରିଛନ୍ତି। ଏହି ବୈଠକରେ ଦଳର ଉପସଭାପତି ଜୈନୁଏଲ୍ ଅବେଦିନ, ବରିଷ୍ଠ ସଦସ୍ୟ ଅରୁଣ ନାଏକ, ଶୁଭଙ୍କର ମହାନ୍ତି, ଜୟକୃଷ୍ଣ ନାଏକ, ଦିପୁ ମହାନ୍ତ, ବିଜୟ ନାଏକ, ରସାନନ୍ଦ ନାଏକ, ପେକେନ୍ ନାଏକ ଏବଂ ଟୁଟୁ ପଲେଇଙ୍କ ସମେତ ବହୁ ସଂଖ୍ୟାରେ ସାଥୀ ଓ କର୍ମୀ ଉପସ୍ଥିତ ରହି ସାଙ୍ଗଠନିକ ଦାୟିତ୍ୱକୁ ନେଇ ଆଲୋଚନା କରିଥିଲେ।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

8 hrs ago

କେନ୍ଦୁଝର ସଦର ନିର୍ବାଚନ ମଣ୍ଡଳୀ ଅନ୍ତର୍ଗତ କାଠବାରି ଗ୍ରାମପଞ୍ଚାୟତର ଲକ୍ଷ୍ମିପୋଷି ଗ୍ରାମଠାରେ ଜୁନ୍ ୨୨ ତାରିଖରେ ଆମ୍ ଆଦମୀ ପାର୍ଟି (ଆପ୍) ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ରାଜ୍ୟ ସରକାରଙ୍କ ବିଭିନ୍ନ ବିଫଳତା ଏବଂ ଜନବିରୋଧୀ ନୀତିକୁ ନେଇ ଦଳ ପକ୍ଷରୁ କଡ଼ା ସମାଲୋଚନା କରାଯାଇଛି। ଦଳ ଅଭିଯୋଗ କରିଛି ଯେ ସରକାର ନିର୍ବାଚନ ପୂର୍ବରୁ ଦେଇଥିବା ଅନେକ ପ୍ରତିଶ୍ରୁତି ବର୍ତ୍ତମାନ ପାଣିର ଗାରରେ ପରିଣତ ହୋଇଛି। ବୈଠକରେ ବକ୍ତାମାନେ ଦର୍ଶାଇଛନ୍ତି ଯେ ସର୍ବସାଧାରଣଙ୍କୁ ୩୦୦ ୟୁନିଟ୍ ମାଗଣା ବିଜୁଳି, ₹୩୦୦୦ ଭତ୍ତା, ଏବଂ ପେଟ୍ରୋଲ ଦର ହ୍ରାସ ନେଇ କରାଯାଇଥିବା ପ୍ରତିଶ୍ରୁତି କେବଳ ଭୋଟ୍ ହାସଲ କରିବାର ଏକ କୌଶଳ ଥିଲା। ସରକାରଙ୍କ ଏହି ମିଥ୍ୟା ପ୍ରତିଶ୍ରୁତି ଯୋଗୁଁ ଆଜି ସାଧାରଣ ଜନତା ଠକାମିର ଶିକାର ହୋଇଛନ୍ତି ବୋଲି ଦଳ ଦୃଢ଼ ମତ ପ୍ରକାଶ କରିଛି। ଏହା ସହିତ ଦରଦାମ୍ ବୃଦ୍ଧି ଓ ମୌଳିକ ସୁବିଧାରୁ ବଞ୍ଚିତ ହେଉଥିବା ଜନସାଧାରଣଙ୍କ ସମସ୍ୟାକୁ ସରକାର ଅଣଦେଖା କରୁଥିବା ଅଭିଯୋଗ କରାଯାଇଛି। ଆଗାମୀ ଦିନରେ ସରକାରଙ୍କ ଏହି ସମସ୍ତ ବିଫଳତାକୁ ଲୋକଲୋଚନକୁ ଆଣିବା ସହ ଘରେ ଘରେ ପହଞ୍ଚିବା ପାଇଁ ଦଳୀୟ କର୍ମୀମାନଙ୍କୁ ଆହ୍ୱାନ ଦିଆଯାଇଛି। କେନ୍ଦୁଝର ଜିଲ୍ଲାରେ ଆମ୍ ଆଦମୀ ପାର୍ଟି ଏହି ସମସ୍ୟା ଗୁଡ଼ିକ ବିରୋଧରେ ଜନ ଆନ୍ଦୋଳନକୁ ଜୋରଦାର କରିବ ବୋଲି ସଭାପତି ପ୍ରେମାନନ୍ଦ ସିଂ ପ୍ରକାଶ କରିଛନ୍ତି। ଏହି ବୈଠକରେ ଦଳର ଉପସଭାପତି ଜୈନୁଏଲ୍ ଅବେଦିନ, ବରିଷ୍ଠ ସଦସ୍ୟ ଅରୁଣ ନାଏକ, ଶୁଭଙ୍କର ମହାନ୍ତି, ଜୟକୃଷ୍ଣ ନାଏକ, ଦିପୁ ମହାନ୍ତ, ବିଜୟ ନାଏକ, ରସାନନ୍ଦ ନାଏକ, ପେକେନ୍ ନାଏକ ଏବଂ ଟୁଟୁ ପଲେଇଙ୍କ ସମେତ ବହୁ ସଂଖ୍ୟାରେ ସାଥୀ ଓ କର୍ମୀ ଉପସ୍ଥିତ ରହି ସାଙ୍ଗଠନିକ ଦାୟିତ୍ୱକୁ ନେଇ ଆଲୋଚନା କରିଥିଲେ।